Yeremiya 7:30 - Emakhuwa Bible

³⁰ Muloko wa oYuda woopaka soonanara vamaithoniwaka, onghima Yave. Wookhaliha milukusaya sa mwiikho Mpaani erino Nsinanaka oveihaka yeeyo.

Yeremiya 7:30 Iomraidhean Croise

2 Mamwene 21:3

Aatekatho mattumuxa ootteeliheriwa miluku sikina atithawe Hizekiya yaaphwantaaya; aamutekela altaari* Bahali* ni nrimbu nooteeliheriwa Axera, ntoko Ahabi, mwene a oYixrayeli aapankaawe. Aakokhorela ithenyeeri sootheene sa wiirimu, analapa.

2 Mamwene 21:4

Aatekela miluku sikina altaari* Mpaani mwa Yave, mwa mwemmo Yave eenraawe: “Kinimwiikaathi Nsinanaka oYerusaleemu.”

2 Mamwene 21:7

Aakuxa nrimbu noohaneliwa Axera, aniikaathi Mpaani mwa Yave. Vano ti mwaha wa empeene yeele ni oYerusaleemu Muluku aamweerenlaawe Davide ni mwanawe Salomoni: “Variyari wa ipuumba sootheene sa oYixrayeli, kinookhaliha Nsinanaka wa mahuku ootheene Mpaanimu mwa Yave ni mwa oYerusaleemu.

2 Mamwene 23:12

Aahaaphwata altaari* yaatenkaaya mamwene a oYuda vataratoni, vakhiviru wa ekwartu ya osulu ya Ahazi, nitho altaari* aatenkaawe Manaxe mmapuwani meeli a Mpaani mwa Yave. Aahaakhumiha, anaapwexa, anahela itthuxo vanreyareyani na oKideroni.

2 Nyaha 33:15

Manaxe aakhumiha Mpaani mwa Yave miluku sa anamarwa ni icaambulo iikaathiyaawemo, mpakatho altaari* ootheene a miluku soowootha aatenkaawe vanttumuxani na Empa ya Yave ni oYerusaleemu; aavonyera okerekhere wa esidade.

2 Nyaha 33:3

Aarasela mapuro a miluku soowootha, aaphwantaawe Hezekiya atithawe, anaatekela altaari* aBahali*, anathipela nyiri soothipeleliwa sa Axera. Aakokhorela ithenyeeri sootheene sa wiirimu, analapa.

2 Nyaha 33:7

Owo aakuxa ecaambulo yoopatthiwa, aniikaathi Mpaani mwa Yave, mwa mwemmo Muluku aamweerenlaawe Davide ni mwaniye Salomoni: “Mpaani mwa Yave ela ni oYerusaleemu, kithanlalaaka eriyari ya ipuumba sootheene sa aYixrayeli, kinoohelamo Nsinanaka wa mahuku ootheene.

Yesaya 66:4

Tivawo kineeraka kaahasuletho, kaaruuhelaka yeeyo anoovaxaaya. Niwoko Miyo kaawiitthana, mene khaawo aakhunle; Miyo kaahuuluma, mene khaawo iiwale. Awosa aapaka soonanara vamaithoniwaka ni aathanla yeeyo ehinkisiveliha Miyo.”

Yeremiya 16:18

Kinimwaattaruxa moota woopwahaxa wa sootakhalasaya ni sootthekasaya, niwoko awosa yaaveiha elapwaaka ni icaambulosaya sa mwiikho ni aasariha yoohiyeraaka ni milukusaya sa mwiikho.”

Yeremiya 23:11

“Okhuma maprofeeti mpaka asaserdoti* ti anamahiiriha; mpakatho Mpaanimwaka kimphwanya sootakhalasaya,” onghima Yave.

Yeremiya 32:34

Aahiiriha Empa enkuxa Nsinanaka, ehelakamo icaambulo sa milukusaya sa mwiikho.

Yeremiya 32:35

Yaamutekela Bahali* mapuro ootteela oorakama mureyareyani na oBeni-Hinomi, weera emveleelele Moloki anamwanaaya asilopwana ni asithiyana. Vano eyo ti etthu kihitonkwaaka olamulela, epakelo yoohiira kihinuupuwelelaaka weera epake; ni hiiho, aamutthekiha Yuda.

Ezekiyeli 7:20

Awosa yaahakalalela axiveevaaya ooreera, ni yaavarela muteko woopakela milukusaya soohiira ni icaambulosaya sa mwiikho. Tivawo kineeraaka kaatatuxere itthu iyo soohitteelasaya.

Ezekiyeli 8:3

Owo aahookola etthu yaalikana ni moono, anakivara mayihi. Munepa waakittukhulela eriyari ya etthaya ni erimu. Munyooneloni sa Muluku, Owo aakirongha oYerusaleemu, mpaka vamulako wa mpatta wa ottuttuwani wa nipuwa na mpuwa, mwa mwemmo yiikaathiwaayamo ecaambulo entannyera ehace ya Muluku.

Daniyeli 11:31

Anakhottwaawe anoorowa weera eveihe Empa ya Muluku yoolipaxa, emalihaka sooveleela sa khula nihuku. Vanonto anoomuteka muluku oohiira.

Daniyeli 9:27

Owo onoopaka wiiraana ni ancipale wa esimana emoha. Vano eriyari ya esimaneene yeeyo sinoomala sooveleela ni soovaha. Mpatta mmoha wa Empa ya Muluku onootekiwa muluku oohiira aneeraawe akhalewo mpaka ophiya ommaleloni olakeleliwaawe.”