Yeremiya 49:17 - Emakhuwa Bible

¹⁷ “wEdomi onoothatuwa moopopihero; ootheene eniivirewo anoothikileya muthana, etheyeke, niwoko na makhwattaawe ootheene.

Yeremiya 49:17 Iomraidhean Croise

1 Mamwene 9:8

Erookhalaru etokotoko Empa ya Yave ela vano, ootheene eniivire anootikhina ni anootheya yeeraka: ‘Opakenle heeni Yave elapo ela ni Empa ya Yave ela?’

Yeremiya 18:16

Elapwaaya enoheleya nthala, eneneero ya otthebwiwa woohimala; ootheene eniiviremo anootheya, epukunyeraka muru.

Yeremiya 49:13

Miyo kiniilipela muneenaaka,“ onghima Yave, “weera Bozera onookhala mathala oohimakiwa; owo onoothatuwa eneneero ya munyakunyaku, otthebwiwa ni nlapho, ni isidadesawe sootheene sinookhala mathala oohimala.”

Yeremiya 50:13

Niwoko na isara sa Yave iwo khoomakiwa, mene onoohala ttewu woomalela. Ootheene eniivire oBabiloniya anoothikileya muthana, etheyeke mwaha wa makhwattaawe ootheene.

Yeremiya 51:37

oBabiloniya onoohala ittuxoru, woomaka wa akhwatte, moopopihero ni yootthebwano; nipuro nihinkhaliwaru.

Ezekiyeli 25:13

tivawo Yave onlamula sootheene oneeraawe ha: Kinootheteela moono wEdomi kiwiiveke atthwaawe ni axinamaawe. Miyo kinoophwataxa – okhuma oTemani mpaka oDedani, awosa animwiiviwa ni ekatana.

Ezekiyeli 27:36

Ananakoso a eriyari ya miloko angwoopelani murika yaawoonakani; woophiya ommaleloniwanyu woowoopiha, ni nyuwo khamukhalatho.’ ”

Ezekiyeli 35:15

Mweenre nyuwo mwatthapa yoohiyeriwa ya muloko wa oYixrayeli yaaphwatiwaaya, kinimoopakelanitho hiiho. Ii! Mwaako Seyiri, nyuwo munoophwatiwa vamoha ni wEdomi wootheene. Hiiho, anoosuwela weera Miyo ti Yave.’”

Ezekiyeli 35:3

‘Yave onlamula sootheene, oneera ha: Koowiittani, mwaako Seyiri, ni kinimootheteelani moonowaaka, koopakekeni nikare noophwatiwa.

Ezekiyeli 35:7

Kinookhaliha mwaako Seyiri nikare noophwatiwa, ni mwa yoowo kinimwaamalamaliha ootheene ankhalawo ni anrowawo.

Mikeyasi 6:16

Nyuwosa muniiwelela ikano sa Omeri ni soopaka sootheene sa emusi ya Ahabi, muttharaka ikhovelelosaya. Tivawo kineeraaka kooheleeni nthala ni amakaanyu anoohaawa otheiwa; nyuwosa ootheene munootthebwiwa ni miloko.”

Zefaniya 2:15

Ela ti esidade ehimpwattha etthu, ekhalaka yoolipeene, yiixeerelaka: “Ti miyo paahi, khawoworu mukina!” Moota eheleiyaaya nthala! Nikhuku na axinama a ntuphini! Ootheene amviramo, anootthebwa yiipaka makuphi.

Deuteronomiyo 29:22

Anamwaniinyu ni ikhapirasanyu ni anamarwa anrweela ilapo soorakamela eniyoone irisa sineera simorele mweelaponi ni moota Yave aneeraawe aruuhele iretta.