Yeremiya 52:11 - Emakhuwa Bible

¹¹ Vano aalamulela ozooliwa maitho a Zedekiya ni otthukiwa ni onyooro wa ebronze*, anaronghiwa oBabiloniya, aangwalenlaawewo mukaliposo mpaka nihuku na okhwawawe.

Yeremiya 52:11 Iomraidhean Croise

Yeremiya 21:7

Vahoolowaya,’ onghima Yave, ‘Miyo kinoomwinnyerera Zedekiya, mwene a oYuda, asitokweenaaya ni amaki a esidade ela eneera ehalahale munihooxoni, mukatanani ni mutalani mmatatani mwa Nebukadenezari, mwene a oBabiloniya ni mwa amwiittanaaya mwa yaale antthuna owiiva. Nebukadenezari onoowiiva, ahaamorelaka ikharari, hata ihaaya naari murima wooreera.’

Yeremiya 39:7

Aalamulela okhoroboliwa maitho a Zedekiya ni omutthuka ni onyooro wa ebronze* weera emuronghe oBabiloniya.

Icipo Soolalamika 2:6

Owo ookurumula woomakawawe ntoko nttimbe piswa; oophwata nipuronawe na mithukumano. Yave oopakiha weera Siyoni attiwale ifestasawe soothanliwa ni iSaabadusawe; moonyoonyiwanimwawe otokotoko oomukhootta mwene ni musaserdoti*.

Ezekiyeli 12:13

Kinoomureya ntthavinaka ni owo onoopharihiwa munraakhonimwaka; Miyo kinoomurongha oBabiloniya, mulaponi mwa aKaldeya, mene owo khoona ni onookhwelawo.

Ezekiyeli 17:16

Kinlipela mwa okumaaka, onghima Yave onlamula sootheene, owo anaakhwele oBabiloniya, mulaponi mwa mwene omukhalinghe namalamula, mwa yoowo onyoosale nlipelo ananarihaka wiiraana.

Ezekiyeli 23:24

Awosa eniyoorweeleni ekuxaleene ikapwitthi, vamoha ni ikaaro sincipale, ni anakhotto ancipale; eniyoothataaneleni mipatta sootheene ni ixikudu* itokweene ni ikhaani vamoha ni ikapaseti. Kinoowinnyererani wa yaawosa weera yoottaruxeni, ni awosa eniyoottaruxeleni ettharaka mootaaya wa ottaruxa.