Yeremiya 5:21 - Emakhuwa Bible

²¹ Mwiiwe yeeyo muloko wa ololo ni woohimiruku orino maitho, ohoonaka ni maaru, ohiiwaka:

Yeremiya 5:21 Iomraidhean Croise

Icipo 94:8

Mwiiwexexe nyuwosa oohikhalano miruku; alolo nyuwo, mmwiwere wiiwexexa yaakhani?

Masu a Miruku 17:16

Enimvareleya eheeni mulolo ovarela musurukhu mmatatanimwawe, eenre owo ahitthunaka miruku?

Yesaya 27:11

Iphandisaya suumaka ni saavasuwaka, asithiyana anootetheera. Vano muloko owo ti woohiiwexexa; tivawo Yoole aapanke ohinaamorelaawe ikharari; Mpattuxaaya khanoonihera murima wooreera.

Yesaya 43:8

Muruuhe muloko orino maitho, mene ohoonaka; maaru, mene ohiiwaka.

Yesaya 44:18

Awosa khaansuwela etthu, khaaniiwexexa etthu; maithowaaya aakhuneeleya weera ehoone ni soowuupuwelasaya soowaleya weera ehiiwexexe.

Yeremiya 10:8

Ootheene yaawo khaamiruku ni alolo; awosa anxuttihiwa ni miluku soohimuteko.

Yeremiya 4:22

“Mulokwaaka ti mulolo; awosa khaakisuwenle Miyo, ehiiwexexaka etthu. Ankhovelela opaka soonanara, mene khaangwera opaka yooreera.”

Yeremiya 5:20

Vano mulaleere yeeyo ikhapira sa Yakobe ni Yuda:

Yeremiya 5:4

Kaahuupuwela: “Awo ti oohaawa paahi; ti alolo, niwoko khaansuwela ephiro ya Yave hata soonyesereriha sa Mulukwaaya.

Yeremiya 6:10

Kimuulumeno ni kimooperere taani? Taani aneera akiiwe? Maaruwaaya aattiyana moota wooweera khaaniiwaru. Awosa anthanya masu a Yave, ehisivelakaru yaawo.

Yeremiya 7:13

Nyuwosa mwaapakaanyu itthu sootheene iya,’ onghima Yave, ‘Miyo kannooleelani imaara sincipale, mene khamwiiwale; kaawiitthanani, mene khamwaakhunle.

Yeremiya 8:7

Mpaka ntiki onsuwela ihuhu ovaheriwaawe; hiihotho ekhunda, meenkesa ni malooya annoona ihuhu sa othaamawaya, mene mulokwaaka khoosuwenle soonyesereriha sa Yave.

Ezekiyeli 12:2

“Mwaana a mutthu, nyuwo munkhala eriyari ya muloko woovaanya. Awosa aakhalano maitho oowoonela, mene kaanoona, ni maaru oowiiwela, mene khaaniiwa, niwoko ari anamavaanya.

Hoxeya 7:11

Efrayimi ori ntoko ekhunda yoolokottheya ni yoohiiwexexa. Ondyoonttelela ekhavihero wExipitu; onkhuwelela waakiha wa wAsiriya.

Zakariya 7:11

Vaheera yaakhootta opwattha; ni murima woowuuma yaahoorerani ettuli, ekhalaka attiyamaaru.

Marku 4:12

weera: ‘hata yoonaka, khaanoonexexa, ni yiiwaka, khaaniiwexexa, weera ehirukunxe murima ni ehileveleliwe.’

Marku 8:18

Nyuwo mookhalano maitho, vano khamunoona? Mookhalano maaru, vano khamuniiwa? Khamunuupuwelela?

Yohaane 12:40

Aatatuxa oohoona maithwaaya ni ahuumiha mirimasaya weera ehoone ni maithwaaya, hata ehiiwexexe ni murima, hata ehirukunxe mirimasaya, ni Miyo kihaalamihe.

Miteko 28:26

‘Murowe wa muloko ola ni mweere: ‘Hata mwiiwaka, khamurwa mwiiwexexa; hata moonaka, khamurwa musuwela etthu.

aRooma 1:20

Okhuma ephattuwelo ya elapo ya vathi, mikhalelo soohooneya sa Muluku, ntoko ikurusawe, soohimala, ni omulukwaawe, saahooniwa nnenesene. Iyo siiwexexiwa mwa itthu soopattuxiwa, moota wooweera atthweene yaawo ari oohileveleleya.

aRooma 11:8

ntoko elempwalaaya: “Muluku ohaavaha munepa wa wooseela, maitho weera ehoone ni maaru weera ehiiwe, mpaka olelo vaava.”

Deuteronomiyo 29:3

Mwaahoona ni maithwaanyu woota murima otokotoko iwe ni ineneero sootikhiniheya sitokotoko.

Deuteronomiyo 29:4

Wa soothesene, mpaka olelo Yave khoovangheni soowuupuwela siniiwexexa hata maitho anoona naari maaru aniiwa.

Deuteronomiyo 32:6

Muloko wa anepa ni ololo! Ti hiiho muntthunaanyu omuhokoloxera Yave ni mwettelo ola? Owo ti tiithiinyu ni Mpattuxaanyu mwa Yoowo oopattunxeni oovahakani okumi.