Yeremiya 48:46 - Emakhuwa Bible

⁴⁶ Ii! Wa nyuwo oMowabe! Muloko wa Kemoxi woophwatiwa; anamwaniinyu asilopwana anronghiwa wootthukiwani, ni anamwaniinyu asithiyana wuuwutho.

Yeremiya 48:46 Iomraidhean Croise

1 Mamwene 11:7

Vanttumuxani mpatta ninkhuma nsuwa wa oYerusaleemu Salomoni aamutekelawo nipuro na osulu Kemoxi, muluku a mwiikho a aMowabi ni wa Moloki, muluku a mwiikho a awAmoni.

2 Mamwene 23:13

Mwene aaphwatatho mattumuxa ootteeliheriwa miluku sikina yaari mpatta ninkhuma nsuwa wa oYerusaleemu, mpatta wa ohitto wa Nttumuxa na Ophwata. Yaari altaareene yaale Salomoni, mwene a aYixrayeli, aamutekenlaawe Axeteroti, muluku ookhootteya a aSidoni, Kemoxi, muluku ookhootteya a aMowabe ni Moleki, muluku ookhootteya a awAmoni.

Yesaya 16:2

Asithiyana a oMowabe ari mmirorani sa wArenoni ari ntoko ipalame sivavaka soomoliweene mpuuruni.

Yeremiya 48:13

Vano Mowabe onimuulihiheya muru ni Kemoxi, ntoko aYixrayeli yuulihihengyaaya muru ni oBeteli, mwa weiwo yaaroromelaayawo.

Yeremiya 48:7

Mweenre muroromelaka soopakasanyu ni mihakhusanyu, nyuwosa munoovarasiwatho, ni Kemoxi onoorowa wootthukiwani, vamoha ni asaserdotaawe ni ahoolelaawe.

Nuumeru 21:29

Ii! Wa nyuwosa, amaki a oMowabe! Nyuwo moophwatiwa, Ii! Muloko wa Kemoxi! Owo oowinnyerera anamwanaawe asilopwana ntoko anamatthawa, anamwanaawe asithiyana ntoko anamatthukiwa ni Sihoni, mwene a awAmori.

Ahooleli 11:24

Nyuwo munookuxa yeeyo mulukwaanyu Kemoxi onoovahaaweni. Hiihotho, nnookuxa yeeyo Yave Mulukwaahu onnivaahaawe.