Yeremiya 49:24 - Emakhuwa Bible

²⁴ oDamasku woothatuwa woophweeya, woorukunuwa weera otthawe, orukureereya muru woovara; othanana ni ovoreyawaya woovara, ovoreya ntoko muthiyana ayaraka.

Yeremiya 49:24 Iomraidhean Croise

Epacerero 3:16

Aamweerela muthiyana: “Nkaattihe vancipale ohaawa wa orupalawanyu. Moohaawani nyuwo munimwaayara anamwane. Yoohaawelaanyu eniikhale wa ayinyu ni owo onimoolamulani.”

Yesaya 13:8

Onimwaavara woova; ovoreya ni othanana onimwaalamula. Awosa anoovoreyeya ntoko muthiyana ayaraka. Anoowehana ootuthuwaxeene, ikhovesaya sivihereiyeene.

Yeremiya 30:6

Mukohe ni moone: Mulopwana onoowera oyara ntoko muthiyana? Heeni kingwoonaaka asilopwana ootheene evarenleene vamirimani ntoko muthiyana ayaraka? Owuumenleni owanoni?

Yeremiya 4:31

Kiniiwa okhuweliwa ntoko wa muthiyana ahaleelaka oyara, ntoko muthiyana ahaleelaka oyara muxutto – okhuwela wa mwaana muthiyana a oSiyoni iilipiheraka omumula ni atheteyaka matata, eeraka: “Ii! Wa miyo, kihanle vakhaani okomoka; okumaaka ori mmatatani mwa anamwiiva!”

Yeremiya 48:41

oKeriyoti onoovariwa, ni isidadesaya soolipihiwa sinookuxiwa. Nihuku nno ominya murima wa anakhotto a oMowabe onuukhale ntoko wa muthiyana ayaraka.

Yeremiya 49:22

Moone! Xaaka awelaka onkhuruwa, akungenleene mapupha oBozera. Nihuku nno ominya murima wa anakhotto a wEdomi onuukhale ntoko muthiyana ayaraka.

Yeremiya 49:29

Mukuxe iheemasaya ni mihuwosaya, iluttusaya vamoha ni ikarumasaya sootheene ni ikamelu*. Atthu animwaakhuwelela: ‘Wookhala woopiha mipatta sootheene!’

Yeremiya 49:37

Kinoopakiha weera wElami othukumele ohoolo wa amwiittanaaya, ohoolo wa yaale anghaawela owiiva amakaaya. Kinimwaaruuhela erisa, isarasaka soopatta,” onghima Yave. “Kinoopakiha weera ekatana yaattharelele mpaka Miyo kineeraaka kaamalamalihe.

Yeremiya 50:43

Mwene a oBabiloniya iiwakaru suulummwaka sa yaawo, matataawe yaatteenguwa. Othanana waamvara, ovoreya ntoko muthiyana ayaraka.

Yeremiya 6:24

Nohiiwa ihaali sa yaawosa ni matataahu aanilosowa. Woova woonivara, ovoreya ntoko wa muthiyana ongyara.

Hoxeya 13:13

Onimphwanya ovoreya ntoko wa muthiyana ayaraka, vaheera owo ti mwaana oohimiruku; yaaphiyeraka ehuhu, khankhuma mmirimani orupaliwaawe.

Matheyo 24:8

Sootheene iyo nsikhale ompacereroni wa ovoreiya wa oyara.

Marku 13:8

Elapo ni elapo eniiwane, aani omwene ni omwene. Onuukhale otetereiya mmapuroni makina, nitho etala. Itthu iyo siri epacerero ya ovoreiya wa oyara.