Yeremiya 7:31 - Emakhuwa Bible

³¹ Wookhaliha mapuro ootteeliheriwa miluku sikina sa oTofete vanreyareyani na Beni-Hinomi weera yaahise anamwanaaya asilopwana ni asithiyana – etthu Miyo kihitonkwaaka olamulela hata kahuupuwenlaaka.

Yeremiya 7:31 Iomraidhean Croise

2 Mamwene 17:17

Yaahaahisa ntoko yooveleela asinamwanaaya asilopwana ni asithiyana. Yaaheettelasa ihako ni sa okhwiri, yiithumihaka weera epake soonanara vamaithoni wa Yave, enatannya isarasawe.

2 Mamwene 23:10

Aananariha oTofeti waari vanreyareyani na oBeni-Hinomi moota wooweera khaawo eera awere omuhiserawo mwanawe mulopwana hoye hoye muthiyana wa muluku iitthaniwa Moleki.

2 Mamwene 23:20

Yosiya aawiiva asaserdoti* ootheene a mattumuxa ootteeliheriwa ale, ahisakamo makhuva a atthu. Vahoolowaya aahokoleela oYerusaleemu.

2 Nyaha 28:3

Aapaka sooveleela soohisa mureyareyani na oBeni-Hinomi, mpakatho aahaapaka yooveleela anamwanaawe asilopwana, atakihaka ikhovelelo soothanyeya sa miloko oomonlaawe Yave ohoolo wa aYixrayeli.

2 Nyaha 33:6

Mpakatho aahaahisa anamwanaawe asilopwana aapakaka yooveleela munreyareyani na oBeni-Hinomi; aapaka sookhwiri, aaheraka ihako ni macitta; aavarela muteko minepa, akohereraka minepa sa akhwiiye. Aapaka soonanara sincipale vamaithoni wa Yave, atannyaka isarasawe.

Yesaya 30:33

oTopeti woorehereriwa khalayi; ooreherereliwawo mwene. Moorowaaya ti woowaattaxa ni mutokotoko, okukumaka. Iphumu sa Yave simpatta ntoko enxofre* evarelaka mooro.

Yesaya 57:5

Moosareya soohaawela variyari wa ikaravalyu* ni vathi wa khula mwiri woopombaxa; nyuwosa munaapaka sooveleela anamwaniinyu mmaxaapwani ni munyattani.

Yeremiya 19:2

ni murowe munreyareyani na oBen-Himoni, vakhiviru wa mulako wa Nivali. Vawo mwalaleiye masu kineeraka kooleeleni,

Yeremiya 2:23

Mungwera hai weera khamwiivalinghe ni weera khamwaalampe aBahali*? Muupuwelele mweettelowaanyu mureyareyani ni moonelemo yeeyo mpankaanyu. Nyuwo muri ntoko ekamelu* eniileva, etthimakelaka mapuro ootheene;

Yeremiya 32:34

Aahiiriha Empa enkuxa Nsinanaka, ehelakamo icaambulo sa milukusaya sa mwiikho.

Yeremiya 32:35

Yaamutekela Bahali* mapuro ootteela oorakama mureyareyani na oBeni-Hinomi, weera emveleelele Moloki anamwanaaya asilopwana ni asithiyana. Vano eyo ti etthu kihitonkwaaka olamulela, epakelo yoohiira kihinuupuwelelaaka weera epake; ni hiiho, aamutthekiha Yuda.

Ezekiyeli 16:20

Vano nyuwo mohaakuxatho anamwaniinyu asilopwana ni asithiyana mwaakiyarenlaanyu, munaaveleela ntoko sooca wa miluku sikina. Opuutaanyu khawookwanneni?

Ezekiyeli 20:26

Kaahaahiya yiivalihakano sooveleelasaya, eyo tiiyo, omveleela khula mwaana a ntthaara, weera kaatteengulaxe ni weera awosa esuwele weera Miyo ti Yave.’

Ezekiyeli 20:31

Nyuwosa mwaapakaka sooveleelasanyu – mwaaveleelaka vayikho anamaniinyu – mumpwaherera wiivaliha ni milukusanyu sootheene mpaka olelo va. Ii! Muloko wa oYixrayeli, Miyo koohiyekeni mukikohereraka? Kinlipela mwa okumaaka, onghima Yave onlamula sootheene, Miyo nkootthuniherani okikoherera.

Levitiku 18:21

Muhiwinnyerereru anamwaniinyu weera yiiviwe ntoko yoomveleelela Molekhi, niwoko khoontthuniheriwa oveiha Nsina na Mulukwaanyu. Miyo ti Yave.

Mikeyasi 6:7

Yave aamwaahakalalela anapunci a ikhondoolo oohaalikeleya, ni nyooloko macira macireene muloko sa makhura? Kimveleeleke mwanaka a ntthaara niwoko na soopahulasaka, aani, yoowiima ya erutthwaaka niwoko na yoottheka ya munepaaka?

Deuteronomiyo 12:31

Muhimulape Yave Mulukwaanyu mooteene yoowo simpakaaya miloko iyo, niwoko saalapaka milukusaya, iyo simpaka itthu soonanara soohiyanahiyana mwa seiyo Yave onthanyaawe. Awosa mpaka anaahisa anamwanaaya mmooroni ntoko sooveleela wa milukusaya.

Deuteronomiyo 17:3

ahiiwelelaka malamulowaaka niwoko na olapa ni wuuramela miluku sikina hoye hoye nsuwa, mweeri naari ithenyeeri sa wiirimu,

Deuteronomiyo 18:10

Muhitthunihere variyariwanyu okhala mutthu anaamuhise mwanawe mulopwana hoye hoye muthiyana ntoko yooveleela; onaasa ihako hoye hoye ompaka macitta; malavi, okhwiri,

Yoxuwa 15:8

Okhuma vaavaale waawelela nreyareya na oBen-Hinomi, mpatta wa ohitto wa esidade ya aYebusi (eyo tiiyo oYerusaleemu). Okhuma vaavaale waawelela mpaka vasulu mwaako, mpatta ninkela nsuwa wa nreyareya na oHinomi, mpatta wa ottuttuwani wa nreyareya na oRefayimi.