Yeremiya 7:10 - Emakhuwa Bible

¹⁰ ni vahoolowaya okhala ohoolowaka Mpaanimu ela erino Nsinanaka, mweeraka: “Noolipa!” Noolipa weera mpwaherere ni miteko sootheene iyo sa mwiikho?

Yeremiya 7:10 Iomraidhean Croise

1 Mamwene 9:3

Yave aamweerela: Kohiiwa nivekelo ni odyoonttelelawanyu muvekenlaanyu vamaithoniwaka; kootteeliha Empa ya Yave ela mwa yeeyo mutenkaanyu weera mwemmo nimakemo Nsinanaka mahuku ootheene. Maithwaaka ni murimaaka onookhalamo wa mahuku ootheene.

2 Mamwene 21:4

Aatekela miluku sikina altaari* Mpaani mwa Yave, mwa mwemmo Yave eenraawe: “Kinimwiikaathi Nsinanaka oYerusaleemu.”

2 Nyaha 33:4

Aahaateka altaari* Mpaani mwa Yave, mwa mwemmo Yave eenraawe: “Nsinanaka nnoopwaherera wa mahuku ootheene oYerusaleemu.”

2 Nyaha 33:7

Owo aakuxa ecaambulo yoopatthiwa, aniikaathi Mpaani mwa Yave, mwa mwemmo Muluku aamweerenlaawe Davide ni mwaniye Salomoni: “Mpaani mwa Yave ela ni oYerusaleemu, kithanlalaaka eriyari ya ipuumba sootheene sa aYixrayeli, kinoohelamo Nsinanaka wa mahuku ootheene.

Masu a Miruku 15:8

Yave onthanya sooveleela sa atakhali, vaheera nivekelo na oororomeleya ninnamusiveliha.

Yesaya 48:2

Mwiiwe nyuwosa muneera weera muri amaki a esidade yootteela ni weera munimuroromela Muluku a oYixrayeli – Yave a ikuru sootheene ti Nsinanawe:

Yeremiya 32:34

Aahiiriha Empa enkuxa Nsinanaka, ehelakamo icaambulo sa milukusaya sa mwiikho.

Yeremiya 34:15

Nnaanaanoni nyuwosa moorukunxa murima, munapaka yeeyo kinaakhulela: Khula mutthu a nyuwo oolaleiya otapuxiwa wa asikhwaawe. Nyuwosa moopaka wiiwanana ohoolowaka mpaani enkuxa Nsinanaka.

Yeremiya 44:9

Weeraka nyuwosa moottiwala sootakhala yaapankaaya makholowaayu ni mamwene a oYuda ni axaaraya, ni sootakhalasanyu mumpakaanyu vamoha ni axaarinyu mulaponi mwa oYuda ni mmiseweni sa oYerusaleemu?

Yeremiya 7:11

Mootatuxa Empa ela erino Nsinanaka nikhuku na anamwiiya, mene nnene! Miyo kineera koonaka yeeyo, onghima Yave.

Yeremiya 7:14

Tivawo, yeeyo kipakenlaaka oXilo vano kinoopakela Empa ela erino Nsinanaka, Empa ya Yave mwa yeeyo munroromelaanyu, nipuro koovanghaakani nyuwosa ni makholowaanyu.

Yeremiya 7:30

Muloko wa oYuda woopaka soonanara vamaithoniwaka, onghima Yave. Wookhaliha milukusaya sa mwiikho Mpaani erino Nsinanaka oveihaka yeeyo.

Ezekiyeli 20:39

Vaheera wa nyuwosa, muloko wa oYixrayeli, Yave onlamula sootheene oneera ha: Khula mutthu a nyuwosa arowe ni alape milukusawe! Vaheera vahoolo wa yeeyo, vekhaikhai mmwikiiwe ni khamuhiirihatho Nsinanaka nootteela ni sooveleelasanyu ni milukusanyu.

