Yeremiya 5:22 - Emakhuwa Bible

²² Nyuwo khoontthuneya okoova?” onghima Yave, “koontthuneya othukumela ohoolowaka? Ti Miyo kikhalihale muhaava ntoko mwiinano wa ephareiya – mwiinano woohimala ephareiya ehingweraaya ovinuwa. Mitekuteku sinoophweeya, mene khasingwera opwaherera; seiyo sinoowera oruma, mene khasingwera ovinuwa mwiinaanoweene yoowo.

Yeremiya 5:22 Iomraidhean Croise

Epacerero 1:9

Muluku aaheera: “Ethukumane vanipuroni nimoha maahi ari vathi wa erimu ni wooneye mpatta wa etthaya yoowuuma.” Ni hiiho yaaheereya.

1 Mamwene 13:28

Vano aarowa, anaphwanya muttembo omorenleene mphironi, mukhwipimwaya areene mwatto ni buuru. Mwatto khaakhuunre muttembo, hata khaamvulalinghe buuru.

Yobi 26:10

Onkhera omakoteloni vasulu wa maahi weera okhale mwiinano eriyari ya waara ni epiphi.

Yobi 37:24

Tivawo atthu animuttittimihaaya, niwoko Owo khangweha ekhove ya yaale aniixeerela asuweli.”

Yobi 38:8

Taani aattuunle ephareiya mmilakoni miili, yaakhumaaya ni wuupa vanaattuuttuniwaya,

Icipo 104:9

Mwaakhaliha mwiinano awo ahingweraaya olapuwa; kheerwa ekhuneelatho etthaya.

Icipo 119:120

Erutthwaaka enthukumela ohoolowanyu; malamulowaanyu ankiruuhelaxa woova.

Icipo 33:7

Owo onthukumanyiha maahi a ephareiya nipuro nimoha; onghela mmattankhini moowiixera.

Icipo 46:3

mitekutekusaya sirumaka ni owali ni nyaako sittikinyeyaka moonyoonyiwanimwaya.

Icipo 99:1

Yave onlamula – miloko sithukumele; Owo onkilaathi vahiceniwawe ya emwene variyari wa akerubini* – elapo etetereyeke!

Masu a Miruku 8:29

aahelaawe nyiinano sa mphareiya weera maahi ehivoleelane, aakhalihaawe nyiinano sa mathipelo a elapo.

Yesaya 50:2

Miyo kaarwaaka, kihimphwanyenreni mutthu? Miyo kiitthanaaka, kahaakhuleliweni? Apaale moonowaaka wookhuveyaxa ohiweraka owoopolani? Apaale nkinono ikuru sowoovuluxani? Kinuumiha ephareiya ni nsu na ohiiha paahi, kintatuxa nyooloko nikare; ihopasaya sinuntta niwoko na ohikhalano maahi ni sinkhwa ntthona.

Yesaya 64:2

Ntoko mooro onghisaaya imparumparu ni omviluwihaaya maahi, mukhuruwe ni mwaasuwelihe amwiittanaanyu Nsinananyu weera miloko sithukumele ohoolowanyu.

Yesaya 66:5

Mwiiwe masu a Yave, nyuwosa munthukumela woowiiwa maswaawe: “Axunninyu anoothanyani ni anookhoottani niwoko na Nsinanaka yaaheera: ‘Yave avuwihiweke weera noone ohakalalawanyu!’ Wa soothesene, awosa eneera yuulihiheye muru.

Yeremiya 10:7

Taani aneera ahiwooveni Nyuwo, Mwene a miloko? Woopiha iwo wohoophwanelani. Variyari wa anamiruku ootheene a miloko ni moomwenenimwaya sootheene khawowo onlikana ni Nyuwo.

Yeremiya 2:19

Yootakhalaanyu enimoottaruxani ni ovaanyawanyu onimoohiihani. Mwiiwexexe ni moone moota onnanaraaya ni ongwaawihaaya omuhiya Yave, Mulukwaanyu, muhikoovaka Miyo,” onghima Yave, a ikuru sootheene.

Yeremiya 31:35

Vano Yave, mwa Yoowo okhalinghe nsuwa weera nimwaleele othana, olamulenle mweeri ni ithenyeeri weera simwaleele ohiyu, ontekumiha ephareiya weera sirume mitekutekusaya, aani Yoowo iitthaniwe Yave a ikuru sootheene oneera, ha:

Daniyeli 6:26

Kinkhaliha ekano weera moomwenenimwaka wootheene atthu emooveke ni emuttittimiheke Muluku a Daniyeli, niwoko Owo ti Muluku Mukumi ni Owo onkhala wa mahuku ootheene. Omwenaawe khoorwa ophwatiwa ni olamulawawe khoommala.

Amosi 4:12

“Tivawo ti yeeyo kineeraaka koopakeleni, Ii! aYixrayeli. Keenre kinoopakelani yeeyo, aYixrayeli, mwiirehererele okumana ni Mulukwaanyu!”

Amosi 9:6

Yave onteka ikwartusawe sa osulu wiirimu ni onkhaliha mathipelowaaya vatthayani. Owo oniitthana maahi a mphareiya, anamwaraxela vatthayani. Nsinanawe ti Yave.

Yoonasi 1:16

Yoonaka yeeyo, anamiteko a nikula yaamulapa Yave, yoovaka, empakelaka sooveleela ni emuroromelihaka itthu.

Nahumi 1:4

Owo onghiiha ephareiya ni eyo enuuma; ongweleliha nyooloko sootheene. Owo onnyaaliha muncihiwamo inama oBaxani ni oKaremeli vamoha ni ithutu sa oLibanu.

Matheyo 10:28

Muhiwoove yaawo aniiva erutthu, mene ehiweraka wiiva munepa. Mmoove toko Yoowo ongwera ophwata erutthu ni munepa mmooroni.

Marku 4:39

Owo aavenya, aahiiha epheyo ni aaheerela ephareiya: “Omaale ni wiikhalele.” Epheyo yaamaala, ni sootheene saakhala soomaaleleyaxa.

Luuka 12:5

Vano Miyo kinoowooniherani taani ontthuneya omoova. Mmoove Yoole oneera iiva erutthu, onooweratho ovonyera mmooroni. Aani, Miyo kinooleelani: mmooveke Yoowo.

Deuteronomiyo 28:58

Nyuwosa mwaaheettela oororomeleyeene masu ootheene a Nlamulo nna alempwale mulivurunimu muhittittimihaka Nsina nna noovuwaxa ni noowoopiha, eyo tiiyo Yave Mulukwaanyu,

Ethupululo 15:4

Taani aneera ahiwooveni, Apwiya, ni aneera ahivuwihe Nsinananyu? Vano, Nyuwo paahi ti ootteela. Ilapo sootheene nsirwe ni nsilape ohoolowanyu, niwoko mitekosanyu sa ekhaikhai sohooniheriwa.”