Yeremiya 6:26 - Emakhuwa Bible

²⁶ Ii! Mulokwaaka, muwarele isaakho ni mwiihele ettuura. Mwiinle moota woolalamikaxa ntoko mutthu ommwiinlela mwaniye mmoharu, niwoko wootutuxereya namaphwata onooniphwanya.

Yeremiya 6:26 Iomraidhean Croise

Epacerero 21:16

Vano aarowa okilaathi ottai vakhaani, moota onkotaaya wuumpha wa muupa, niwoko uupuwela: “Nkintthuna omoona mwaana akhwaaka.” Akilaathiyeene vathi aahiinla vancipale.

Yobi 15:21

Oniiwa paahi sooruma soowoopiha, iixoonaka okhala mmuretteleni, anamwiiya anoongwanano.

Yobi 2:8

Yobi aakuxa nivali aniisunelano akilaathiyeene vattuurani.

Yesaya 22:12

Nihuku nenenenne Namalamula, Yave a ikuru sootheene oowiitthanani weera mwiinle ni mulalamike, murosole mayihaanyu ni ngware isaakho.

Yesaya 22:4

Tivawo keenraaka: “Mususe wa miyo, mukihiye kiixiinlele. Muheerere okipepesa niwoko na ophwatiwa wa mulokwaaka.”

Yesaya 3:24

Ohiya wunkhela onuukhale wunkha; omuhiya laamba onuukhale, mukhoyi; ohiya otthaveliwa mayihi oophwaneliwa, onuukhale mputu; ohiya ikuwo soowaaraxa, nsikhale isaakho; ohiya ophwaneliwa, eniikhale mapharima oowoopiha.

Yesaya 30:13

yoottheka ela enoothatuwa wa nyuwosa ntoko exiri yoorakamelaxa ehinaaye omora, enimwaaleya, enookhutubuwa, mwa yeeyo eneera emore wootutuxereya.

Yesaya 32:11

Muthukumele nyuwosa asithiyana muri emaalelo, Owuumeeni owanoni anamwane asithiyana nyuwosa munoona weera moolipa. Muruleke ni ngware isaakho!

Yeremiya 12:12

Anamaphwata animoowa eviraviraka mmattumuxani oowuumelela onikareni, niwoko ekatana ya Yave enoophwata elapo yootheene eyo. Khawowo anaakhale oolipeene.

Yeremiya 13:17

Mene nyuwo mwaahiiwa, kinimwiinla muxiirini niwoko na wiixoonawanyu. Kinimwiinlaxa ni maithwaaka anoosareya maithori, niwoko muhuwo wa Yave onooronghiwa wootthukiwani.

Yeremiya 14:17

“Mwaaleele ha: ‘Maithwaaka esareyeke maithori ohiyu ni othana woohihiyerera, niwoko mwanaka oowiikosoopa, mulokwaaka, oovulalaxa, oomaniwa moota woowoopiha.

Yeremiya 15:8

Kinoopakiha weera asinaamukhwelaaya yaattaxe opwaha ihaava sa mphareiya. Othana eriyari kinimwaaruuhela asimaayi a amiravowaaya asilopwana namaphwata; wootutuxereya kinimwaaruuhela woova ni otteenguwa.

Yeremiya 18:22

Wiiwanyeye okhuwela ongweela mmawannyaya mwaaruuhelaka wootutuxereya anakhotto a elapo ekina, niwoko aathipa elakasa weera ekivare ni aakireya miraakho weera epharihe inaawosaka.

Yeremiya 30:5

“Yave oneera ha: ‘Oniiwanyeya okhuweliwa wa orukureeriheya nyuru – otteenguwa ohikhanle wa murettele.

Yeremiya 4:11

Ehuhuweene yeeyo muloko ola ni oYerusaleemu onooleeliwa: “Epheyo yoovihaxa enrweela mmattumuxani a munikareni enoopela mpatta wa mulokwaaka, mene kheeneerela oveera hoye hoye otteeliha.

Yeremiya 4:20

Erisa enttharelana erisa; elapo yootheene yooheleya nthala. Wootutuxereya iheemasaka soophwatiwa vamohamoharu moowiipithamwaka.

Yeremiya 4:8

Vano, ngware isaakho soolalamikano, mwiinle ni mulalamike, niwoko isara soowoopiha sa Yave khasinihulungwe.

Yeremiya 6:14

Awosa anreherera makhwatta a mulokwaaka ehoonelakamo. Awosa aneera: ‘Murettele, murettele’ ohikhanleru murettele.

