Yeremiya 5:7 - Emakhuwa Bible

⁷ “Kaahooleveleleleni heeni? Anamwaniinyu aakihiya ni anlipela mwa miluku sihikhanle miluku. Kohaavaha sootheene yaatthunaaya, hata hiiho aararuwa ni annarowa wa impa sa mapuuta.

Yeremiya 5:7 Iomraidhean Croise

2 Nyaha 13:9

Vano, khamuhiyono nyuwosa ngwoomonle asaserdoti* a Yave, ekhapira ya Aharoni, ni aLeevi, munaathanla asaserdotaanyu ntoko simpakaaya miloko sikina? Akhalaru mutthu aneera iitteelihere mwaamombe mmoha ni anapunci a ikhondoolo athanneeli, onoowera othatuwa musaserdoti* a seiye sihikhanle miluku.

Yobi 31:12

Eyo ti mooro onghisa mpaka ophwatiwa ni yaamulaliha soohephasaka sootheene.

Icipo 50:18

Mwaamoonaka namwiiya, munoomutthara; muniithukumanyiha ni anamararuwa.

Yeremiya 12:16

Vano awosa aaxuttera nnenesene ekhovelelo ya mulokwaaka ni yaalipela mwa Nsinanaka yeeraka: ‘Kinlipela mwa Nsina na Yave’ – ntoko khalayi yaaxuttinghaaya mulokwaaka omulipela Bahali* – vano anookhalihiwa variyari wa mulokwaaka.

Yeremiya 13:27

Miyo kohoona mitekosanyu sa mwiikho, oraruwawanyu ni soohaawelasanyu soonanara, soopuutasanyu sohuuliheya muru mmattumuxani ni mmatta. Ii! Wa nyuwo, oYerusaleemu! Mpaka yaakhani muneeraanyu mpwaherere okhala oohitteela?”

Yeremiya 16:11

Vano mwaaleele yaawo: ‘Ti niwoko na okihiya wa makholowaanyu,’ onghima Yave, ‘ni na otthara miluku sikina erumeelaka ni elapaka seiyo. Awosa yaakihiya ni khayiiwelenle Nlamulonaka.

Yeremiya 16:20

Mutthu onkhwa onoowera opaka milukusawe? Aani, mene iyo khasinkhala miluku!”

Yeremiya 2:11

Wookhala muloko oceendyiye milukusaya? Ni iyo hata vakhaani khasihiyono miluku! Vaheera mulokwaaka wohaakakhanyiha ovuwawa wa Mulukwaaya ni miluku soohimuteko.

Yeremiya 2:31

Nyuwosa a ekhapira ela, muupuwele masu a Yave: Kaatoko okhala nikare wa aYixrayeli? Apaale kaari elapo yoosareya epiphi? Heeni mulokwaaka onkeerelaaya: ‘Hiyo nnimwiiwehaweha! Kaninrwatho wa Nyuwo’?

Yeremiya 23:10

Elapo yoosareya anamararuwa; niwoko na nlapho elapo eri yoowuumelela ni moocihamo mwa munikareni woonyaala. Maprofeeti antthara ephiro yoonanara evarelaka muteko ikurusaya moota woohiroromeleya.

Yeremiya 3:19

Miyo muneenaaka keenre: “Kaatthunaxa waapaka nnene ntoko ampakeliwaaya anamwane kaavahaka elapo yootthuneyaxa, yoohiyeriwa yooreerelaxa variyari wa miloko sootheene. Kuupuwela weera mwaankiitthana ‘Tiithi’ ni khamwaahiya okitthara.

Yeremiya 3:8

aYuda ahoonatho weera kohaavaha nlaxi na omwalana wa aYixrayeli oohiroromeleya niwoko na oraruwawaya wootheene. Hata hiiho kohoona weera axunnaya, aYuda, anamavariha, aararuwatho ehoovaka.

Yeremiya 7:9

Munuupuwela weera onoowereya wiiya, wiiva, oraruwa, wootha, omuhisera erubani* Bahali* ni otthara miluku sikina muhisuwenlaanyu,

Yeremiya 9:1

Ii! Muruwaaka waari naatuuttu a maahi ni maitwaaka ehime ya maithori! Vano kaamwiinla ohiyu ni othana niwoko na okhwa wa mulokwaaka.

Yeremiya 9:2

Ii! Waariwo woophiyerawaka munikareni, weera kihiye mulokwaaka kisusaka mwa yoowo; ootheene awo anamararuwa ni nakupa a anamavariha.

Icipo Soolalamika 3:42

“Noottheka ni noovaanya, vano Nyuwo khamunilevelenle.

