Yeremiya 5:6 - Emakhuwa Bible

⁶ Tivawo mwatto a moothakoni aneeraawe aakarawele, mwiici wa munikareni onimwaaluma, havara onoowiipithela mukhwipi mwa mittetthesaya weera amunyaanye akhalaru mutthu aneera akhumemo, niwoko ovaanyawaya ti otokotoko ni soohapuwasaya ti sincipale.

Yeremiya 5:6 Iomraidhean Croise

2 Nyaha 36:14

Ohiya yeeyo, ahooleli ootheene a asaserdoti* ni muloko, yaamweera otepa ohiroromeleya, ettharaka ipakelo sootheene soothanyeya sa miloko sikina, evalihaka Empa ya Yave, aatteelinghaawe oYerusaleemu.

Ezera 10:10

Vano musaserdoti* Ezera aavenya, anaweerela: “Moheetta moota woohiroromeleya; mohaathela anamarwa mwaandyeereraka nthowa na oYixrayeli.

Ezera 9:6

kinamvekela: “Ii Mulukwaaka! Kootepaxa wuulihiwa muru ni kooyevihiwa moota wooweera nkingwera woowehani Nyuwo, Mulukwaaka, niwoko sootthekasahu sookuttelela muruwaahu ni nthowanahu noophiya wiirimu.

Yobi 10:16

Kattukhula muru, munookithurumela ntoko mwatto ni munkoonihera owerawanyu woothukumeliha.

Icipo 104:20

Nyuwo munruuha epiphi, oniila; vano axinama a ntuphini animweetteetta.

Icipo 80:13

Aphako a moothakoni annanariha mwiri owo ni soopattuxiwa sa ntuphini sinnacawo.

Yesaya 1:23

Anamalamulaanyu ari anamavaanya aneetta vamoha ni anamwiiya; awosa ootheene ansivela makhwankwa yaasaasaka soovahiwa. Awosa khaanaakiha soophwanela sa akwaasuni ni khaanaasaasa osuwela mulattu wa asinaamukhweli.

Yesaya 59:12

Aani, sootakhalasahu sohaattaxa vamaithoniwanyu ni sinnoothera sootthekasahu. Soopakasahu soonanara siri ni hiyo mahuku ootheene ni nohaakhulela sootakhalasahu:

Yeremiya 14:7

Ii! Yave! Naari sootthekasahu sinikhalelaka onamoona, dyoontte, munikhavihere moosivelani wa Nsinananyu. Vano ohiroromeleyawahu wootepa; nohootthekelani.

Yeremiya 2:15

Amwatto anootturumela ekongelaka ohoolowaya; elapwaaya yaahiiwa ttewu; isidadesaya sooheleya nthala, soothaamiwa woomalela.

Yeremiya 2:17

Nyuwo muneenaanyu ti nanthowa mwa yeeyo yookhumelenleni, woomuhiya Yave, Mulukwaanyu, Owo oweettihaleni mphironimwawe.

Yeremiya 2:19

Yootakhalaanyu enimoottaruxani ni ovaanyawanyu onimoohiihani. Mwiiwexexe ni moone moota onnanaraaya ni ongwaawihaaya omuhiya Yave, Mulukwaanyu, muhikoovaka Miyo,” onghima Yave, a ikuru sootheene.

Yeremiya 2:31

Nyuwosa a ekhapira ela, muupuwele masu a Yave: Kaatoko okhala nikare wa aYixrayeli? Apaale kaari elapo yoosareya epiphi? Heeni mulokwaaka onkeerelaaya: ‘Hiyo nnimwiiwehaweha! Kaninrwatho wa Nyuwo’?

Yeremiya 25:38

Owo omvenya munikhukunimwawe ntoko mwatto; elapwaaya yoohuhuleya niwoko na ekatana ya namahooxa ni mooro wa isara sa Yave.

Yeremiya 30:14

Oosiveleyaanyu ootheene ahoottiwalani; awosa khaanoopwatthani. Miyo kohoowananani ntoko ompakaawe mwiittana; kohoovahani nttaruxo nootepaxa niwoko otakhalawanyu ti otokotoko ni sootthekasanyu khasinaalikeleya.

Yeremiya 30:15

Munkhuwelela heeni mwaha wa ovulalawanyu, wa nikhwattananyu noohivola? Koopakenleni itthusene seiya niwoko sootakhalasanyu ti sitokotoko ni sootthekasanyu khasinaalikeleya.