Ezekiyeli 23:29

Awosa eniyoopakeleni moota woothanyeya ekuxaka sootheene nyuwo mphwannyaanyu mmutekonimwanyu. Awosa eniyoohiyeeni yoorunleeneni mukhalaka tiriya, ni wuulihiheya muru wa opuutaanyu onimoonihereya. Eyo eniyookhumeleleni niwoko na otakhalawanyu ni oveleela erutthwaanyu,

Ezekiyeli 23:37

niwoko awosa aararuwa ni mmatatanimwaya ori ephomeru. Aararuwano milukusaya; mpakatho ahaahisa ntoko sooveleela anamwanaaya asilopwana wa milukusaya, mwa yaawo yaakiyarenlaaya.

Ezekiyeli 23:39

Nihuku nenenenne yaaveleelasaaya anamwanaaya asilopwana wa milukusaya, awosa yaamvolowa vaNipuroniwaka Nootteela*, enahiiriha. Ti yeeyo apankaaya Mpaanimwaka.

Ezekiyeli 33:25

Vano ngweerelase weera Yave onlamula sootheene oneera ha: ‘Mweenre nyuwosa mukhuuraka enama ni ephomaaya, munakokhorela milukusanyu muyeehaka ephome, moota heeni muneeraanyu mukhaleno elapo?

Ezekiyeli 33:31

Mulokwaaka onrwa wa nyuwo ntoko okhovelenlaaya opaka, ni onkilaathi weera wiiwe maswaanyu, mene khooneettela. Ngwuulumanimwaya ankhala ntoko oororomeleya, vaheera anghaawela owina woohiroromeleya.

Ezekiyeli 5:11

Vanonto, kinlipela mwa okumaaka, onghima Yave onlamula sootheene, mweenre mvaliha Nipuronaka Nootteela* ni icaambulosanyu soothanyeya ni soopakasanyu soohiira, Miyo kinoovenxa mareelihowaaka. Nkoomorelani ikharari hata nkiwuurelani.

Daniyeli 9:18

Ii! Muluku Dyoontte mwiiwe; muhuleke maithwaanyu ni ngwehe othaamiwa wa esidade enkuxa Nsinananyu. Hiyo khannoovekelani Nyuwo niwoko na ororomeleyawahu, mene niwoko na ikhararisanyu sitokotoko.

Hoxeya 6:9

Mooteene yoowo atakhali aniipithaaya emuthurumelaka mutthu oomvara, hiihotho mikuttula sa asaserdoti*; awosa aniivela mmiseweni sa oXekhemi, enapaka sootakhala sikina soowuulihaxa muru.

Amosi 4:5

Muhise epaawu yookhalano eferementu ntoko yooveleela yootthapela ni mwiikuxerereno soovahasanyu sootheene sa otthunawanyu, nyuwosa aYixrayeli, niwoko ti yeeyo munsivelaanyu opaka,” onghima Yave onlamula sootheene.

Zefaniya 1:5

yaawo anlapa ithenyeeri sa wiirimu vasulu vanipathoniwaya, ni yaawo ankokhora elipelaka mwa Yave nitho mpaka Moleki;

Malekiya 3:15

Tivawo, vano ningwoonelaahu okhala oohakalala anamwiixoona, niwoko sinnaweettelaxa nnene yaawo ampaka yoonanara. Mpaka yaawosa aningwanano Muluku animoopowa!’”

Matheyo 23:13

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo mungwala nsele na omwene wa wiirimu ohoolo wa atthu. Nyuwo muneenaanyu khamumvolowa, hata khamunaahiya evolowaka yaawo antthuna.

Yohaane 13:18

Nkinoohimani nyuwo ootheene. Kohaasuwela yaawo kaathanlalaaka. Yeeyotho eneereiya weera ekwaniheriwe Yoolempwa*: ‘Yoole onca epaawaaka, ookivaha munyeethaawe.’

Yohaane 18:28

Woottharelana, aYuda yaamukuxa Yeesu wa Kayafasi emuronghaka empa etokotoko ya guvernadori a oRooma. Vano, oxaaka ni weera esembe ovalihiwa, aYuda khayaavolowa empa etokotoko ele niwoko yaatthuna omucano mPaska*.