Yeremiya 6:16 - Emakhuwa Bible

¹⁶ Yave oneera ha: “Mweemele vamathakalaano ni moone; mwaasaasere iphiro sa khalayi, mukohe eri woowi ephiro yooreera ni mukuxere, ni vano munoophwanya wiitthuuwa wa okumaanyu. Vaheera mweenre: ‘Hiyo khaninkuxera yeeyo.’

Yeremiya 6:16 Iomraidhean Croise

1 Mamwene 8:36

vano mwiiwe wiirimu ni mulevelele soottheka sa arumeiyaanyu aYixrayeli, mulokwaanyu. Muxuttihe ephiro ya ekhaikhai, murumihele epula elapwaanyu ela mvanghaanyu mulokwaanyu ntoko yoohiyeriwa.

2 Nyaha 19:11

Mutokweene a asaserdoti* Amariya onookhala ni nyuwo weera alakele wakhalaru mulattu onghima sa Yave, ni Zebadiya, mwaana mulopwana a Yixmayeli, muhooleli a epuumba ya Yuda, onookhala ni nyuwosa weera alakele wakhalaru mulattu onghima sa mwene. aLeevi animookhaviherani mwa sootheene iyo. Mukwanihereke sootthuneyasanyu moolipihani murima. Yave akhale ni yaawo ampaka nnene.”

Icipo 116:7

Ii! Okumaaka, mwiitthuuwe, niwoko Yave oowooniherani murimaawe wooreera.

Yesaya 2:5

Ii!, ekhapira ya Yakobe, nrowe neetteke ngwaarani mwa Yave!

Yesaya 28:12

Owo aaheera: “Nna nipuro noowiitthuuwa – munghiye ookhulumuwa iitthuuweke”; ni “nna nipuro noomumulela,” vaheera awosa khayaatthunne wiiwa.

Yesaya 30:21

Naari mwaahapuwelaka moono woolopwana hoye hoye woothiyana, maaruwaanyu animwiiwa nsu ottuliwanyu neeraka: “Ephiro ti ela, mutthare.”

Yesaya 46:9

Muupuwelele itthu sa khalayi, seiye sa ihuhu sivinre; Miyo Muluku ni khawowo mukina; Miyo Muluku ni khawowo mukina onlikana ni Miyo.

Yesaya 57:2

Yaawosa aneetta moota wookwanela amvolowa mmuretteleni; amphwanya wiitthuuwa woomaaleleya mookhwaani.

Yesaya 8:20

Vano moone Nlamulo ni ikano sa Yave! Atthu yaahuuluma ntoko masu ala awosa khaanoonatho waara.

Yeremiya 12:16

Vano awosa aaxuttera nnenesene ekhovelelo ya mulokwaaka ni yaalipela mwa Nsinanaka yeeraka: ‘Kinlipela mwa Nsina na Yave’ – ntoko khalayi yaaxuttinghaaya mulokwaaka omulipela Bahali* – vano anookhalihiwa variyari wa mulokwaaka.

Yeremiya 18:12

“Vaheera awosa animwaakhula: ‘Muhipacere. Nnoopwaherera ni soovaanelasahu; khula mutthu a hiyo onootthara ettiyamaaru ya murimaawe woonanara.’”

Yeremiya 18:15

Wa soothesene mulokwaaka wookittiwala; awosa anghisera erubani* miluku soohimuteko, mwa seiyo sinaakwattuliha mphironimwaya ni mphironi sa khalayi. Iyo sohaatannyera weetta moothweelelani mmiseweni soothipakaseya.

Yeremiya 2:25

Muhitthimake mpaka inaawosanyu ottukuttuwa, hata ohiwuumeni wammilo! Mene nyuwo muneera: ‘Khoongwereya! Kookhovelela miluku sikina, ni kintthuna otthara seiyo.’

Yeremiya 22:21

Kannawoopererani nyuwo mwiixoonaanyu okhala oolipeene, mene khamwaatthunne okiiwa. Owo waari mweettelowaanyu wa mahuku ootheene, niwoko okhuma emiravowaanyu; khamwaakiiwelela.

