Yeremiya 7:23 - Emakhuwa Bible

²³ Ohiyanawaya, nlamulo kaavanghaaka ti nna: mukiiwelele ni kinookhala Mulukwaanyu ni nyuwosa munookhala mulokwaaka. Mweette mphironi kinoolamulelaakani weera itthu siweetteleni nnene.

Yeremiya 7:23 Iomraidhean Croise

Yobi 36:11

Vano, yamwiiwelela, enamurumeela Yoowo, sinooweettela nnenesene mpaka ommaleloni wa mahukwaaya ni anoohakalala muyaakhani saahaleenle.

Icipo 119:3

Awosa khampaka etthu yoonanara; anneetta mphironi mwa Yave.

Icipo 40:6

Khamuntthuna sooveleela soohiyanahiyana, mene moothorola maaruwaaka. Khamuntthuna sooveleela soohisa ni sa soottheka.

Icipo 81:13

Mano mulokwaaka waakiiwale, aYixrayeli yeettenle ephirowaaka,

Okhuma 15:26

aweerelaka: “Nyuwosa mwamwiiwelela Yave, Mulukwaanyu, ni mwapaka yeeyo onaakhulelaawe ni mwiiwelela malamulowaawe muttharaka ikanosawe sootheene, nkoorumihelasani hata eretta emoha sa seiye kaarumihenlaaka awExipitu, niwoko Miyo ti Yave onoolamihani.”

Okhuma 16:32

Moisesi aaheera: “Nlamulo na Yave ti nna: ‘Mukuxe ikiilu* piili sa emana* weera mukhapelelele ikhapira sa muhoolo weera yoone sooca koovanghaakani munikareni Miyo kookhumihaakani wExipitu.’”

Yesaya 3:10

Mwaaleele oororomeleya weera sootheene sinooweettela nnene, niwoko animooca soowiima sa mitekosaya soororomeleya.

Yeremiya 11:4

mwa weiwo kaalamulenlaaka makholowaanyu, kaakhumihaaka wExipitu, muttukutthani enghaniwa eyuuma.’ Keenre: ‘Mukiiwelele ni mpake sootheene kinoolamulelaakani ni munookhala mulokwaaka ni Miyo Mulukwaanyu.

Yeremiya 11:7

Okhuma ehuhuweene yeele kaakhumihalaaka makholowaanyu wExipitu mpaka olelo kannawooperera keeraka: “Mukiiwelele.”

Yeremiya 13:11

Vano mooteene yoowo laamba onlipihaawe eyuunu ya mutthu, hiihotho koolipiha oYuda ni oYixrayeli wootheene weera okivarexexe, ni weera okhale mulokwaaka wa epilaaka, ottottopelawaka ni nttittimihonaka,’ onghima Yave. ‘Wa soothesene awosa khayaakiiwale.’

Yeremiya 22:21

Kannawoopererani nyuwo mwiixoonaanyu okhala oolipeene, mene khamwaatthunne okiiwa. Owo waari mweettelowaanyu wa mahuku ootheene, niwoko okhuma emiravowaanyu; khamwaakiiwelela.

Yeremiya 22:3

Yave oneera ha: Mpake yeeyo eri ya ekhaikhai ni yoororomeleya. Mmoopole mmatatani mwa namahasula yoole ohuhuliwe. Muhimupakeleru yoonanara hata nihasu namarwa, akhwaasuni naari asinaamukhweli ni muhimwiiveleru oohinthowa vanipuroni nna.

Yeremiya 24:7

Miyo kinimwaavahasa murima woowera okisuwela, aani osuwela weera Miyo ti Yave. Anookhalasa mulokwaaka, ni Miyo kinookhala Mulukwaaya, niwoko awosa anoohokoleela wa Miyo ni murima wootheene.

Yeremiya 31:33

Yave oneera: “Wiiraana kineeraaka kipakele muloko wa oYixrayeli eviraleene mahuku awo, ti wu: Kinoohela Nlamulonaka mpuwamwaya ni kinoolepa mmurimanimwaya. Kinookhala Mulukwaaya, ni awosa anookhala mulokwaaka.

Yeremiya 32:23

Awosa yaahoorwa okuxa elapo ela, mene khaawiiwelenleni hata khayeettenle Nlamulonanyu. Khaapankeru etthu ya seiye mwaalamulenlaanyu. Tivawo yiiruhenlaaya erisa yootheene ela.

Yeremiya 38:20

Yeremiya aahaakhula: “Awosa kheewinnyererani. Mmwiiwelele Yave mpakaka yeeyo kinooleelaakani, weera sootheene siweetteleni nnene ni okumaanyu wuureleye.

Yeremiya 42:6

Enireerele hata ehinireerele, nnoomwiiwelela Yave, Mulukwaahu, mwa Yoowo hiyo nnoorumihelaahuni, weera sootheene sineettele nnenesene, niwoko nnoomwiiwelela Yave, Mulukwaahu.”

Zefaniya 3:2

Khawoworu emmwiiwaaya, ni kheentthuna wookoleliwa. Kheenimuroromela Yave, kheemmwaattamela Mulukwaaya.

