Yeremiya 7:4 - Emakhuwa Bible

⁴ Muhiroromele masu oolokhottha mweeraka: “Ela ti Empa ya Yave, Empa ya Yave, Empa ya Yave!”

Yeremiya 7:4 Iomraidhean Croise

1 Mamwene 9:7

kinoovenxa muloko wa aYixrayeli mweelaponi kivanghaaka ni kinoohiya Empa ya Yave ela kitteelihenraaka Nsinanaka. Hiiho, aYixrayeli anoothatuwa ootthebwiwa ni ootheiwa wa miloko sootheene.

Yesaya 48:2

Mwiiwe nyuwosa muneera weera muri amaki a esidade yootteela ni weera munimuroromela Muluku a oYixrayeli – Yave a ikuru sootheene ti Nsinanawe:

Yesaya 59:4

Khawoworu oniitthana onuuluma mulattwaawe ni ekhaikhai; khawoworu onaakiha nthowanawe ni murima wa ekhaikhai. Awosa anroromela soowuuluma sa siiyo ni masu oowootha; awosa anrupala sookacamiha ni angyara soonanara.

Yesaya 66:1

Yave oneera ha: “Erimu ti ehicaaka ya emwene ni elapo ya vathi ti ntthatto na inaawosaka. Moota heeni wa empa muneeraanyu mukitekele? Nipuro na wiitthuuwawaka nri woowi?

Yeremiya 28:15

Vano mprofeeti Yeremiya aamweerela Hananiya: “Mwiiwe Hananiya! Yave khoorumingheni, mene moohapuxa muloko ola, onaroromela wootha.

Yeremiya 29:23

Niwoko aapaka yoololo oYixrayeli: Aararuwa ni axaara a asinthamwenaaya ni mwa Nsinanaka ahuuluma soowootha, Miyo kihaalamulenlaaka wuuluma. Vaheera Miyo kineera kisuwelaka; kiri Namoona a yeeyo,” onghima Yave.

Yeremiya 29:31

“Mwaarumihele mutthenga ola anamatthukiwa ootheene: Yave onghima ha sa Xemayeya muNehelami: ‘Kiroohimurumiharu, Xemayeya ohoothaliherani nyuwosa apakihaka weera nyuwosa mpwaherere ngwoothani.

Yeremiya 6:14

Awosa anreherera makhwatta a mulokwaaka ehoonelakamo. Awosa aneera: ‘Murettele, murettele’ ohikhanleru murettele.

Yeremiya 7:14

Tivawo, yeeyo kipakenlaaka oXilo vano kinoopakela Empa ela erino Nsinanaka, Empa ya Yave mwa yeeyo munroromelaanyu, nipuro koovanghaakani nyuwosa ni makholowaanyu.

Ezekiyeli 13:19

Nyuwosa mookihiirela eriyari ya mulokwaaka mwaakakhanyihaka ni esevada* vakhaani ni inyenyeeri sa epaawu. Woolokottha mulokwaaka oniiwa soowootha, nyuwosa moowiiva yaale yahaaphwanenle okhwa, munawuurela yaale yahaaphwanenle okumi.

Mikeyasi 3:11

Ahoolelaaya anlakela yeerelaka makhwankwa, asaserdotaaya anxuttiha yeerelaka owina, ni maprofeetaaya antthoma yeerelaka musurukhu. Eyo eri hiiho, aniikhaviherano Yave, yeeraka: “Yave ori eriyaraahu. Kheenikhumelelaru erisa.”

Zefaniya 3:11

Nihuku nno nyuwosa khamuulihiheya muru mwa soopakasanyu sa okivaanyawanyu, niwoko kinimwaavenxa musidadenimu yaawo anghakalalela wiixoonawaya. Nyuwosa khamukhalatho oowiixoona vamwaakoniwaka wootteela.

Luuka 3:8

Moonihere soowiima sa orukunxa murima. Muhiixeereleke: ‘Nookhalano Abrahaamu ntoko atithi.’ Vano miyo kinooleelaani weera Muluku onoowera otatuxa maluku ala anamwane a Abrahaamu.