Yeremiya 6:22 - Emakhuwa Bible

²² Yave oneera ha: “Moone, anakhotto ancipale anrweela elapo ya mpatta wa ottuttuwani; muloko mutokotoko onrehereriwa okhuma ekotenle elapo.

Yeremiya 6:22 Iomraidhean Croise

Nehemiya 1:9

Vaheera, mwakihokoleela mwiiwelelaka malamulowaaka mweettelaka yaawo, vano Miyo kinimoothukumanyasani naari nyuwosa mmwaramwareiyeene mmapuroni oorakamela. Aani, kinimooruuhasani nipuro kithanlalaaka weera nimakewo Nsinanaka.’

Yeremiya 10:22

Mwiiwe! Ehaali enrwa – minyakunyaku sitokotoko sinrweela mpatta wa ottuttuwani. Mittetthe sa oYuda sinoophwatiwa, sitatuxiweke mookhalamo akhwatte.

Yeremiya 13:20

Yerusaleemu, muhuleke maithwaanyu ni ngwoone yaawo anrweela mpatta wa ottuttuwani. Ori woowi muhuwo mwinnyereriwaanyu; ikhondoolo mwa seiyo mwiixooneraanyuno?

Yeremiya 25:32

Yave a ikuru sootheene oneera ha: “Moone! Erisa ennamwareela khula muloko; nihooxo noowoopiha ninnakhuruwela elapo yootheene.”

Yeremiya 25:9

kinimwiitthana miloko sootheene sa ottuttuwani ni murumeiyaaka Nebukadenezari, mwene a oBabiloniya,” onghima Yave. “Kinooruuha weera siwaneno elapo ela, amakaaya ni miloko sootheene soorukureenreni. Miyo kinimoophwatani woomalela ni kinimookhalihani moopopihero, otthebwiwa, ni oheleya nthala woohimala.

Yeremiya 30:5

“Yave oneera ha: ‘Oniiwanyeya okhuweliwa wa orukureeriheya nyuru – otteenguwa ohikhanle wa murettele.

Yeremiya 4:16

“Muleele yeeyo miloko; mulaleiye yeeyo oYerusaleemu: ‘Anakhotto anamarica anrweela mulaponi ya ottai, ekhuwelelaka ekhotto wa isidade sa oYuda.

Yeremiya 4:6

Mweemexe eneneero enthoonyera oSiyoni. Mutthawe woowaakuveya mwaasaasaka wootthawelamo! Miyo kinooruuha erisa okhuma mpatta wa ottuttuwani, ophwata woowoopihaxa.”

Yeremiya 47:2

Yave oneera ha: “Moone moota maahi ansaraaya ottuttuwani; awo anthatuwa oowuupa ekumburulaka. Anookombaanya elapo ela ni sootheene sirimo; mittetthe ni amakaaya. Vano, muloko onookhuwela, amaki ootheene a elapo ela anookhuwela,

Yeremiya 5:15

Ii! Ipuumba sa oYixrayeli,” onghima Yave, “kinooruuhelani muloko wa ottai weera woowananeni – muloko wa khalayi ni woohiwineya, mwa yoowo muhisuwenlaanyu nuulumonaya hata muhiniiwexexaanyu onghimaaya.

Yeremiya 5:16

Nluwonaya nri ntoko nihiye noohuleya; ootheene a yaawo ari anakhotto ooweraxa.

Yeremiya 6:1

“Ii! Ekhapira ya Benyamini, mutthawele nipuro noolipaxa! Mutthawe oYerusaleemu! Mwiipe nipalapatta oTekowa! Mweemexe eneneero oBeti-Hakeremi! Niwoko ennooneya erisa enrweela ottuttuwani – ophwata woowoopihaxa.

Ezekiyeli 21:31

Kinimooyeeherasani isarasaka, kinoowiiseelelasani onyoonyiwawaka woowuupaxa Miyo kinoowinnyererasani mmatatani mwa atthu oopuhera, mwa yaawo akhovelenle ophwata.

Ezekiyeli 23:22

Tivawo Yave onlamula sootheene oneeraawe ha: Kinimwaathubera yaawo munaakonanaanyu weera yoowananeni nyuwo – yaale mwaasunsaanyu oonyooseyeene, ni kinimwaaruuha weera yoowananeni mmipattani sootheene –

Habakuki 1:6

Kinimwaatannyera aBabiloniya – muloko woohikhalano ikharari ni woowali, mwa yoowo oneetteetta elapo yootheene okuxaka ilapo sa miloko sikina.

Deuteronomiyo 28:49

Yave anootannyereleni muloko wa ottai weera woorweelaseni ntoko xaaka atthunaka ovara; muloko muneeraanyu muhiiweke nuulumonaya.