Zakariya 6:15

Yaawo ari ottaiwene animoowa weera ekhavihere otekiwa wa Empa ya Yave ni munoosuwela weera Yave a ikuru sootheene ti okiruminghe wa nyuwo. Eyo eniiyereye nyuwo mwamwiiwelela oororomeleyeene Yave Mulukwaanyu.”

Zakariya 7:7

Ankha masu Yave aalaleiyaawe mwa maprofeeti a khalayi ehuhuweene yeele oYerusaleemu ni mittetthe sa mukhwipimwaya saaraaya ngwiitthuuwani ni moopuhani ni oNegeba ni ilapo sa vathi wa nyaako saahiitekiha?’”

aRooma 16:26

Mene vano ntikhinelo nna nohooniheriwa niwoko na Soolempwa sa maprofeeti ni mwa malamulo a Muluku oohimala, weera miloko soothesene simuroromele Yoowo ni simwiiwelele.

2 aKorinto 10:5

Nimphwata owana ni masu, ni wiixoona wootheene oniikhumelelihera osuwela wa Muluku. Hiyo nimvara soowuupuwela sootheene weera sithatuwe soomwiiwelela Kristu.

Deuteronomiyo 11:27

Nyuwosa munooreelihiwa mwiiwelela malamulo a Yave Mulukwaanyu miyo kinoovahasaakani olelo,

Deuteronomiyo 13:4

Muntthare ni munttittimihe Yave Mulukwaanyu paahi. Mweettele malamulowaawe mmwiiwelelaka. Munrumeele ni mumvarexexe Yoowo.

Deuteronomiyo 13:5

Mprofeeti hoye hoye namaloha owo iiviweke, niwoko oolaleiya amvirikanyihelaka Yave Mulukwaanyu, mwa Yoowo ookhumihaleni wExipitu ni owooponleni mweelaponi ya okaporo. Owo aatthuna woohapuxani mphironi Yave Mulukwaanyu oolamulenlaaweni otthara. Mmalihe yoonanara variyariwanyu.

Deuteronomiyo 30:2

nyuwosa vamoha ni anamwaniinyu mwahokoleela wa Yave Mulukwaanyu mwiiwelelaka ni murimaanyu ni okumaanyu wootheene munatthariha sootheene koolamulenlaakani olelo,

Deuteronomiyo 30:20

ni weera munsivele Yave Mulukwaanyu, mwiiwe nsunawe mumvarexexaka Yooworu. Vanonto Yave ti okumaahu ni Owo onoowaandyeererani iyaakha mweelaponi aaroromelinghaawe ni nlipelo waavaha makholowaanyu Abrahaamu, Isaki ni Yakobe.”

Deuteronomiyo 30:8

Nyuwosa munoomwiiwelelatho Yave Mulukwaanyu muttharaka malamulowaawe ootheene kinoovahaakani olelo.

Deuteronomiyo 4:10

Muupuwelele nihuku mwaaraanyu ohoolo wa Yave Mulukwaanyu oHorebi, Owo aakeerenlaawe: “Muthukumanyihe muloko ohoolowaka weera wiiwe maswaaka ni oxuttere okittittimiha mahuku ootheene onkhalaaya mweelaponi, waaxuttihakatho anamwanaaya.”

Deuteronomiyo 4:40

Mwiiwelele ikanosawe ni malamulowaawe kinoovahasaakani olelo weera sootheene siweetteleni nnenesene nyuwosa ni anamwaniinyu ni weera mukhale ni okumi wa mahuku mancipale mweelaponi Yave Mulukwaanyu onoovahasaaweni.”

Deuteronomiyo 5:16

Mwaattiitiimihe atithinyu ni amayinyu ntoko Yave Mulukwaanyu oolamulenlaaweni weera woorakameleni okumi ni sootheene siweetteleni nnenesene mweelaponi Yave Mulukwaanyu onoovahaaweni.

Deuteronomiyo 5:29

Ohaawelawaka ti weera owo opwaherere otthuna okittittimiha ni wiiwelela malamulowaaka ootheene weera weetteleye nnene muloko owo ni anamwanaaya wa mahuku ootheene!

Deuteronomiyo 5:33

Mweetteke mahuku ootheene mphironi Yave Mulukwaanyu oolamulenlaaweni weera mukhale ni okumi, sootheene siweetteleni nnene, ni mahukwaanyu yaandyeerereye mweelaponi muneeraanyu mukuxe.

Deuteronomiyo 6:3

Mwiiwe aYixrayeli ni mwiiwelelase weera sootheene siweetteleni nnene mwaattaka mulaponi waattiyaayawo mukaka ni oravo, ntoko oororomelihalaaweni Yave Muluku a makholowaanyu.

aHeberi 5:9

Ni aakwanihenraawe wiiwelelawawe, aathatuwa Naattuuttu oohimala a ovuluxiwa wa ootheene ammwiiwelela,

1 Samuweli 15:22

Vanonto Samuweli aamwaakhula: “Weeraka Yave onsiveliwa ni sooveleela soohisa ni sa inama opwaha wiiwelela maswaawe? Fataari omwiiwelela Yave ohikhanle opaka sooveleela; aani fataari omwiiwa ohikhanle inama sooneneva.