Yeremiya 6:11 - Emakhuwa Bible

¹¹ Mene miyo koosareya isara sa Yave ni nkingweraru okhalano.” Mwaayeehere seiyo anamwane mmiseweni ni amiravo anthukumana mikuttula mikuttula; asiiya ni axaaraaya anoophwanyiwa ni seiyo ni hiihotho anamuuluvala – yaawosa arino iyaakha sincipale.

Yeremiya 6:11 Iomraidhean Croise

Yesaya 40:30

Mpaka amiravo ankhulumuwa enatomba, aani mpaka awosa ankwakwathuwa, enamora,

Yeremiya 15:17

Nkinakilaathi vamoha ni atakhali hata nkipankeru ifestasaya. Kikilaathiye meekhaaka niwoko ntatananyu naari osuluwaka ni mookisariha ohiphwanela.

Yeremiya 15:6

Nyuwo mookihiya,” onghima Yave, “nyuwo mumpwaherera okhala oohapuweene. Tivawo kineeraaka kootaveeni koophwatakani; nkingweratho woomorelani ikharari.

Yeremiya 18:21

Vano ngwinnyerere anamwanaaya mutalani ni mukatanani. Axaaraya etatuxiweke asinaamukhweli woohikhalano anamwane; asiiyaya yiiviwe ni amiravowaaya yiiviwetho ni ekatana mukhottoni.

Yeremiya 20:9

Vaheera miyo keera: “Nkimuromolatho hata nkuuluma mwa Nsinananyu,” maswaanyu anlikana mooro ovarelaka mmurimanimwaka; mooro mpuwa mwa makhuvaaka. Miyo kookhulumuwa niwoko na yeeyo; nkingwera opwaherera moota hiiho.

Yeremiya 5:9

Vekhaikhai ontthuneya waattaruxela yeeyo!,” onghima Yave. “Vekhaikhai ontthuneya wiinlela ikukuttula muloko ntoko ola!

Yeremiya 7:20

‘Tivawo Yave onlamula sootheene oneeraawe ha: Onyoonyiwawaka ni isarasaka sinooyeeheriwa nipuro nna, mwaatthuni, mwaaxinamani, mmirini sa mmatta nitho mwa soowiima sa vathi; iyo sinoohisa ni khasicipihiwa.

Yeremiya 9:20

Vano asithiyana, mwiiwe masu a Yave; muhuleke maaruwaanyu weera mwiiwe masu a eyanowaawe. Mwaaxuttihe anamwaniinyu asithiyana moota woolalamika; muxuttihane ecipo yoowiikhupanyera.

Yeremiya 9:21

Okhwa woowela onavolowa muxanelanimwahu ovolowakatho mapurowaahu oolipihiwaxa; wohaamalamaliha anamwane mmiseweni ni amiravo mmapuwani.

Icipo Soolalamika 1:15

Yave ohaamwaraxa anakhotto ootheene yaakikhavihera; ookirumihela anakhotto weera yaaphwate amiravowaaka. Yave oomunyikalela mwali oowiikosoopa wanaameliwa iwuuva*, eyo tiiyo esidade ya oYuda.

Icipo Soolalamika 2:21

Amiravo ni asitokweene aamorela mmiseweni. Amirovowaaka ni asimwalaaka ahiiviwa ni ekatana. Moowiivakasa vanihukuni na isarasanyu mwaanyaanyaka woohaamorela ikharari.

Ezekiyeli 24:21

Mwaleele muloko wa oYixrayeli weera Yave onlamula sootheene oneera ha: ‘Kihanle vakhaani ohiiriha Nipuronaka Nootteela* – nipuro noolipa nyuwosa muniikuxereraanyuno, mwa nenno munsivelaxaanyu, etthu yoowooreeraxani. Anamwane asilopwana ni asithiyana, nyuwosa mwaahiyalaanyu oYuda animwiiviwa ni ekatana.

Ezekiyeli 3:14

Vano Munepa waakittukhula onakivenxawo, munepaaka othanananxeene ni owaawanxeene musarani, ntata noolipaxa na Yave nreene mwa miyo.

Ezekiyeli 3:3

Vano aakeerela: “Mwaana a mutthu, mukhuure nikwakhwala nna kinoovahaakani, ni mvone.” Hiiho miyo kaakhuura, ni mmwaanomwaka naacoocowa ntoko oravo.

Ezekiyeli 9:6

Mwaawiive asitokweene, amiravo, asimwali, asithiyana ni asinamwane. Vaheera, muhimutaveru yoowo anaakhaleno eneneero. Mpacereke vaNipuroniwaka Nootteela*.” Vano awosa yaapacenre asitokweene yaari ohoolo wa Empa ya Yave.

Mikeyasi 3:8

Vaheera wa miyo, koosareya ni ikuru, ni Munepa wa Yave, ekhaikhai ni owera, weera kimuleele Yakobe opahulawawe, ni wa aYixrayeli otthekawaya.

Luuka 17:34

Miyo kinooleelani: ohiyuweene yoowo, atthu eeli eniikone ebeetti emoha. Mmoha anaavenxiwe ni mukina anaahiiwe.

Miteko 17:16

Aawehereraka awo wAtheena, Pawulo aanyoonyiwa vancipale mmunepanimwawe woowoona weera esidade yaasareya miluku sikina.

Miteko 18:5

Aaphiyalaawe Sila ni Timootheyo oMasedoniya, Pawulo aahiixinnyerera ni nthiti weera alaleiye, aakhalelaka onamoona aYuda weera Yeesu aari Kristu.

Miteko 4:20

Khaningwera ohiya wuuluma sa seiyo noonnaahu ni niiwalaahu.”

Ethupululo 16:1

Vano kaahiiwa nsu ntokotoko naarweela wa Empa ya Muluku, niweerelaka andyelo athanneeli: “Murowe, mwarihele vatthayani ikoomixi ithannapiili sa isara sa Muluku.”