Yeremiya 51:56 - Emakhuwa Bible

⁵⁶ Namaphwata onoorweela oBabiloniya; anakhottwaawe anoovariwa, ni nyuurasawe sinimwintakiwa. Niwoko Yave ti Muluku a ikukuttula; Owo onootthuvela woomalela.

Yeremiya 51:56 Iomraidhean Croise

Epacerero 49:24

Mene muupaawe waahaanya nnenesene ni nyoonosawe saari soohithukumela niwoko na ntata na Namawera a Yakobe ori Mukukhuli ni Mwala a Yixrayeli.

Icipo 137:8

Ii! Mwaana muthiyana a oBabiloniya, olakeliwe ophwatiwa – oohakalala ti yoole onootthuvelani attharihaka yeeyo munipakenlaanyu.

Icipo 37:15

Vaheera ikatanasaya sinimwaahoma asineenaaya ni nyuupasaya sinimwintakasiwa.

Icipo 46:9

Owo ommaliha ikhotto mulaponimu yootheene; Owo onintaka nyuupa anyaanyaka mavaka ahisaka ixikudu* ni mooro.

Icipo 76:3

Iwo aahintakawo nyuupa soovarela, ixikudu* ni ikatana – ikapwitthi sa ekhotto. Sela*

Yesaya 21:2

Koovahiwa moonelo woowoopiha: Namavariha oovarihiwa; namahuhula onghuhuliwa. wElami, ngwane! oMediya, murice! Miyo kimmaliha ottaandawula wootheene oBabiloniya otannyalaaya.

Yesaya 34:8

Vano Yave ookhalano nihukunawe na nthorihelo, eyaakha ya ikuhu weera aakihe mulattu wa oSiyoni.

Yesaya 35:4

Mwaaleele yaale amporora: “Mukhaleke oolipeene, muhoove; Mulukwaanyu onimoowa, onimoowa ni ikuhu, ni ottaruxiwa wa wiirimu; Owo onimoowa weera oovuluxeni.”

Yesaya 59:18

Owo onimwaatthuvela attharihaka mitekosaya; wa awananaawe isara; wa amwiittanaawe ntthuvelo nootthuneya ni wa icirumba seiyo simphwanela.

Yeremiya 49:35

Yave a ikuru sootheene oneera ha: “Moone, kinimwiintaka muura wa Elami, erimarima ya owerawaya.

Yeremiya 50:10

Hiiho oBabiloniya onoohuhuliwa; ootheene eniihuhule oBabiloniya anookwaneya,” onghima Yave.

Yeremiya 50:36

Ekatana yoowaawanano maprofeetaaya oowootha! Awosa anoothatuwa masikini. Ekatana yoowaawanano anakhottwaaya! Awosa anootteenguwa.

Yeremiya 51:24

Vamaithoniwanyu kinootthuvela oBabiloniya ni ootheene ankhalawo yoonanara yootheene apankaaya oSiyoni,” onghima Yave.

Yeremiya 51:30

Anakhotto a oBabiloniya aahiyerera owana; ampwaherera okhala moolipamwaya. Sohaamalela ikurusaya; aathatuwa ntoko asithiyana. Moomakamwaya moohisiwa; anampattika a maselaaya akarasuliwa.

Yeremiya 51:48

Vano erimu ni etthaya ni sootheene sirimo sinookhuwela ni ohakalala mwaha wa oBabiloniya, niwoko anamaphwata a mpatta wa ottuttuwani anoowanano,” onghima Yave.

Yeremiya 51:53

Naari oBabiloniya ophiyaka wiirimu ni opakaka osulu wootthawelawaya woolipa, kinoorumihela anamaphwata,” onghima Yave.

Yeremiya 51:6

Mutthawe oBabiloniya! Khula mutthu atthimakeke uurelaka okumaawe! Muhiphwatiwe niwoko na sootakhalasaya. Ti ehuhu ya ikukuttula sa Yave; Owo onooliva oBabiloniya yeeyo emphwanelaaya.

Icipo Soolalamika 3:64

Yave, mwaavahe yeeyo amphwanelaaya, niwoko na yeeyo apankaaya matataaya.

Ezekiyeli 39:3

Vano, kinimwintaka muura ori muntatanimwanyu noothiyana, kimoroxeke nyuupasanyu siri muntatanimwanyu noolopwana.

Ezekiyeli 39:9

Vano, yaawo eniikhale musidadeni sa oYixrayeli, anookhuma, evareleke muteko ikapwitthi ntoko yoopattihera ni ehiseke – ixikudu* ikhaani ni itokweene, nyuura ni nyuupa, ikopo sa mukhottoni ni mavaka. Anoovarela muteko ntoko yoopattihera mweehuhuni ya iyaakha ithannapiili.

Amosi 2:15

Namalatha muura khapwaherera okhala vanipuroniwawe, ontthimaka khatthawa, ni namweettiha a ekavalu* khoopola okumaawe.

Obadiya 1:15

Nihuku na Yave nookhuveela wa miloko sootheene. Mweenre mpaka hiiha, munoopakeliwatho. Yoonarara mpankaanyu, enimoomorelani.

Habakuki 2:8

Mweenre muhuhulaka miloko sincipale, seiyo sihalahanle sinimoohuhulani nyuwo niwoko na owiivawanyu oohinthowa. Moophwata ilapo ni isidade ni amakaaya ootheene.

Deuteronomiyo 32:35

Ntthuvelo ti nawaka; aani ti Yoomi kinrulela ikukuttula. Mweehuhuni yootthuneya sinooserenguwa inaawosaya. Nihuku na ophwatiwawaya nookhuveela ni emaliherowaaya ennaarweela.

2 aTesalonika 1:6

Ti ekhaikhai weera Muluku anaalivele ni soohooxa yaale anoohooxani nyuwo,

Ethupululo 17:16

Enama ele ni manyaka muloko moonnaanyu eniimuthanye puuta. Iyo nsimuronghe mmilepeni, nsimuhiye oohiwara, nsikhuure erutthwaawe ni nsimuhise ni mooro,

Ethupululo 18:20

Muhakalale niwoko na yeeyo, wiirimu! Muhakalale, atthu ootteela, arummwa ni maprofeeti! Muluku oothoriha mooteene yoowo ntoko eyo yooreherenraayani.’”

Ethupululo 19:2

niwoko nthorihelonawe nri na ekhaikhai ni noororomeleya. Owo oomuthoriha puuta mutokweene onanaringhe elapo ya vathi ni oraruwawawe. Aahiinlela ikuhu ephome ya arumeiyaawe.”

1 Samuweli 2:4

Nyuupa sa anakhotto ooweraxa sohintakiwa, mene oolosowa aasareya ikuru.