Yeremiya 50:14 - Emakhuwa Bible

¹⁴ Muthataanele owana murukureenreene oBabiloniya, ootheene nyuwo mvarenle nyuupa. Mulathele! Muhuurele nyuupa, niwoko iwo woomutthekela Yave.

Yeremiya 50:14 Iomraidhean Croise

2 Samuweli 10:9

Yowabe aahoona weera ooriciwa, anaathanla akina a anakhotto ooweeraxa oYixrayeli weera yaawaneno awArami.

Icipo 51:4

Kohootthekelani Nyuwo paahi, kipakaka yeeyo eri yoonanara vamaithoniwanyu moota wooweera nthorihelonanyu ti na ekhaikhai ni moophwanela okittaruxa.

Yesaya 13:4

Mwiiwe onyakula vamwaako ntoko wa atthu ancipalexa. Mwiiwe ti okhuweliwa variyari wa omwene ntoko miloko sithukumanaka munkuttulani woowaatta. Yave a ikuru sootheene onaathukumanyiha anakhotto weera ewane.

Yesaya 5:28

Nyuupasaya siri soowiitha ni nyuura sootheene siri sootupa; mapita a ikavalusaya* ari oolipa ntoko maluku ni mareko a ikaarosaya ntoko eyuupuru.

Yeremiya 46:9

Haya nyuwo ikavalu*! Mweettihe ikaaro sa ekhotto nyuwosa anamweettiha! Murowe ohoolo, anakhotto! asilopwana a oKuxe ni a oLibiya, ankuxa ixikudu*, asilopwana oLidiya ankunga nyuura!

Yeremiya 49:14

Kohiiwa mutthenga wa mpatta wa Yave; namutthenga oorumiheliwa oleela miloko: “Muthukumane weera mungwanane Edomi! Mwiirehererele owana!”

Yeremiya 49:35

Yave a ikuru sootheene oneera ha: “Moone, kinimwiintaka muura wa Elami, erimarima ya owerawaya.

Yeremiya 50:11

“Hapo nyuwo moohakalala, mutthapaka, nyuwo munghuhula yoohiyeraaka; hapo nyuwo munthamaliwa ntoko mwaamombe ootaphuliwa aatthukeleliwaawewo, ni muntturuma ntoko ikavalu* ilopwana,

Yeremiya 50:29

Ngwiitthanele ananyuupa oBabiloniya, ootheene yaale amvarela nyuura. Ekonele ootheene mukhwipimwawe; ahikhaleru anaatthawe. Mutthuvele muttharihaka ipakelosaya; mpakele iwo sootheene opankaaya. Niwoko iwo woomveiha Yave, Ootteela a oYixrayeli.

Yeremiya 50:42

Awosa amvarela muura ni nivaka; ti oowuuma murima ni oohimorela ikharari. Onyakulawaya ori ntoko oruma wa ephareiya. Anrwa ewenleene ikavalu*, ethataanelaka owana, weera yoowananeni nyuwo, esidade ya oBabiloniya.

Yeremiya 50:7

Ootheene amphwanya anookhuura. Awananaaya yeenre: ‘Khaninthowa, niwoko awo aamutthekela Yave, Moocamwaya xaxaxa, aani Yave ori Oweherera wa makholowaaya.’

Yeremiya 50:9

Mpatta wa ottuttuwani kinoorumiha miloko sooweraxa weera singwaneno Babiloniya. Anoowanano elapo ni eyo enookuxiwa mpatta wa ottuttuwani. Nyuupasaya nsikhale ntoko anakhotto ooweraxa mwa seiyo sihinkuzaru.

Yeremiya 51:2

Kinimwaarumihela anamarwa oBabiloniya weera eveerewo ntoko etrigu ni ephwate elapwaaya. Munihukuni na erisaaya atthu a mipatta sootheene anoorweela yeeyo.

Yeremiya 51:27

“Mweemexe eneneero mulaponi! Mwiipe nipalapatta eriyari ya miloko! Murehererele miloko soowanano; mwiitthane imwene iya: wArarate, oMini ni wAxekenaxi. Munthanlele mutokweene a anakhotto anaawaneno; murumihele ikavalu* okhottoni ntoko nasope.

Yeremiya 51:3

Namuupa ahikunge muuraawe naari ahiwarele sa ekhotto. Muhiwuurele amiravowaaya ari anakhotto; mwaaphwate woomalela anakhottwaaya.

Habakuki 2:17

Nipuhero mwaapakenlaanyu oLibanu nnimoophwanyani ni munoosareya woova niwoko na owiivawanyu axinama. Nyuwo mooyeeha ephome yincipale, munapuhera ilapo, isidade ni amakaaya.

Habakuki 2:8

Mweenre muhuhulaka miloko sincipale, seiyo sihalahanle sinimoohuhulani nyuwo niwoko na owiivawanyu oohinthowa. Moophwata ilapo ni isidade ni amakaaya ootheene.

Ethupululo 17:5

Vayuuciwawe yaakhala yoolempwa ela: “NTIKHINELO: BABILONIYA MUTOKWEENE, MAAYI A MAPUUTA NI A SOOTAKHALA SA ELAPO.”

1 Samuweli 17:20

Waaxiiye oxeexeloxa Davide aamuhiyera muhuwo mukukhuli mukina, anamurowano pooso ntoko Yixai aamulamulenlaawe. Aaphingye waakonelingwe anakhotto erowaka othataanela owana ekhuwelelaka ekhotto.