Yeremiya 6:12 - Emakhuwa Bible

¹² Impasaya animwinnyereriwa akina vamoha ni imattasaya ni axaaraya Miyo kaawookolelaka moonowaaka yaawo amanke elapo ela,” onghima Yave.

Yeremiya 6:12 Iomraidhean Croise

1 Nyaha 21:16

Davide aaweha osulu, anamoona ndyelo a Yave areene eriyari ya erimu ni etthaya, avarenleene ekatana, etheteeliweene oYerusaleemu. Vano Davide ni asitokweene a oYixrayeli, ewarenleene soowiinanelano, yaahuuramihela ekhove vathi.

Yesaya 10:4

Kheewo muneeranyu mpake ohikhanle wiipitha variyari wa anamatthukiwa hoye hoye omorela eriyari ya anamakhwa. Sirookhalaru sootheene iyo, isara sa Muluku khasihapungwe ni ntatanawe nri etheteeliwo.

Yesaya 5:25

Mwaha wa sootheene iya isara sa Yave soopattela mulokwaawe; Owo ootheteya ntatanawe weera avulalihe. Nyaako sootetereya ni mittembosaya siri ntoko ikokhola mmiseweni. Hata hiiho isarasawe khasimmala; ntatanawe nri etheteeliwo.

Yesaya 9:12

awArami a mpatta ninkhuma nsuwa ni aFilisti a mpatta ninkela nsuwa yaanyaanya woomalela oYixrayeli. Sirookhalaru sootheene iye, isara sa Muluku khasihapungwe ni ntatanawe nri etheteeliwo.

Yesaya 9:17

Tivawo Yave ohinaahakalalelaawe amiravo hata ohinaamorelaawe ikharari akwaasuni naari asinaamukhweli, niwoko ootheene aamurakamela Muluku ni a murima woonanara, anuuluma moota woohiloka. Sirookhalaru sootheene iye, isara sa Muluku khasihapungwe ni ntatanawe nri etheteeliwo.

Yesaya 9:21

Manaxe onoomukhuura Efrayimi ni Efrayimi Manaxe. Eeli ale anoongwanano Yuda. Sirookhalaru sootheene iyo, isara sa Muluku khasihapungwe ni ntatanawe nri etheteeliwo.

Yeremiya 15:6

Nyuwo mookihiya,” onghima Yave, “nyuwo mumpwaherera okhala oohapuweene. Tivawo kineeraaka kootaveeni koophwatakani; nkingweratho woomorelani ikharari.

Yeremiya 21:5

Miyo muneenaaka kinimoowananani ni ntata noolipaxa, ni moono wooweraxa musarani, moonyoonyiwani wootepaxa.

Yeremiya 38:22

Asithiyana ootheene ahiiwale empa ya emwene ya oYuda anooronghiwa wa asitokweene a mwene a oBabiloniya. Awosa anooweerelani: ‘Asinthamwenaanyu mwaaroromelaanyu ahoolokotthani ni ahoopwahererelani. Inaawosanyu soodora; asinthamwenaanyu ahoohiyani.’

Yeremiya 38:23

Axaarinyu ni anamwaniinyu ootheene anooronghiwa wa aBabiloniya. Nyuwo khamoopowa mmatatanimwaya, mene munoovariwa ni mwene a oBabiloniya; ni esidade ela enoohisiwa.”

Yeremiya 7:20

‘Tivawo Yave onlamula sootheene oneeraawe ha: Onyoonyiwawaka ni isarasaka sinooyeeheriwa nipuro nna, mwaatthuni, mwaaxinamani, mmirini sa mmatta nitho mwa soowiima sa vathi; iyo sinoohisa ni khasicipihiwa.

Yeremiya 8:10

Tivawo kineeraaka kaavaherere axaaraya asilopwana akina ni imattasaya wa atthu akina. Ootheene oosareya ohaawela mihakhu – okhuma asikhaani mpaka asitokweene; maprofeeti nitho asaserdoti* ootheene aneetta moolokotthani.

Icipo Soolalamika 2:8

Yave oolakela ophwata ixiri sa Mwaana a oSiyoni. Owo ohookola mukhoyi woophimano, ahooceelihaka moonowaawe woophwata. Oopakiha weera moowiipithamo ni ixiri silalamike; sookurumuwa vamoha.

Icipo Soolalamika 3:3

vekhaikhai ntatanawe khaninkihiyaru hata vakhaani imaara imaarasene.

Icipo Soolalamika 5:11

Asithiyana ampuherasiwa oSiyoni, ni aximwali oowiikosoopa ampuheriwa mmasidadeni sa oYuda.

Icipo Soolalamika 5:2

Yoohiyeriwaahu ahinnyereriwa amalapo, impasahu ahinnyereriwa anamarwa.

Icipo Soolalamika 5:3

Nri akwaasuni a wuutiithini, asimayihu ari ntoko asinaamukhweli.

Ezekiyeli 35:3

‘Yave onlamula sootheene, oneera ha: Koowiittani, mwaako Seyiri, ni kinimootheteelani moonowaaka, koopakekeni nikare noophwatiwa.

Ezekiyeli 7:24

Kinimwaaruuha atthu ootepaxa otakhala a mmilokoni weera ekuxase impasaya; kinoomaliha wiixoona wa aweri ni mapurowaaya ootteela anoohiirihiwa.

Mikeyasi 2:4

Nihuku nno, nyuwosa munootthebwiwa; animootheyani ni ecipo yoothananiha ela: ‘Nooheleyaxa nthala; ettima ya mulokwaaka yookawanyeya. Owo ookaakha! Ittimasahu ohaavaha anamavariha.’ ”

Zefaniya 1:13

Mihakhusaya sinoohuhuliwa; impasaya sinookurumuliwa. Naari etekaka impa inyowani, kheekhalamo; anoophatteya imatta sa iwuuva*, mene kheewura eviinyuwaaya.”

Zefaniya 1:4

Kinootheteela ntata oYuda vamoha ni amaki a oYerusaleemu. Kinimwaamalamaliha nipuro nna ahalahanle a Bahali*, masina a yaawo anrumeela miluku ni asaserdotaaya,