Yeremiya 30:24

Isara sa Yave khasisusa mpaka Owo aneeraawe akwanihere yoolakelaawe. Mmahukuni a muhoolo nyuwosa munimwiiwexexa yeeyo.

Yeremiya 4:7

Mwatto ookhuma munyattanimwawe; namaphwata a miloko oovenya. Owo ookhuma munyattanimwawe weera aphwate elapwaanyu. Mittetthesanyu sinoohala ittuxoru soothaamiwa.

Yeremiya 49:19

Ntoko mwatto omvolowa ntuphini na Yordanu arowoka moocaani moosareya malaxi, wootutuxereya Miyo kinoomulupattha Edomi kimoomolaka mulaponimwawe. Oothanliwa heeni kineeraaka kimurume yeeyo? Taani ori ntoko Miyo anaawere okipakela mpikisaano? Ni mukukhuli heeni anaawere okiwanano?”

Yeremiya 8:5

Vanonto heeni muloko ola ohapungwaaya? Heeni oYerusaleemu ompwahereraaya opahuwa? Amakaaya aavarexexa olokottha, ekhoottaka ohokolowa.

Yeremiya 8:7

Mpaka ntiki onsuwela ihuhu ovaheriwaawe; hiihotho ekhunda, meenkesa ni malooya annoona ihuhu sa othaamawaya, mene mulokwaaka khoosuwenle soonyesereriha sa Yave.

Icipo Soolalamika 1:5

Awananaawe aathatuwa asitokweenaawe; amwiittaanaawe ahiimaaliha. Yave oomuruuhela othanana niwoko na sootthekasawe sincipale. Anamwanaawe asilopwana aaronghiwa wootthukiwani, anamatthukiwa a awanani.

Ezekiyeli 16:25

Opacenraayaru khula musewe nyuwo mohiitekela mapurowaanyu oolapa oorakama, muveihaka ophwaneliwawanyu ni mwaasaka oveleela erutthwaanyu wa khula omviraru.

Ezekiyeli 22:27

Asitokweenaaya ari mpuwamwaya anlikana ni miici sinnyaanya soovarasaya; angyeeha ephome ewiivaka atthu weera ewine musurukhu moota woohiroromeleya.

Ezekiyeli 23:19

Wa soothesene, owo annatepaxa onyoowa, uupuwelelaka mahuku a emwalaawe aararuwaawe wExipitu.

Daniyeli 7:4

Oopacera aari ntoko mwatto akhalanaka mapupha a xaaka. Kaaweha mpaka mapuphaawe yaavasuliwa ni owo aaheemexiwa vathi moota wooweera aaheemela nyetto miili ntoko mutthu, anaakhela murima wa mutthu.

Daniyeli 7:6

Vahoolowaya kaaweha ni ohoolowaka aakhala mwaamunama anaararu, aalikana ni havara. Ottuliwawe aakhalano mapupha maxexe ntoko a mwaapalame. Mwaamunama ole aakhalano nyuru mixexe ni aavahiwa ikuru sa olamula.

Hoxeya 5:14

Vano, wa Efrayimi, kinookhala ntoko mwatto, ni ntoko mwatto mutokweene wa Yuda. Miyo kinoomunyaanya kipwaheke; Miyo kinimwaakuxa, ahikhalaka oowaatapuxa.

Habakuki 1:8

Ikavalusaya* ti soowaaluwa ompwaha havara, sooluwaxa opwaha miici sintotha ohiyu. Anamweettihaaya a ikavalu* anrweela ottaiwene; ikavalusaya* sinrwa sitthimakaka. Awo amvava ntoko xaaka oniihiyahiya akungaleene mapupha weera avare.

Zefaniya 3:3

Ahoolelaaya ti amwatto anoopa murika. Anamalamulaaya ti miici soovolaxiwa sihinghiyaru yookhuura omaalo.

Nuumeru 32:14

Nyuwo muri vawo – ekhapira ya anamattheka, mwiikhalihaka vanipuroni na makholowaanyu ni saapattelakatho aYixrayeli isara sa Yave.

Ethupululo 13:2

Enama ya mmunepani koonnaaka yaalikana ni havara, mene yaarino inaawo ntoko inaawo sa ursu* ni eyano ntoko eyano ya mwatto. Edrakoni* yaavaha enama ele ikurusaya, ehicaaya ni owerawaya otokotoko.