Yeremiya 51:25 - Emakhuwa Bible

²⁵ “Ii!, mwaako woophwata, elapweeneeyo, Miyo koowiittani,” onghima Yave. “Kinoowookolelani moonowaaka, Miyo kinimoopirikixelani vamwala, ni kinimoopakani mwaako wa ettuxuweene.

Yeremiya 51:25 Iomraidhean Croise

Epacerero 11:4

Vahoolowaya yaaheera: “Vano nrowe niteke esidade emoha ni etoore* etokotoko eneera ephiyeke mpaka wiirimu. Hiiho hiyo nneereke okhalano epili, ni khanirwa nimwalamwaxiwa mweelaponi.”

Icipo 138:7

Naari kiviraka mmakacamihoni, nyuwo munuurela okumaaka; munookolela moonowaanyu woolopwana isara sa amwiittanaaka, munakitapuxa.

Yesaya 13:2

Mweemexe eneneero vanttumuxani noohimela etthu; mwaakhuwelele yaawo; ngwiitthane ngwuuvelaka ntata weera evolowe mmilakoni mwa maneethi.

Yeremiya 25:12

Vaheera sikwanenleene iyaakha miloko mithannamiili, kinoomuttaruxa mwene a oBabiloniya ni mulokwaawe, elapo ya oBabiloniya, niwoko na nthowanaya,” onghima Yave, “ni kinoohiya yoophwateyeene wa mahuku ootheene.

Yeremiya 25:9

kinimwiitthana miloko sootheene sa ottuttuwani ni murumeiyaaka Nebukadenezari, mwene a oBabiloniya,” onghima Yave. “Kinooruuha weera siwaneno elapo ela, amakaaya ni miloko sootheene soorukureenreni. Miyo kinimoophwatani woomalela ni kinimookhalihani moopopihero, otthebwiwa, ni oheleya nthala woohimala.

Yeremiya 50:25

Yave oohula okapwitthiniwawe, anakhumihera vaate ikapwitthi sa isarasawe, niwoko Yave onlamula sootheene, Yave a ikuru sootheene, ookhalano muteko woovara mulaponi mwa oBabiloniya.

Yeremiya 50:31

“Ii! Namwiixoona, moone, koowiittani,” onghima Yave onlamula sootheene, Yave a ikuru sootheene, “Niwoko noophiyera nihukunanyu, ehuhuwaanyu ya ottaruxiwa.

Yeremiya 51:53

Naari oBabiloniya ophiyaka wiirimu ni opakaka osulu wootthawelawaya woolipa, kinoorumihela anamaphwata,” onghima Yave.

Yeremiya 51:58

Yave a ikuru sootheene oneera ha: “Exiri yoothanuwa ya oBabiloniya enoomoroxeliwa vathi ni maselaaya oorakama anoohisiwa. Miloko nsaase okhulumuwawene, ommaleloni wa muteko wa miloko onimooza.”

Yeremiya 51:7

Babiloniya aari ekoomixi ya eyuuma yoorikaxa mmatatani mwa Yave; eyo yoohapaliha elapo yootheene. Miloko soowura eviinyuwaaya; tivawo sipupurumiheiyaaya.

Daniyeli 4:30

aahiixeerela: “Moone, Babiloniya mutokweene kiitekenlaaka ntoko erikiriki ya omwenaaka. Kohiitekela ola ni ikurusaka sooweraxa ni wa ovuwawaka.”

Zakariya 4:7

Ii! Nyaako sooweraxa, nyuwosa taani? Ohoolo wa Zerubabeli munoothatawalihiwa. Vano onimwiikaathi nluku noottittimiheyaxa atthu ekhuwelaka: ‘Muluku areelihe nna, Muluku areelihe nna!’”

2 Pedru 3:10

Wa soothesene, nihuku na Apwiya nniwe ntoko namwiiya. Wiirimu onuulakaseye ni oruma otokotoko; itthu sa vathi nsiphwatiwe ni mooro, ni elapo ya vathi ni mitekosaya nsiruliwe.

Ethupululo 8:8

Ndyelo anaaveeli aahiipa nipalapattanawe, ni etthu yoolikana ni mwaako mutokotoko ovarelaka yaavonyeriwa mphareiyani. Mpatta wanaararu wa ephareiya waathatuwa ephome,