Yeremiya 5:9 - Emakhuwa Bible

⁹ Vekhaikhai ontthuneya waattaruxela yeeyo!,” onghima Yave. “Vekhaikhai ontthuneya wiinlela ikukuttula muloko ntoko ola!

Yeremiya 5:9 Iomraidhean Croise

Masu a Miruku 6:29

Eneereya hiiho ni yoole onkonano mwaara a mukina; khaawo onimutava ahinattaruxiwa.

Yesaya 1:24

Tivawo, muneene Yave a ikuru sootheene, Ooweraxa a oYixrayeli onlaleiyaawe: “Ii! Kinimwaapattihera isara awananaaka ni kinoowiinlela ikukuttula amwiittanaaka.

Yesaya 57:6

Miluku variyari wa maluku oovilikeya a maxaapwa ti mpattaanyu; muniithukumanyiha ni seiyo. Aani, munlapa seiyo ni sooveleela soowura ni sa etrigu. Vano, Miyo kinoowera ohakalalela yeeyo?

Yeremiya 23:2

Tivawo Yave Muluku a oYixrayeli ongweerelaawe ha akukhuli ankosoopa mulokwaaka: “Mweenre mmwaraxa ni moomola muhuwaaka muhikosoopaka, kinimooruuhelani nttaruxo niwoko na soonanara mpankaanyu,” onghima Yave.

Yeremiya 32:31

Okhuma nihuku etekiwaaya mpaka olelo, esidade ela entannyera onyoonyiwawaka moota wooweera ontthuneya ovenxa ohoolowaka.

Yeremiya 44:22

Yave ahiweraka ovilelatho sootakhalasanyu ni ipakelo soohiirasanyu, elapwaanyu yoophwateya ni yoohiiwa ttewu, yoothatuwa nlapho ni kheemakiwe, ntoko onooneyaaya olelo.

Yeremiya 5:10

Muviravire eriyari ya imattasaya sa iwuuva* ni mwananarihe, mene muhiphwate woomalela. Mwakwasere iphandi niwoko muloko owo khoohiyono wa Yave.

Yeremiya 5:29

Vekhaikhai ontthuneya waattaruxela yeeyo!” onghima Yave. “Vekhaikhai ontthuneya wiinlela ikukuttula muloko ntoko ola!”

Yeremiya 6:11

Mene miyo koosareya isara sa Yave ni nkingweraru okhalano.” Mwaayeehere seiyo anamwane mmiseweni ni amiravo anthukumana mikuttula mikuttula; asiiya ni axaaraaya anoophwanyiwa ni seiyo ni hiihotho anamuuluvala – yaawosa arino iyaakha sincipale.

Yeremiya 6:6

Yave a ikuru sootheene oneera ha: “Muuhe nyiri ni niteke ikaaro sookurumulelano exiri ya oYerusaleemu. Esidade ela ettaruxiwe, ti yoosareya nihasu.

Yeremiya 9:8

Nluminaya ti muupa woowiiva; anuuluma moota woolokottha. Ni eyano khula mutthu oniixoonihera oosaambwaneya ni mukhwaawe, mene mmurimanimwawe amurehererelaka ntapha.

Yeremiya 9:9

Kintthuneya waattaruxa niwoko na yeeyo,” onghima Yave. “Kintthuneya wiinlela ikukuttula muloko ntoko ola.”

Icipo Soolalamika 3:42

“Noottheka ni noovaanya, vano Nyuwo khamunilevelenle.

Icipo Soolalamika 4:22

Ii! Esidade ya oSiyoni, nttaruxonanyu nnoomala; Yave khapwahereriha oroihiwawanyu wootthukiwani. Vaheera, ii! Nyuwo mwaana muthiyana a Edomi, Owo onoottaruxa yootthekaanyu ni onimoonihera yootakhalaanyu.

Ezekiyeli 7:9

Nkoowehani ni ikharari hata nkiwuurelani; Miyo kinimootthuvelani kittharihaka mweettelowaanyu ni soopakasanyu soohiira sootheene siri eriyaraanyu. Hiiho, nyuwo munoosuwela weera ti Miyo, Yave, kinoomanani.

Hoxeya 2:13

Miyo kinimwaattaruxela mahuku yaahisenraaya aBahali* erubani*; awo yaahiiphwanelihano annela ni axiveeve, enaatthara yaawo anaakonanaaya, vaheera yaakittiwala Miyo,” onghima Yave.

Hoxeya 8:13

Awosa ampaka sooveleela enakhuura enama, vaheera Yave khanghakalalela. Okhuma vaanaano va woorowa ohoolo, Owo onimuupuwelela sootakhalasaya ni onoottaruxa sootthekasaya. Awosa anoohokoleela wExipitu.

Levitiku 18:25

Mpakatho elapo yoovaliheya ni Miyo kaattaruxa sootakhalasaya ni elapo yaahaarapheya amakaaya.

Levitiku 26:25

Kinimoorumihelani ekatana weera mwiinlele ikukuttula wiiraana. Nyuwosa mwaatthawelasaka musidadenimwanyu, kinimoorumihelani nihooxo ni munimwinnyereriwa mmatatani mwa amwiittana.

Nahumi 1:2

Yave ti Muluku a ehace ni nakukuttula. Aani Yave onrulela ikukuttula onyoonyiwawawe ti woowoopiha. Yave onaarulela ikukuttula amwiittanaawe ooniheraka isarasawe wa yaawo.

Deuteronomiyo 32:35

Ntthuvelo ti nawaka; aani ti Yoomi kinrulela ikukuttula. Mweehuhuni yootthuneya sinooserenguwa inaawosaya. Nihuku na ophwatiwawaya nookhuveela ni emaliherowaaya ennaarweela.

Deuteronomiyo 32:43

Ii! Miloko ni mulokwaaya, mmwiipele ni ohakalala, niwoko Owo onimwiinlela ikukuttula ephome ya arumeiyaawe. Onimwaatthuvela ni ikukuttula amwiittanaawe apakaka wiiraana wa elapwaawe ni mulokwaawe.”