Yeremiya 7:29 - Emakhuwa Bible

²⁹ Mmetthe mayihaanyu ni murihe; mulalamike mmattumuxani oothaamiwa, niwoko Yave oohiya ni ookhootta ekhapira ela entannya isarasawe.

Yeremiya 7:29 Iomraidhean Croise

2 Mamwene 17:20

Tivawo Yave aahingyaawe aYixrayeli ootheene; aahaahooxa, awinnyereraka mmatatani mwa anamahuhula mpaka owoomola vamaithoniwawe.

Yobi 1:20

Yobi iiwaka yeeyo, aaheemela, anaahula mukaandyo ni anamettha. Vano aahuuramihela ekhove vathi moolapani,

Yesaya 22:12

Nihuku nenenenne Namalamula, Yave a ikuru sootheene oowiitthanani weera mwiinle ni mulalamike, murosole mayihaanyu ni ngware isaakho.

Yeremiya 12:7

Koohiya empaaka ni yoohiyeraaka. Kinoomwinnyerera yoowo kinimusivelaaka mmatatani mwa amwiittanaawe.

Yeremiya 14:19

Nyuwo moomuhiya Yuda moota woomalela? Nyuwo moomuramusa Siyoni? Heeni munihasunlaanyu moota wooweera khaningweratho olama? Naaweherera murettele, mene khanoonneru. Naaweherera ehuhu ya olama, mene oriwo otteenguwa paahi.

Yeremiya 16:6

“Okhuma maneethi mpaka asikhaani animookhwa mweelaponi ela. Awosa kheevithasiwa naari kheelalamikeliwa ni khaawo aneera iipophe naari ametthe mwaha wa yaawosa.

Yeremiya 3:2

“Ngwehe mattumuxa ni moone: nookhala nipuro muhimveruliwaanyuwo? Nyuwo mookilaathi muxerexere ephiro mwaawehereraka munraruwanaanyu, mookilaathi ntoko namathaamathaama munikareni. Nyuwo moovaliha elapo ni opuutaanyu ni otakhalawanyu.

Yeremiya 3:21

Okhuwela oniiwanyeya vanttumuxani, wiinla ni odyoonttelela wa muloko wa oYixrayeli, niwoko waathanla iphiro sookhoromana omuttiwalaka Yave Mulukwaaya.

Yeremiya 47:5

Amaki a oGaza aamettha mayihi; wAxekeloni ori emaalelo. Ii! Oohalahala a munghawalawani, mpaka yaakhani nyuwo mwiinanelaka?

Yeremiya 48:37

Khula muru woometthiwa ni irerusene; matata ootheene ari makhwattaru ni eyuunu yootheene yookutteleliwa ni ikuwo soolalamikano.

Yeremiya 6:30

Awosa aniitthaniwa eparatha* yookhoottiwa niwoko Yave ohaakhootta.”

Yeremiya 9:10

Kinimwiinla, kinimwiikhupanyera ni kinoolalamikela nyaako niwoko na moocihamo weenre othaamiwamo ni khaawowo amviramo. Khooniiwanyeya onyakula wa mihuwo; ipalame sa wiirimu sootthawa ni axinama aalakaseya.

Yeremiya 9:16

Kinimwaamwaraxela variyari wa miloko awosa naari makholowaaya yahaasuwenlaaya ni kinimwaarumihela ekatana mpaka kineeraaka kaaphwate.”

Icipo Soolalamika 5:22

waahikhanle weera moonikhootta woomalela ni onipattiherawanyu isara soohimala!

Ezekiyeli 19:1

“Mwiipe ecipo yoowaakhupanyera anamwane a mamwene a oYixrayeli, mweeraka:

Ezekiyeli 28:12

“Mwaana a mutthu, mulalamike mwaha wa mwene a oTiro ni mmweerele: ‘Yave onlamula sootheene oneera ha: Nyuwo mwaari moota wookwanela, oosareya miruku ni oophwanelaxiwa.

Amosi 5:1

Ii! Muloko wa oYixrayeli, mwiiwe masu ala a olalamikeliwawanyu:

Mikeyasi 1:16

Mmetthe mayihaanyu mooniheraka wiikhupanyera mwaha wa anamwane mwa yaawo munaahakalalelaxaanyu; mmetthe mputu moli ntoko mwaaxaana a nrepo, niwoko awosa aaronghiwa wootthukiwani.

Matheyo 12:39

Owo aawaakhula: “Ekhapira yoonanara ni yooraruwa enoovekela eneneero yootikhiniheiya! Kheewotho eneneero ekina eneeraaya evahiwe, ehikhanle eneneero ya mprofeeti Yoonasi.

Matheyo 16:4

Ekhapira yoonanara ni yooraruwa emvekela eneneero yootikhiniheiya, mene kheemvahiwa naari eneneero emoha, ehikhanle eneneero ya Yoonasi!” Vano Yeesu aavenya, aahiyaka ale vaavaale.

Matheyo 23:36

Miyo kinoororomelihani weera sootheene seiyo nsikhuruwele ekhapira ela.

Matheyo 3:7

Aawoonnaawe Yohaane afarasi* ni aSaduki* ancipale ewaaka weiwo aapatisaawewo, aaweerela: “Inowa! Aweerenleni taani weera mutthawe isara sa Muluku sinkhuveela?

Miteko 2:40

Ni masu mancipale makina owo aawooperera ni aahaanyeserera awo: “Mwiivuluxe wa ekhapira ela yootakhala.”

Deuteronomiyo 32:5

Mulokwaawe Yave woompakela moohiroromeleyani; ti ekhapira yoohapuwa enkhalelaka emwaanomwaano ehikhalaka anamwanaawe. Ti yoowuuliha muru!