Ezekiyeli 22:11

Mpuwamwanyu mulopwana mmoha onimuraruwano muthiyana a mukhwaawe, mukina onimvaliha moota woowuuliha muru pwiyamwaanaawe, ni mukina onimverula murokoriye, mwaana muthiyana a atithawe xaxaxa.

Hoxeya 11:8

Moota heeni kineeraaka koohiyeeni Efrayimi? Yixrayeli, moota heeni kineeraaka kiwinnyerereni mmatatani mwa akina? Moota heeni kineeraaka koopakeeni ntoko kaampankaaka Adema? Moota heeni kineeraaka koopakeleni yeele kaampakenlaaka Zeboyimi? Murimaaka khoonoona mathanlelo; ikhararisaka sootannyereya.

Hoxeya 13:6

Miyo kaacihasaaka, yaamvona; yaavonasaaya, yaamwiixoona, enakittiiwala.

Hoxeya 4:2

Anooneya paahi malapho, wootha ni wiivaniwa, wiiyeraniwa, oraruwelaniwa; iyo soopwaha nyiinano sootheene! Oyeehiwa wa ephome wootepaxa.

Hoxeya 7:4

Ootheene awo ti anamararuwa ehisaka ntoko ttukuttha, moorweene yoowo namooxa ipaawu ohintthuneyaaya otetheera okhuma oneetheiwaaya mpaka onnyaruwaaya.

Levitiku 20:10

Mulopwana araruwa ni mwaara a mukina – mwaara a mukhwaawe – ooweeli awosa yiiviweke.

Amosi 8:14

Yaale anlipela mwa nsina na oSamariya yeeraka: ‘Mwa nsina na muluku a oDani,’ hoye hoye, ‘Mwa nsina na muluku a oBerxeba,’ anoomora woohivenyatho.”

Zefaniya 1:5

yaawo anlapa ithenyeeri sa wiirimu vasulu vanipathoniwaya, ni yaawo ankokhora elipelaka mwa Yave nitho mpaka Moleki;

Malekiya 3:5

“Miyo kinimoorwa wa nyuwosa ntoko Mphuki. Woohipisa, kinookhalela onamoona mwaha wa akhwiri, anamararuwa, anlipela vasiiyoniwene ni wa yaale angwiiyera anamiteko ngwaalivani, anaahasula akwaasuni ni asinaamukhweli, ehooniheraka soophwanela wa anamarwa, ni ahinkittittimiha Miyo,” oneera Yave a ikuru sootheene.

1 aKorinto 6:9

Nyuwo khamusuwenle weera atakhali kheerwa yaakhela omwene wa Muluku? Muhiilokotthe! Hata alavilavi, hata anamalapela a miluku sikina, hata anamararuwa, hata yaawo ankonihana alopwanaru, hoye hoye athiyanaru, hata puuta mulopwana,

1 aKorinto 8:4

Tivawo, mwaha wa yooca yootteeliheriwa miluku soowootha, noosuwela weera muluku oowootha khahiyono etthu mweelaponi, ni ookhala Muluku mmoha paahi.

aGalata 4:8

Muhinaaye omusuwela Muluku, mwaari ipottha sa miluku seiyo, sihikhanle miluku sa ekhaikhai.

Deuteronomiyo 32:15

Wa soothesene, Yexuruni aahooca mpaka ohiya, anapacera ovaanya. Nyuwo mooneneva, moottittikalela ovona yooca. Moomuhiya Muluku oopattunxeni, munamukhootta Mwala oovulunxeni.

Deuteronomiyo 32:21

Yaakitannyera ihace ni seiyo sihikhanle miluku ni yaakinyoonyiha ni icaambulosaya soohimuteko. Kinimwaatannyerela ihace kithanlaka muloko mukina ohikhanle muloko wa ekhaikhai; kinimwaanyoonyeriwa kithanlaka muloko woohimiruku.

aHeberi 13:4

Othelana ontthuneya weera ottittimiheyeke ni ootheene. Ororomeleya variyari wa mulopwana ni mwaariye ontthuneya weera ottittimiheyeketho, niwoko Muluku anaathorihe alavilavi ni anamararuwa.

Yakobe 4:4

Anamararuwa! Khamusuwenle weera onthamwene ni elapo ela ti omwiittana ni Muluku? Yoowo ontthuna okhala nthamwene a elapo ya vathi oniikhaliha mwiittana a Muluku.

Yoxuwa 23:7

Muhiitakansere ni miloko iyo sihanle variyariwanyu; muhiitthane masina a milukusaya naari muhilipeleru seiyo. Muhilape naari muhikokhorele.