Yeremiya 51:44 - Emakhuwa Bible

⁴⁴ Kinoomuttaruxela Beli oBabiloniya, kimurapheihaka ominraawe. Miloko khasitthimakelawo. Ni exiri ya oBabiloniya enoomora.

Yeremiya 51:44 Iomraidhean Croise

2 Nyaha 36:7

Aarowanotho oBabiloniya ikaruma sa Mpaani mwa Yave, aniikaathi mpaani mwa milukusawe.

Yobi 20:15

Owo anaarapheye mihakhu ominraawe; Muluku onoopakiha weera nipwiipwinawe nikhumihere vaate mihakhu iyo.

Yesaya 2:2

Mmahukuni ookisera mwaako wa Empa ya Yave onimunnuwihiwa; onookhalihiwa mutokweene a mattumuxa ni miloko sootheene sinoorowa wa yoowo.

Yesaya 21:9

Moone, vale ongwa mulopwana mukaaroni ya ikavalu*. Owo oneera: ‘oBabiloniya woomora, woomora! Icaambulo sootheene sa milukusaya ti soonyaanyeriwa vathi!’ ”

Yesaya 60:5

Vano munimoona ni munoosareya waara; murimaanyu onookhalano ikuru ni onoosareya ohakalala; mihakhu sa ephareiya munooruuheliwa ni wa nyuwo mihakhu sa miloko sinimoorweelani.

Yeremiya 50:15

Orumele oBabiloniya okhuweliwa wa ekhotto mipatta sootheene! Iwo oneemexa matata, itooresaya* simmora ni ixirisaya simphwatiwa. Iyo ikukuttula sa Yave; mwiinlele ikukuttula! Mpakele yeeyo iwo waapakenlaaya ikhwaaya!

Yeremiya 50:2

“Muhime ni mulaleiye eriyari ya miloko, mweemexe eneneero ni mulaleiye; muhikhuweru. Mweere: ‘oBabiloniya woowiniwa; Beli ooyevihiwa, Marduki ootteenguwa. Icaambulo sa aBabiloniya sooyevihiwa ni milukusaya sootteenguwa.’

Yeremiya 51:18

Iyo ti soohivareleya muteko, siri etthu yootthebwano. Waarwaaka othorihiwawaya, sinooriheya.

Yeremiya 51:34

Nebukadenezari, mwene a oBabiloniya, ooninyaanya, oonipupurumiha, oonipaka exaaru yoohikhala etthu. Oonimira ntoko enowa, oonivona ni ikhaanikhaanisahu, ananirapheya.

Yeremiya 51:47

Vanonto, woohihovela, anoophiyera mahuku kineeraaka kittaruxe icaambulo soopatthiwa sa oBabiloniya; elapwaaya yootheene enimuulihiheya muru, ni anamakhwaaya animwaataleleyamo oomoreene.

Yeremiya 51:53

Naari oBabiloniya ophiyaka wiirimu ni opakaka osulu wootthawelawaya woolipa, kinoorumihela anamaphwata,” onghima Yave.

Yeremiya 51:58

Yave a ikuru sootheene oneera ha: “Exiri yoothanuwa ya oBabiloniya enoomoroxeliwa vathi ni maselaaya oorakama anoohisiwa. Miloko nsaase okhulumuwawene, ommaleloni wa muteko wa miloko onimooza.”

Daniyeli 1:2

Vano Yave aamwinnyerera Yehoyakimi, mwene a oYuda, mmatatanimwawe vamoha ni ikaruma sikina sa Empa ya Muluku. Nebukadenezari aakuxa seiye aronghaka wa empa ya mulukwaawe oBabiloniya, aniikaathi mpaani mwa mihakhu sa mulukwaawe.

Daniyeli 3:29

Vano kinlamula weera atthu a sakhalaru miloko hoye hoye nuulumo eneera emuulumele etthu yoovirikana Muluku a Xadraki, Mixaki ni Abedneku ekakatthanyiwe ni impasaya sitatuxiwe ettuxo, niwoko khoowowo muluku mukina ongwera ovuluxa moota ola.”

Daniyeli 4:1

Ya mwene Nebukadenezari, wa atthu a ilapo, miloko ni muulumo ootheene ankhala mweelaponi ya vathi: murettele ni mpuha okhale ni nyuwosa!

Daniyeli 4:22

vano nyuwo, mwene, ti mwiri mutokweene owo! Moothatuwa mutokweene ni oolipaxa; otokweenaanyu wohunnuwa mpaka woophiya wiirimu ni olamulawanyu ompwaherera mpaka ilapo sa ottai sa elapo ya vathi.

Daniyeli 5:19

Niwoko na otokweene Muluku aavanghaawe, miloko sootheene sa elapo ya vathi ni atthu a muulumo ootheene yaamoovaxa. Yaale mwene aatthunnaawe owiiva, aangwiiva ni yaale aatthunaawe owuurela, aangwuurela; yaale aatthunaawe waakhaliha mapuro oottittimiheya, aamwaakhaliha ni yaale aatthunaawe waayeviha aamwaayeviha.

Daniyeli 5:26

Vano etaphulelo ya masu ala ti ela: MENE: Muluku ohaalikela mahuku a olamulawanyu, anahela ommaleloniwaya.

Daniyeli 5:31

ni Dareyexi, mMedesi, aakuxa omwene areeneno iyaakha miloko mithannamosa ni piili.