Yeremiya 31:21

“Muhele ikanyero ni mwiikaathi ineneero mmiseweni. Ngwehexexe ephiro mvinraanyu. Ii! Mwaamwali oowiikosoopa, muhokolowe. Ii! oYixrayeli! muhokoleele musidadenimwanyu.

Yeremiya 42:3

Mvekele mundyoonttelelaka Yave, Mulukwaanyu, weera anileele wookela ni entthuneya opaka.”

Yeremiya 44:16

“Hiyo khanipwatthelaru munnivahaanyu mwa Nsina na Yave!

Yeremiya 50:5

Anookoha ephiro enkela oSiyoni ni anookuxera. Animoorwa emvarexexeke Yave ngwiiraanani woohimala oneera ohittiwaliwe.

Yeremiya 7:23

Ohiyanawaya, nlamulo kaavanghaaka ti nna: mukiiwelele ni kinookhala Mulukwaanyu ni nyuwosa munookhala mulokwaaka. Mweette mphironi kinoolamulelaakani weera itthu siweetteleni nnene.

Yeremiya 7:24

Vaheera awosa khayaakiiwale hata khayaakipwantthe; ohiyanawaya yaatthara soowuupuwela soovaanya sa mirimasaya soonanara. Yaahokoleenle ottuli ohiya ohoolo.

Yeremiya 7:3

Yave a ikuru sootheene, Muluku a oYixrayeli oneera ha: Muceendye mweettelowaanyu ni mitekosanyu ni Miyo kinimootthuniherani okhala vanipuroni nna.

Malekiya 4:4

“Muupuwelele nlamulo na murumeiyaaka Moisesi, ikano ni soolamulela kaamvanghaaka oHorebi, wa muloko wootheene wa oYixrayeli.

Luuka 16:29

Abrahaamu aamwaakhula: ‘Awo aakhalano Moisesi ni maprofeeti – ewiiweleleke.’

Yohaane 12:35

Vano Yeesu aaweerela: “Wa ehuhu vakhaani nlelo, waara onuukhale variyariwanyu. Mweette nlelo mureeneno waara weera epiphi ehoovareni niwoko yoole oneetta mpiphini khasuwenle onkelaawewo.

Yohaane 13:17

Hapo nyuwo moosuwela itthu iya, mmwireelihiwe mwapaka seiya.

Yohaane 5:39

Nyuwo munsoma Yoolempwa* nnenesene niwoko munuupuwela weera mmwiphwanyemo okumi woohimala. Ti Yoolempwa* enkikhalela onamoona.

Miteko 17:11

Atthu a oBereya yaari maneethixa waapwaha atthu a oTesalonika. Yaahaakhela mutthenga ni otthuna otokotoko, esomelaka mahuku ootheene Yoolempwa* weera yoone sootheene saari hiiho.

aRooma 4:12

Awo aritho atiithi a oowiineliwa, ehikhanle paahi oowiineliwa, menetho a yaawo aneetta mphironi ya nroromelo yeettaaya atithihu Abrahaamu ehinaaye wiineliwa.

Deuteronomiyo 32:7

Muupuwelele mahuku a khalayi ni ikhapira sivinre. Mwaakohe atithinyu ni animooleelani; ahoolelaanyu ni animoothaliherani.

aKolosi 2:6

Tivawo hiiho ntoko nyuwo mmwaakhenlaanyu Kristu Yeesu ntoko Apwiya, mpwaherere okhala mwa Yoowo,

aHeberi 11:2

Vano, waari niwoko na nroromelo asitokweene a khalayi yaakhenlaaya onamoona wooreera.

aHeberi 6:12

Ohiyanawaya, khanintthuna weera mukhale ooreesi, mene weera mwaatakihe yaawo anaakhela soororomelihiwa munroromeloni ni moovilelani.

Ahooleli 2:17

Hata hiiho awosa khayaatthunne owiiwa ahooleli, mene yaanlavalava ni miluku sikina elapaka iye. Awosa woowaakuveya yaahiya ephiro makholowaaya yeettaaya. Makholowaaya yaamwiiwelala Yave, mene awosa hoye.