Yeremiya 48:7 - Emakhuwa Bible

⁷ Mweenre muroromelaka soopakasanyu ni mihakhusanyu, nyuwosa munoovarasiwatho, ni Kemoxi onoorowa wootthukiwani, vamoha ni asaserdotaawe ni ahoolelaawe.

Yeremiya 48:7 Iomraidhean Croise

2 Samuweli 5:21

aFilisti yaahiyaawo milukusaya soolokottha ni Davide vamoha ni asilopwanaawe yaakuxa iye.

1 Mamwene 11:33

Kinoopaka yeeyo niwoko na okihiyawaya, emulapaka Axeteroti, muluku muthiyana a aSidoni, Kemoxi, muluku a aMowabe ni Moleki, muluku a awAmoni. Khayeentte mphironimwaka, naari khaapanke yeeyo kintthunaaka, hata khayiiwelenle ikanosaka ni malamulowaaka ntoko aapankaawe Davide, atithawe Salomoni.

1 Mamwene 11:7

Vanttumuxani mpatta ninkhuma nsuwa wa oYerusaleemu Salomoni aamutekelawo nipuro na osulu Kemoxi, muluku a mwiikho a aMowabi ni wa Moloki, muluku a mwiikho a awAmoni.

Icipo 40:4

Ooreelihiwa ti yoole onimuroromela Yave; yoole ohinaatthara oowiixoona, hata ohintthara miluku soolokottha.

Icipo 52:7

“Vano, ori va mulopwana, mwa yoowo ohimwaakhenle Muluku ntoko Yoowiixaakiheraawe, aroromelaka mihakhusawe sitokotoko ni mitekosawe soonanara.

Yeremiya 13:25

Ola ti mpattaanyu ni yeeyo koolakelenlaakani,” onghima Yave, “niwoko mookittiwala ni moororomela miluku soolokottha.

Yeremiya 43:12

Owo onoohisa impa sa miluku sa wExipitu; onoopattiha impa sa milukusaya ni onoorowano sootthukiweene milukusaya. Mooteene yoowo mukukhuli omvenxaawe itutulumbwa sa muhuwo mukuwonimwawe, hiihotho mwene a oBabiloniya onoovenxa sootheene sa wExipituwawe ni onoorowa mmuretteleni.

Yeremiya 48:13

Vano Mowabe onimuulihiheya muru ni Kemoxi, ntoko aYixrayeli yuulihihengyaaya muru ni oBeteli, mwa weiwo yaaroromelaayawo.

Yeremiya 48:46

Ii! Wa nyuwo oMowabe! Muloko wa Kemoxi woophwatiwa; anamwaniinyu asilopwana anronghiwa wootthukiwani, ni anamwaniinyu asithiyana wuuwutho.

Yeremiya 49:3

“Ii! Hexiboni, wiikhupanyere, niwoko wAi woophwatiwawo! Ii! Amaki a oRaba! Mukhuwele! Ngware soolalamikano ni mwiinle! Mwaase otthimaka, niwoko Moloki onoorowa wootthukiwani vamoha ni asaserdotaawe ni asitokweenaawe.

Yeremiya 49:4

Muniixoonela heeni ni mareyareyaanyu? Muniixoonela heeni ni mareyareyaanyu a ethaadyira? Ii! Mwaana muthiyana oohiroromeleya! Nyuwo munroromela mihakhusanyu mweeraka: ‘Taani anaakiwanane?’

Yeremiya 9:23

Yave oneera ha: “Namiruku ahiivuwiheno mirukusawe hata nakuru mukurunimwawe naari namapuha moopuhanimwawe.

Hoxeya 10:13

Vaheera nyuwosa mphatteiye sootakhala; munahepha yoonanara; mohooca soowiima soolokottha. Mweenre muroromelaka ikurusanyu ni anakhottwaanyu oowaata,

Nuumeru 21:29

Ii! Wa nyuwosa, amaki a oMowabe! Nyuwo moophwatiwa, Ii! Muloko wa Kemoxi! Owo oowinnyerera anamwanaawe asilopwana ntoko anamatthawa, anamwanaawe asithiyana ntoko anamatthukiwa ni Sihoni, mwene a awAmori.

1 Timootheyo 6:17

Waaleele yaawo ari oopuha ehuhu ela weera ehikhale oowiixoona, naari ehiroromele mihakhu soohilekela, mene emuroromele Muluku onnivaha sootheene woowaatta weera nihakalale.

Ethupululo 18:7

Muringoweene yoowo owo iivuwiheraaweno ni sooreela iivaherenraaweno, vano muvarele muteko muringo owo ophima ottaruxawawe ni soohooxasawe. Mmurimanimwawe owo aamwiivuwiha: ‘Kikilaathiye ntoko pwiyamwene; nkihiyono naamukhweli, ni nkirwa kilalamika.’

Ahooleli 11:24

Nyuwo munookuxa yeeyo mulukwaanyu Kemoxi onoovahaaweni. Hiihotho, nnookuxa yeeyo Yave Mulukwaahu onnivaahaawe.