Yeremiya 6:19 - Emakhuwa Bible

¹⁹ Ii! Elapo ya vathi, mwiiwe: Kinooruuhela muloko ola erisa, soowiima sa soovaanelasaya, niwoko khoopwantthe maswaaka, okhoottaka Nlamulonaka.

Yeremiya 6:19 Iomraidhean Croise

Masu a Miruku 15:26

Yave onthanya soowuupuwela sa oonanara murima, vaheera animusiveliha masu anghima woohikhala soonanara.

Masu a Miruku 28:9

Mukina akhootta wiiwa nlamulo, mpaka mavekelowaawe anoothanyeya.

Yesaya 1:2

Mwiiwe wiirimu; ngwiriyane elapo ya vathi, niwoko Yave eenre: “Miyo kohaapattuxa anamwane kinawunnuwiha, mene awosa aakirukunuwela.

Yesaya 5:24

Tivawo, mooteene yoowo malumi a mooro anghisaaya makayawaya ni munyepu woowuuma onghisiwaaya mmalumini a mooro, hiihotho mikwankhwaarisaya sinimuntta ni ithutusaya sinoovavihiwa ntoko ntthupi, niwoko awosa aakhootta Nlamulo na Yave ni aaramusa masu a Ootteela a aYixrayeli.

Yesaya 59:7

Inaawosaya sintthimakela yoonanara; awosa khaampisa oyeeha ephome yoohinthowa. Soowuupuwelasaya ti soonanara; ophwata ni ohonona ti ineneero sa iphirosaya.

Yesaya 66:18

“Niwoko na mitekosaya ni soovaanyasaya kinimoorwa othukumanyiha miloko ni ipuumba sootheene sa elapo ya vathi ni seiyo sinimoowa, sooneke ovuwawaka.

Yeremiya 11:11

Yave oneera ha: ‘Kinimwaaruuhela erisa mwa yeeyo eneeraaya ehiwere woopowa. Naari ekikhuwelelaka, Miyo nkiwiiwa.

Yeremiya 15:6

Nyuwo mookihiya,” onghima Yave, “nyuwo mumpwaherera okhala oohapuweene. Tivawo kineeraaka kootaveeni koophwatakani; nkingweratho woomorelani ikharari.

Yeremiya 17:10

“Miyo, ti Yave kinoota murima ni kinoona nnenesene soowuupuwelasaya weera khula mutthu kimutthuvele, kittharihaka mweettelowaawe, aani mwa soopakasawe.”

Yeremiya 19:15

“Yave a ikuru sootheene, Muluku a oYixrayeli oneera ha: ‘Mwiiwe, kinooruuhela esidade ela ni mittetthe sa mukhwipimwaya irisa sootheene kaalaleenraaka niwoko khayiiwelenle, ehitthunaka wiiwa maswaaka.’”

Yeremiya 19:3

mweeraka: ‘Ii! Mamwene a oYuda ni amaki a oYerusaleemu, mwiiwe masu a Yave. Vano Yave a ikuru sootheene, Muluku a oYixrayeli oneera ha: Mwiiwe, kinooruuhela erisa nipuro nna mpaka okhaawa maaru yaawo eneera yiiwe.

Yeremiya 21:14

Miyo kinimoottaruxani kittharihaka mitekosanyu, onghima Yave. Miyo kinoopattiha mooro moothakonimwanyu oneera ohise sootheene siri mukhwipimwaya.’ ”

Yeremiya 22:29

Ii! Elapo, elapo, elapo, mwiiwe masu a Yave!

Yeremiya 29:19

Kinoopaka yeeyo, niwoko awosa khayaapwatthenle maswaaka,” onghima Yave, “masu kaarumihenlaaka mwa arumeiyaaka, maprofeeti. Ni nyuwosatho khampwatthenle!” onghima Yave.

Yeremiya 4:14

Ii oYerusaleemu! Mukatthe soonanara siri mmurimanimwanyu ni mvulixiwe! Mpaka yaakhani muneeraanyu mukhaleno soowuupuwela soonanara?

Yeremiya 4:16

“Muleele yeeyo miloko; mulaleiye yeeyo oYerusaleemu: ‘Anakhotto anamarica anrweela mulaponi ya ottai, ekhuwelelaka ekhotto wa isidade sa oYuda.

Yeremiya 4:4

Mwiixiinele wa Yave, mwiinele mirimasanyu, nyuwosa asilopwana a oYuda ni amaki a oYerusaleemu. Mwaahipaka yeeyo, isarasaka sinoopatta sihiseke ntoko mooro, niwoko na yoonanara mpankaanyu, aani, sinoohisa ni khaawo anaawere ocipiha.”

