Yeremiya 51:27 - Emakhuwa Bible

²⁷ “Mweemexe eneneero mulaponi! Mwiipe nipalapatta eriyari ya miloko! Murehererele miloko soowanano; mwiitthane imwene iya: wArarate, oMini ni wAxekenaxi. Munthanlele mutokweene a anakhotto anaawaneno; murumihele ikavalu* okhottoni ntoko nasope.

Yeremiya 51:27 Iomraidhean Croise

Epacerero 10:3

Anamwane a Gomeri yaari ala: Askenazi, Rifati ni Togarma.

Epacerero 8:4

Vano nihuku nanaamuloko ni mathannameeli na mweeri wanaathannamiili, nikula naaheemela vamwaakoni wArarati.

2 Mamwene 19:37

Nihuku nimoha owo alapaka mpaani mwa mulukwaawe Niseroki, anamwanaawe Adrameleki ni Xarezeri yaamwiiva, enatthawela elapo ya wArarati. Mwanawe Esarehadoni ti aamurandenle.

1 Nyaha 1:6

Anamwane asilopwana a Gomeri: Axekenazi, Rifati ni Togarema.

Yesaya 18:3

Miloko sootheene nyuwo sa elapo ya vathi; ootheene nyuwo mummaka mulaponimu, eneneero yeemexiwaka mmanyaakoni, munimoona, ni nipalapatta naarumaka, munimwiiwa.

Yesaya 37:38

Nihuku nimoha owo alapaka mpaani mwa mulukwaawe Niseroki, anamwanaawe Adrameleki ni Xarezeri yaamwiiva, enatthawela elapo ya wArarati. Mwanawe Esarehadoni ti aamurandenle.

Yeremiya 25:14

Vano aBabiloniyeene yaawo anoopakiwa ipottha ni miloko sincipale ni mamwene matokweene; Miyo kinimwaatthuvela kittharihaka ipakelosaya ni mitekosaya.”

Yeremiya 46:23

Awosa animuuha othakwaawe,” onghima Yave, “naari wiilihanneene. Ahaattaxa opwaha misoope; khaanaalikeleya!

Yeremiya 50:2

“Muhime ni mulaleiye eriyari ya miloko, mweemexe eneneero ni mulaleiye; muhikhuweru. Mweere: ‘oBabiloniya woowiniwa; Beli ooyevihiwa, Marduki ootteenguwa. Icaambulo sa aBabiloniya sooyevihiwa ni milukusaya sootteenguwa.’

Yeremiya 50:3

Muloko onuurweele mpatta wa ottuttuwani onoowanano, onoophwata elapwaaya woohimuhiyarumo mmaki; okhuma atthu mpaka axinama anootthawa.

Yeremiya 50:9

Mpatta wa ottuttuwani kinoorumiha miloko sooweraxa weera singwaneno Babiloniya. Anoowanano elapo ni eyo enookuxiwa mpatta wa ottuttuwani. Nyuupasaya nsikhale ntoko anakhotto ooweraxa mwa seiyo sihinkuzaru.

Yeremiya 51:12

Mweemexe eneneero yoowanano oBabiloniya! Ngwaandyeerere anamalipelela! Mwaathate masintinela! Mwiirehererele owana! Yave onookwanihera yoovaanelaawe, yeeyo yoopopinghe opakeliwa amaki a oBabiloniya.

Yeremiya 51:14

Yave a ikuru sootheene ohiilipela eeraka: “Vekhaikhai kinoosariha oBabiloniya ni atthu, ntoko nasope, ni awosa anookhuwela ngwoowinanimwanyu.

Yeremiya 51:28

Mureherere miloko weera siwaneno oBabiloniya: Mamwene a waMedu, maguvernadoraaya ni asitokweenaaya ootheene, ni ilapo sootheene anlamulaaya.

Yeremiya 6:1

“Ii! Ekhapira ya Benyamini, mutthawele nipuro noolipaxa! Mutthawe oYerusaleemu! Mwiipe nipalapatta oTekowa! Mweemexe eneneero oBeti-Hakeremi! Niwoko ennooneya erisa enrweela ottuttuwani – ophwata woowoopihaxa.

Yoweli 3:9

Mwalaleiye yeeyo eriyari ya miloko: Mwiirehererele okhottoni! Ngweemexe anakhotto. Anakhotto ootheene yaattameleke weera ewane!

Amosi 3:6

Nipalapatta naarumaka musidade, muloko khoonthukumela? Enimweereya erisa musidade Yave ahilamulenle?

Zakariya 14:2

Kinoothukumanyiha miloko sootheene weera siwaneno oYerusaleemu; esidade enookuxiwa, impasaya sinoohuhuliwa ni asithiyana anoopuheriwa. Eriyari ya amaki a esidade anooronghiwa ottai ootthukiweene, mene akinaawo kheeronghiwa.

Ahooleli 6:5

Awosa yaarwa eruuhaka mihuwosaya ni iheemasaya erwaaka ntoko nasope. Khayaalikeleya atthwaaya ni ikamelusaya. Khayaawereya owaalikela alopwana ni ikamelusaya. Yannakwanela elapo yootheene weera ehuhule.