Yeremiya 8:19

Mwiiwe okhuwela wa mulokwaaka mweelaponi ya ottai: “Yave khakhanle oSiyoni? Mwenaaya khamphwanyaneyawo?” Vano Yave aahaakhula: “Heeni awosa atannyalaaya isarasaka ni icaambulosaya ni milukusaya soohimuteko sa anamarwa?“

Yeremiya 8:21

Weenre mulokwaaka ovulalihiwa, miyotho koovulalaxa; kinnalamikaxa ni koothananaxa.

Yeremiya 9:1

Ii! Muruwaaka waari naatuuttu a maahi ni maitwaaka ehime ya maithori! Vano kaamwiinla ohiyu ni othana niwoko na okhwa wa mulokwaaka.

Yeremiya 9:10

Kinimwiinla, kinimwiikhupanyera ni kinoolalamikela nyaako niwoko na moocihamo weenre othaamiwamo ni khaawowo amviramo. Khooniiwanyeya onyakula wa mihuwo; ipalame sa wiirimu sootthawa ni axinama aalakaseya.

Icipo Soolalamika 1:16

Tivawo miyo kiniinlaaka; mmaithonimwaka esareiyeene maithori. Khawoworu onkaattamela weera akipembese, khawoworu onreherera okumaaka. Anamwanaaka khaanonoru oowaakosoopa, niwoko mwiittana oopwaherera owina.”

Icipo Soolalamika 1:2

Ohiyu onimwiinlaxa, maithoraaya ankhwalala owiithowaya. Variyari wa oosiveleyaawe ootheene khawoworu onimpembesa. Asinthamwenaawe ootheene aamvariha; aani aathatuwa amwiittanaawe.

Icipo Soolalamika 2:11

Maithwaaka aakhulumuwa wiinla, munepaaka woohasuwa, murimaaka wookiriipaxa, niwoko mulokwaaka woophwatiwa ni amiravo ni anamwane ankomokela mmiseweni sa musidade.

Icipo Soolalamika 3:16

Ookhula mainowaaka ni maluku; ookinyikalela vantthupini.

Icipo Soolalamika 3:48

Owiithowaka aasareya maithori niwoko mulokwaaka woophwatiwa.

Icipo Soolalamika 4:10

Asithiyana annene aawaapeya anamwanaaya asilopwana ni matataaya, athatungwe yoocaaya, mulokwaaka waaphwatiwaaya.

Icipo Soolalamika 4:3

Mpaka akhwatte anaavaha mapele anamwanaaya weera ewaamwihe, mene mulokwaaka khoononotho murima; ori ntoko makhakandore a munikareni.

Icipo Soolalamika 4:6

Ottaruxiwa wa mulokwaaka wootepaxa opwaha wa oSodoma, waaphwatiwa ehuhu emoharu woohikhala ookhaviherawo.

Amosi 8:10

Ifestasanyu kinootatuxa wiinanela ni iciposanyu sootheene olalamika. Kinoopakiha weera ootheene nyuwo ngware soowiinanelano ni mmetthe. Kinoopakiha weera nihuku nno nikhale ntoko na omwiinlela mwaana mmoharu, ni ommaleloniwaya ntoko nihuku na othananaxa.

Yoonasi 3:6

Iiwakaru mwene ihaali iye, aavenya vahiceniwawe, anarula mukaandyo wa emwene, anawara isaakho akilaathiki vattuurani.

Zakariya 12:10

Kinooyeehera ekhapira ya Davide ni amaki a oYerusaleemu munepa wa oreera murima ni odyoonttelela. Awosa anookiweha – yoowo yaamuhommaaya – ni anoomwiinlela ntoko oniinlelaawe yoole okhwiiye mwaniye aari mmoharu ni ntoko onlalamikeliwaaya okhwa wa ntthaara.

Luuka 7:12

Ekhuveelaka mulako wa esidade, eera ateexiwaka mutthu ookhwa, mwanawe mmoharu naamukhweli. Atthu ancipale a esidade yaari ni naamukhweli ole.

Yakobe 4:9

Mwiithananihere, mulalamike ni mwiinle. Otheiyawanyu otatuxiwe othanana, ni ohakalalawanyu otatuxiwe olalamika.

Yakobe 5:1

Vano, mwiiwe, nyuwo anamapuha. Mwiinle ni mulalamike niwoko na soohaawasanyu sinookhuruwelani.