Yeremiya 49:37

Kinoopakiha weera wElami othukumele ohoolo wa amwiittanaaya, ohoolo wa yaale anghaawela owiiva amakaaya. Kinimwaaruuhela erisa, isarasaka soopatta,” onghima Yave. “Kinoopakiha weera ekatana yaattharelele mpaka Miyo kineeraaka kaamalamalihe.

Yeremiya 6:10

Kimuulumeno ni kimooperere taani? Taani aneera akiiwe? Maaruwaaya aattiyana moota wooweera khaaniiwaru. Awosa anthanya masu a Yave, ehisivelakaru yaawo.

Yeremiya 6:18

Tivawo, mwiiwe miloko ni moone anamoona, yeeyo eneera yaakhumelele yaawo.

Yeremiya 8:5

Vanonto heeni muloko ola ohapungwaaya? Heeni oYerusaleemu ompwahereraaya opahuwa? Amakaaya aavarexexa olokottha, ekhoottaka ohokolowa.

Yeremiya 8:9

Asuweli animuulihiheya muru; animoopopiheya ni anoopharihiwa. Yeenre ekhootta masu a Yave – vano miruku heeni awosa arinaaya?

Daniyeli 9:11

aYixrayeli ootheene aahiya nlamulonanyu, enahapuwa, ekhoottaka owiiwelelani. Tivawo malapho ni mahooxo alempwale munlamuloni na Moisesi, murumeiyi a Muluku, animorenlaaya, niwoko nohootthekelani Nyuwo.

Hoxeya 10:13

Vaheera nyuwosa mphatteiye sootakhala; munahepha yoonanara; mohooca soowiima soolokottha. Mweenre muroromelaka ikurusanyu ni anakhottwaanyu oowaata,

Hoxeya 4:6

Mulokwaaka woophwatiwa niwoko na ohikisuwela Miyo. Mweenre mukhoottaka esuwelo, Miyotho kinimookhoottani okhala asaserdotaaka; mweenre mukhoottaka Nlamulo na Mulukwaanyu, Miyotho nkaapwattha anamwaniinyu.

Amosi 2:4

Yave oneera ha: “Niwoko na sootakhala sincipale seereiye oYuda, nkirwa kihiya ottaruxa. Vano aYuda aakhootta Nlamulo na Yave ni khayiiwelenle ikanosawe, niwoko aalokottheya ni miluku soowootha, mwa seiyo yaattharaaya makholowaaya.

Mikeyasi 1:2

Mwiiwe, miloko sootheene; ngwiriyane, Ii! Elapo ni ootheene amankemo! Yave onlamula sootheene ori Mpaanimwawe yootteela, onimookhalelani onamoona.

Mikeyasi 6:2

Ii! Nyaako, mwiiwe ohimahima wa Yave; mathipelo oohimala a mulaponi, mwiiwe. Vano Yave ookhalano yoohimahimera mulokwaawe; Owo ohoona nthowa na oYixrayeli.

Yohaane 12:48

Ookhala mphuki wa yoowo onkhootta ni ohinaakhulela maswaaka. Masu maneenexa kinghimaaka, eniimuthorihe nihuku noomalihera.

Miteko 8:22

Murukunxe murimaanyu wa yoonarara ela ni mwaavekele Apwiya. Apaale awo eniyooleveleleni wuupuwela wu mmurimanimwanyu,

Deuteronomiyo 30:19

Wiirimu ni vathi ti anamoonaaka olelo weera koowooniherani okumi ni okhwa; mareeliho ni malapho. Vano muthanle okumi weera nyuwosa ni anamwaniinyu mukhaleke ni okumi,

Deuteronomiyo 32:1

Mwiiwe wiirimu, ni nkuulume, aani mwiiwe, elapo ya vathi, masu a eyanowaaka.

Deuteronomiyo 4:26

vanonto, wiirimu ni vathi ti anamoonaaka olelo weera nyuwosa munoophwatiwa woowaakuveya mweelaponi mwa yeeyo munkuxaanyu woomulapuwa Yordanu. Nyuwo khamukhalaxawo, mene munoophwatiwa woomalela.

1 Samuweli 15:23

Vano ovaanya ori ntoko yoottheka ya okhwiri ni ettiyamaaru ntoko yoottheka ya olapa miluku sikina. Mweenre mukhootta masu a Yave, Owo ohookhoottani okhala mwene.”

1 Samuweli 15:26

Wa soothesene, Samuweli aamweerela: “Nkinghokolowa ni nyuwo. Mookhootta masu a Yave ni Owo ohookhoottani okhala mwene a aYixrayeli!”