Yeremiya 50:34 - Emakhuwa Bible

³⁴ Wa soothesene, Namoopolaaya ti oolipa; Nsinanawe ti Yave a ikuru sootheene. Yooweene ti anaakihe mulattwaaya, ni onooruuhela wiitthuuwa elapwaaya, mene onoowuungurumiha yaawo ankhala oBabiloniya.

Yeremiya 50:34 Iomraidhean Croise

2 Nyaha 6:39

vano muri wiirimu nipuro mmankaanyu, mwiiwe mavekelowaaya ni wiidyoonttelelawaya ni mwaakihe mulattwaaya. Mulevelele mulokwaanyu wootthekenleni.

Yobi 19:25

Miyo koosuwela weera Mvuluxaaka ti Mukumi, ni weera ommaleloni onoovenyera elapo.

Icipo 35:1

Ii! Yave! Mukaakihe wa yaale ankoothera; mwaawanane yaawo ankiwanano.

Icipo 43:1

Ii! Muluku, moonihere ohikhalanawaka nthowa! Mwaakihe mulattwaaka wa muloko woohiroromeleya! Mukoopole mwa atthu oovariha ni oonanara murima.

Okhuma 6:6

Tivawo: Mwaaleele aYixrayeli: ‘Miyo ti Yave. Kinimootapuxani mwa miteko sooviha sa awExipitu. Miyo kinimootapuxani mpotthani ni kinoowoopolani ni moono woolipa ni miteko sitokotoko sa nthoriho.

Masu a Miruku 22:23

niwoko Yave onookhala Namwaakihaaya, ni onimwaahuhula yaawo eneera yaahuhule.

Masu a Miruku 23:11

niwoko Yoowo onaakiha soophwanelasaya ti oolipa, Owo onimoowananani weera aakihe soophwanela sa akwaasuni.

Yesaya 41:14

Muhoove, muungu Yakobe, Ii! Yixrayeli mukhaani, niwoko Miyo muneenaaka kinimookhaviherani,” onghima Yave, Mvuluxaanyu, Ootteela a oYixrayeli.

Yesaya 43:14

Vano Yave, Mvuluxaanyu, Ootteela a oYixrayeli oneera ha: “Ngwoosivelanimwaka kinimwaarumihela anakhotto oBabiloniya kaapakihaka aBabiloniya ootheene okhala ootthukiweene mmakulani matokotoko mwa yaawo yiixoonelaayano.

Yesaya 44:6

“Vano, Yave, mwene ni Mvuluxa a oYixrayeli, Yave a ikuru sootheene oneera ha: Miyo ti Oopacera ni Ookisera, kihikhanle Miyo khawowo muluku mukina.

Yesaya 47:4

Mvuluxaahu – Yave a ikuru sootheene ti Nsinanawe – Owo ti Ootteela a oYixrayeli.

Yesaya 49:25

Vaheera Yave oneera ha: “Aani, anamatthukiwa anootapuxiwa mwa anakhotto ooweraxa ni soohuhula animwaakhiwa mwa atthu oolipaxa; Miyo kinimwaawanano yaale anoowananani ni kinimwaavuluxa anamwaniinyu.

Yesaya 51:22

Yave onlamula sootheene, Mulukwaanyu onaakiha mulokwaawe, oneera ha: “Moone, koovenxa mmatatanimwanyu ekoomixi yooveveleihani, khamurwa ngwuratho ekoomixeene yeeyo ya isarasaka.

Yesaya 54:5

Vano Mpattuxaanyu ori iyinyu – Yave a ikuru sootheene ti Nsinanawe – Ootteela a oYixrayeli ti Mvuluxaanyu. Owo oniitthaniwa Muluku a elapo ya vathi yootheene.

Yeremiya 10:16

Yoole ori a mpatta wa Yakobe khanlikana ni icaambulo iyo, niwoko Owo ti Mpattuxa a sootheene, ni aYixrayeli ti epuumbaaweene – Yave a ikuru sootheene ti Nsinanawe.

Yeremiya 15:21

“Kinimoovuluxani mmatatani mwa atakhali ni kinoowoopolani mwa mmankharuni mwa anamapuhera.”

Yeremiya 30:20

Anamwanaaya eniikhale ntoko yaaraaya mmahukuni a khalayi, ni mulokwaaya onoolipihiwa ohoolowaka; kinimwaattaruxa ootheene anaahasula.

Yeremiya 31:11

Yave oomoopola Yakobe ni oomutapuxa mmatatani mwa oolipaxa ompwaha yoowo.

Yeremiya 31:35

Vano Yave, mwa Yoowo okhalinghe nsuwa weera nimwaleele othana, olamulenle mweeri ni ithenyeeri weera simwaleele ohiyu, ontekumiha ephareiya weera sirume mitekutekusaya, aani Yoowo iitthaniwe Yave a ikuru sootheene oneera, ha:

Yeremiya 32:18

Munoonihera onnene mpaka ikhapira ikhapirasene, vaheera munaavonyera anamwane soottheka sa asitithaya. Ii! Muluku Mutokweene ni Ooweraxa, mwa Yoowo Nsinanawe ti Yave a ikuru sootheene,

Yeremiya 48:15

oMowabe woophwatiwa ni isidadesaya sinoovoloiwa; amiravowaaya ooreerela anoorowa owiiviwani,” onghima Mwene, mwa Yoowo Nsinanawe ti Yave a ikuru sootheene.

Yeremiya 51:19

Yoole ori ettima ya Yakobe khanlikana ni yaalasa, niwoko ti Yoowo ompaka itthu sootheene, ni Yixrayeli ti epuumba ya yoohiyeraawe; Nsinanawe ti Yave a ikuru sootheene.

Yeremiya 51:36

Tivawo Yave oneeraawe ha: “Moone, kinimwaakiha mulattwaanyu ni kinoowiinlelani ikukuttula; kinimuumiha ephareiyaaya ni kinimwaaweleliha anaattuuttwaaya.

Icipo Soolalamika 3:58

Ii! Yave, Nyuwo mohaakiha nthowanaka; ni mohoopola okumaaka.

Yoweli 2:11

Yave onnakhuwela ohoolo wa anakhottwaawe. Awo ari oohaalikeleya ni yaawo aniiwelela nlamulonawe ari ooweraxa. Nihuku na Yave ti ntokotoko ni noowoopihaxa. Khaawo anaawere ovilela.

Mikeyasi 4:10

Ii! Mwaana a muthiyana a oSiyoni, mpirituwase, ntoko muthiyana ayaraka, ni mweettiwe murima, niwoko vano ontthuneya ohiya ixirisanyu weera mwakhale vanlakani. Nyuwo munoorowa oBabiloniya, ni wu munootapuxiwawo. Wu Yave onoowoopolaniwo mmatatani mwa amwiittanaanyu.

Mikeyasi 7:9

Keenre miyo kimutthekela Yave, kinoovilela isarasawe mpaka Owo aneeraawe akaakihe ni awerihe ekaikaiyaaka. Owo onookikhumihera ngwaarani; Miyo kinimoona wookoleleyawawe.

Ethupululo 18:8

Tivawo vanihukuni nimoha paahi soohooxasawe sinoomphiyera: okhwa, olalamika ni etala. Owo anaahisiwe ni mooro, niwoko Apwiya Muluku animuthoriha ti a ikuru sootheene.