Yeremiya 50:3 - Emakhuwa Bible

³ Muloko onuurweele mpatta wa ottuttuwani onoowanano, onoophwata elapwaaya woohimuhiyarumo mmaki; okhuma atthu mpaka axinama anootthawa.

Yeremiya 50:3 Iomraidhean Croise

Epacerero 6:7

Yave aaheera: “Kinoophwata omutthu mwa elapo ya vathi, mwa yoowo kipattunxaaka. Aani kinimwaaphwata atthu ootheene vamoha ni inama soopattuxiwa sitokweene ni sikhaani ni ipalame sa musulu, niwoko kooriipiwa murima woopattuxa.”

Okhuma 12:12

Ohiyuweene yoowo kinooviravira mweelaponi yootheene ya wExipitu ni kinimwiiva matthaara ootheene okhuma a atthu mpaka a axinama. Nkaanyoke ni nthorihelo mwa miluku sootheene sa wExipitu. Miyo ti Yave.

Yesaya 41:25

Koomutannya mmoha okhuma mpatta wa ottuttuwani ni onimoowa; mmoha a ninkhuma nsuwa oniitthana Nsinanaka. Owo onaanyikalela anamalamula ntoko yaari kokotto, ntoko owo aari namoopa avottaka oloko.

Yesaya 45:1

“Vano Miyo kinkuxa ntata noolopwana na Siru weera kilamule miloko ohoolowawe kaarulaka mamwene mwa soowarasaya sa ekhotto ni weera kihule masele ohoolowawe weera Milako sihiwaliwe. Yeeyo kinimweerelaaka Siru ti ela:

Yeremiya 21:6

Kinoowiiva amaki a esidade ela – atthu nitho axinama – ni awosa animookhwa ni nihooxo noowoopiha.

Yeremiya 50:9

Mpatta wa ottuttuwani kinoorumiha miloko sooweraxa weera singwaneno Babiloniya. Anoowanano elapo ni eyo enookuxiwa mpatta wa ottuttuwani. Nyuupasaya nsikhale ntoko anakhotto ooweraxa mwa seiyo sihinkuzaru.

Yeremiya 51:11

Munone nyuupa, mukuxe ixikudu! Yave ohaatannya mamwene a oMediya, eerelaka ophwata oBabiloniya. Yave onimwiinlela ikukuttula ophwatiwa wa Empaawe!

Yeremiya 51:48

Vano erimu ni etthaya ni sootheene sirimo sinookhuwela ni ohakalala mwaha wa oBabiloniya, niwoko anamaphwata a mpatta wa ottuttuwani anoowanano,” onghima Yave.

Yeremiya 51:62

Vano mweere: ‘Ii! Yave, mwaaheera weera munoophwata nipuro nna, moota wooweera naari mutthu hata mwaamunama ahikhalemo, niwoko enooheleya mathala wa mahuku ootheene.’

Yeremiya 7:20

‘Tivawo Yave onlamula sootheene oneeraawe ha: Onyoonyiwawaka ni isarasaka sinooyeeheriwa nipuro nna, mwaatthuni, mwaaxinamani, mmirini sa mmatta nitho mwa soowiima sa vathi; iyo sinoohisa ni khasicipihiwa.

Yeremiya 9:10

Kinimwiinla, kinimwiikhupanyera ni kinoolalamikela nyaako niwoko na moocihamo weenre othaamiwamo ni khaawowo amviramo. Khooniiwanyeya onyakula wa mihuwo; ipalame sa wiirimu sootthawa ni axinama aalakaseya.

Yeremiya 9:11

“Kinootatuxa oYerusaleemu ittuxoru, nipuro ankhalaayawo akhwatte; ni kinoophwata mittetthe sa oYuda weera ehikhale eneera emakewo.”

Zefaniya 1:3

“Kinimwaaphwata atthu ni axinama; kinoophwata ipalame sa wiirimu ni ihopa, ni yaawo antannyera okwattula vamoha ni atakhali. Kinoopaka yeeyo, kiphwataka omutthu mulaponi,” onghima Yave.