Yeremiya 51:2 - Emakhuwa Bible

² Kinimwaarumihela anamarwa oBabiloniya weera eveerewo ntoko etrigu ni ephwate elapwaaya. Munihukuni na erisaaya atthu a mipatta sootheene anoorweela yeeyo.

Yeremiya 51:2 Iomraidhean Croise

Yesaya 41:16

Munimwaaveera, epheyo enimwaakuxa ni ettheku enimwaarongha ottai. Vaheera nyuwo munoomuhakalalela Yave mumvuwihaka Ootteela a oYixrayeli.

Yesaya 43:14

Vano Yave, Mvuluxaanyu, Ootteela a oYixrayeli oneera ha: “Ngwoosivelanimwaka kinimwaarumihela anakhotto oBabiloniya kaapakihaka aBabiloniya ootheene okhala ootthukiweene mmakulani matokotoko mwa yaawo yiixoonelaayano.

Yeremiya 15:7

Miyo kinimwaaveerela musidade sa elapweene yeela ntoko makamba. Kinooruuhela mulokwaaka olalamika ni ophwatiwa, niwoko awosa khaanceendya iphirosaya.

Yeremiya 50:29

Ngwiitthanele ananyuupa oBabiloniya, ootheene yaale amvarela nyuura. Ekonele ootheene mukhwipimwawe; ahikhaleru anaatthawe. Mutthuvele muttharihaka ipakelosaya; mpakele iwo sootheene opankaaya. Niwoko iwo woomveiha Yave, Ootteela a oYixrayeli.

Yeremiya 50:32

Namwiixoona onookwakwathuwa, uuweke ni khaawo anaamukhavihere ovenya. Kinoopattiha isidadesawe, ni mooro onoolaliha sootheene sa mukhwipimwawe.”

Ezekiyeli 5:12

Mpatta wanaararu wa mulokwaanyu oniwiiviwe ni nihooxo hoye hoye onuuriheye mutalani mpuwa mwa ixirisanyu; mpatta wanaararu mukina oniwiiveliwe ekatana mukerekhere wa esidade; ni mpatta mukinoowo kinoomwaraxela mipatta sootheene sa mpheyoni kitthareleleke kivarenleene ekatana.

Matheyo 3:12

Yoowo ookhalano ethelo mmatatanimwawe weera amveere namwaali a etrigu. Anaathokorore etrigu vatathani, ni anaamuhise namwaali mmooroni woohimala.”