Yeremiya 6:20 - Emakhuwa Bible

²⁰ Nkimpwattharu erubani* ya oXeba hoye hoye etthu yoowunkhelaxa enruuhiwa ilapo sa ottai. Sooveleelasanyu soohisa khasinaakhuleleya; sooveleelasanyu khasinkisiveliha.”

Yeremiya 6:20 Iomraidhean Croise

2 Samuweli 15:12

Abesalomi amalihaleene opaka sooveleela, aamwiitthana namalakaawe mwene, Ahitofeli, muGiloni, onkhala oGilo. Yoovaanelela yaakhala ni ikuru yaattaka yaawo yaamutthara Abesalomi.

1 Mamwene 10:10

Owo aamvaha mwene ikiilu* macira miloko mixexe sa eyuuma yoorikaxa, itthu sooreerela sincipale ni maluku oowaaraxa. Khasinaruuhiwetho itthu sooreerela sincipale ntoko seiye pwiyamwene a oXeba aamvanghaawe mwene Salomoni.

Icipo 40:6

Khamuntthuna sooveleela soohiyanahiyana, mene moothorola maaruwaaka. Khamuntthuna sooveleela soohisa ni sa soottheka.

Icipo 66:3

Mmweereleke: “Mitekosanyu ti sootikhiniheyaxa! Ikurusanyu ti sitokotoko moota wooweera amwiittanaanyu aniipurula ohoolowanyu.

Okhuma 30:23

“Muthukumanye sooreerela sooreeraxa sinttharelana: ikiilu* ithannamosa sa emiira* ya maaheene, ikiilu* tthaaru sa kanela* oosiva, ikiilu* tthaaru sa mihali* soowunkhela,

Masu a Miruku 15:8

Yave onthanya sooveleela sa atakhali, vaheera nivekelo na oororomeleya ninnamusiveliha.

Masu a Miruku 21:27

Sooveleela sa atakhali ti soothanyeya; wootepaxa saaveleeliwaka ni muupuwelo woonanara.

Yesaya 1:11

Yave oneera: “Sooveleelasanyu soowaatta nkipwattha. Miyo kookhalano sooveleela soohisa soopwahaxa sa anapunci ni sa makhura a axaana a imombe. Ephome ya imombe ilopwana, iputtiputthi ni ipuri kheekihakalaliha.

Yesaya 60:6

Mukuttula wa ikamelu* onoosareya elapwaanyu, ikamelu* inyowani a oMidiyani ni wEfa. Ootheene a oXeba animoowa ekunxeene eyuuma yoorikaxa ni erubani* elaleiyaka ottottopeleya wa Yave.

Yesaya 66:3

Vaheera yoole omveleela emombe ori ntoko mutthu yoowo ommwiiva mutthu ni yoole oniiva eputtiputthi ori ntoko mulopwana ompiritula exiko ya mwaaxaana a mwalapwa. Yoole ompaka yooveleela ya etrigu ori ntoko mulopwana onoonihera ephome ya ekhumba ni yoole onghisa erubani* yoowuupuwelela ori ntoko mulopwana onlapa muluku mukina woolokottha. Awosa aathanla iphirosaya ni minepasaya singhakalalela mitekosaya sa mwiikho.

Yeremiya 14:10

Vano Yave oneera ha mwaha wa muloko ola: “Awosa ansivela oxoraxora; awosa khaangwehaweha weettawaya. Tivawo Yave ohingwaakhulelaawe; Owo vano onimuupuwelela soonanarasaya ni onimwaattaruxa niwoko na sootthekasaya.”

Yeremiya 14:12

Naari etthukaka, Miyo nkirwa kiwiiwa okhuwelawaya; naari epakaka sooveleela soohisa ni sa etrigu, nkirwa kiwaakhulela. Ohiyanawaya, kinimwaaphwata ni ekatana, etala ni nihooxo.”

Ezekiyeli 20:39

Vaheera wa nyuwosa, muloko wa oYixrayeli, Yave onlamula sootheene oneera ha: Khula mutthu a nyuwosa arowe ni alape milukusawe! Vaheera vahoolo wa yeeyo, vekhaikhai mmwikiiwe ni khamuhiirihatho Nsinanaka nootteela ni sooveleelasanyu ni milukusanyu.

Ezekiyeli 27:22

Ananakoso a oXeba ni oRaama yaampaka nakoso ni nyuwo; mwa soothumihasanyu awosa yaahaakakhanyiha sooreerelasaya sa soosivasiva soohiyanahiyana, maluku ootthuneyaxa ni eyuuma yoorikaxa.

Hoxeya 8:13

Awosa ampaka sooveleela enakhuura enama, vaheera Yave khanghakalalela. Okhuma vaanaano va woorowa ohoolo, Owo onimuupuwelela sootakhalasaya ni onoottaruxa sootthekasaya. Awosa anoohokoleela wExipitu.

Hoxeya 9:4

Awosa kheempakela Yave yooveleela ya eviinyu, hata sooveleelasaya khasimusiveliha. Sooveleela iyo nsaakhalele ntoko yooca ya anamalalamika – eniimutatuxe oohitteela yoowo anaace. Yooca eyo eniikhale yawayeene paahi; kheevolowa Mpaani mwa Yave.

Malekiya 1:10

“Ii! Mmoha a nyuwosa aawanle milako sa Empa ya Yave! Hiiho naari mano mwaamupattiha vasiiyoniwene mooro valtaariniwaka*. Nkoohakalalenleni,” oneera Yave a ikuru sootheene, “ni nkinaakhulela soovahasanyu.