Yeremiya 48:26 - Emakhuwa Bible

²⁶ “Munghapalihe, niwoko owo oomveiha Yave. oMowabe wiivottokolele marapheyowaaya ni okhale munyemu.

Yeremiya 48:26 Iomraidhean Croise

Yobi 15:25

niwoko aampakela mpikisano Muluku, amuramusaka Muluku a ikuru sootheene,

Yobi 9:4

Mirukusawe ti soowiixera, owerawawe ti otokotoko. Taani eerenre ongwanano, sinamweettela nnene?

Icipo 2:4

Vahiceniwawe wiirimu Yave onnaatheya, aanyemulaka.

Icipo 59:8

Vaheera Nyuwo, Yave, munimwaatheya, munoonyemula miloko sootheene seiye.

Icipo 60:3

Mooviriha mulokwaanyu mweehuhuni soohooxa; moonivaha eviinyu yoorukureeriha muru.

Icipo 75:8

Mmatatani mwa Yave yookhalamo ekoomixi yoosareya eviinyu yooxaxa ni yoothiteliwa; Owo ommiinela vathi ni atakhali ootheene a elapo ya vathi angwura mpaka nttonyo noosinsa.

Okhuma 5:2

Farawu* aahaakhula: “Yave Owo taani weera miyo kimwiiwelele ni kaahiye aYixrayeli erowaka? Nkimusuwenle Yave ni nkirwa kaahiya aYixrayeli epwahaka.”

Okhuma 9:17

Wa soothesene, nyuwo nlelo munnyeserera wooceeliha mulokwaaka muhitthuniheraka orowa.

Yesaya 10:15

Weeraka epaso enimulamulela yoole omvarela muteko hata seroti oniingyeviha yoole onimuramaramiha? Waamukhala ntoko ekopo emuramaramihaka ovarenle hata ttootto simweemexaka seiyo sihikhanle etthaabwa.

Yesaya 19:14

Yave ohaasariha munepa wa opupurumiha; awosa amveveleiha wExipitu mwa sootheene ampakaaya, ntoko omveveleelaawe namuhapaliwa muxerexere wa marapheyowaawe.

Yesaya 28:8

Meesa ootheene ari marapheyoru; khaniwoworu Nipuro Nootteela*.

Yesaya 29:9

Owuumeeni owanoni ni mutikhiniheye; mwiipake oohoona mpwaherere ohoona; mukhaleke oohapaliwa muhiwunre; mumveveleya muhiwunre yoohapala.

Yesaya 51:17

Mvenye! Mvenye. Mweemeleke, oYerusaleemu, nyuwo ngwunre mmatatani mwa Yave ekoomixi ya isarasawe, nyuwo mminre mpaka nttonyo nookisera ekoomixi yaaveveleihale atthu.

Yesaya 63:6

Koovotta miloko moonyoonyiwanimwaka ni musarinimwaka koohapaliha kinayeehera ephomaaya vatthayani.

Yeremiya 48:39

“Moota ophwatiwaaya! Moota anlalamikaaya amakaaya! Moota oMowabe onreraaya ettuli, woowuulihiheyeene muru! oMowabe woothatuwa eneneero ya otthebwiwa ni moopopihero wa amwaattamanaaya ootheene.”

Yeremiya 48:42

oMowabe onoophwatiwa ntoko muloko niwoko owo woomvaanya Yave.

Yeremiya 50:29

Ngwiitthanele ananyuupa oBabiloniya, ootheene yaale amvarela nyuura. Ekonele ootheene mukhwipimwawe; ahikhaleru anaatthawe. Mutthuvele muttharihaka ipakelosaya; mpakele iwo sootheene opankaaya. Niwoko iwo woomveiha Yave, Ootteela a oYixrayeli.

Yeremiya 51:39

Vaheera ehaawelaxaka oca, kinimwaarehererela efesta kaahapaliheke, weera ehakalalaxe, ni evirelele okona woohivenyatho,” onghima Yave.

Yeremiya 51:57

Kinimwaahapaliha ahoolelaaya ni anamirukwaaya; maguvernadoraaya, asitokweenaaya ni anakhottwaaya. Awosa anoovirelela okona kheevenyatho,” onghima Mwene, mwa Yoowo Nsinanawe ti Yave a ikuru sootheene.

Yeremiya 51:7

Babiloniya aari ekoomixi ya eyuuma yoorikaxa mmatatani mwa Yave; eyo yoohapaliha elapo yootheene. Miloko soowura eviinyuwaaya; tivawo sipupurumiheiyaaya.

Icipo Soolalamika 1:21

Olalamikawaka wohiiwanyeya, mene khawoworu onkipembesa. Amwiittanaaka ootheene aasuwela othananawaka; awosa anghakalalela yeeyo mpankaanyu. Ii! Nyuwo fataari muruuhe nihuku mulaleiyaanyu weera awosa ethatuweke ntoko miyo!

Icipo Soolalamika 3:15

Ookivoniha ni makukhu oonyuunya, anakiwuriha wamwa.

Icipo Soolalamika 4:21

Muhakalale, mwaana muthiyana a Edomi, munkhala mulaponi ya wUzi. Vaheera munoowuratho ekoomixi yoowaawa ya nttaruxo eneera yoohapaliheni yoohiyakani pwitipwiti.

Daniyeli 11:36

“Mwene onoopaka yeeyo ontthunaawe. Onimwiivuwiha ni onimwiixunnuwiha opwaha wakhalaru muluku ni onoomveiha Muluku a miluku ni itthu sihitonke wiiwiwa. Owo sinoomweettela nnene mpaka okwanela ehuhu ya isara, niwoko yeeyo elakeliwe ontthuneya okhumelela.

Daniyeli 5:23

Ohiyanawaya mohiivuwiha ompwaha Yave a wiirimu. Moolamula weera ikoomixi sa Mpaani mwa Yave muruuheliwe nyuwo, maneethaanyu, axaarinyu ni ikuxosanyu weera ngwurere. Moottottopela miluku sa eparatha*, eyuuma yoorikaxa, ebronze*, eyuuma, nyiri ni maluku mwa seiyo sihingwera woona, wiiwa naari wiiwexexa. Vaheera khamunttittiminghe Muluku mwa Yooworu onlakela okumaanyu ni iphirosanyu sootheene.

Daniyeli 8:10

Naahunnuwa mpaka waatava anakhotto a wiirimu, nnavonyera vathi sikina sa ithenyeeri sa wiirimu, nnanyikalela.

Nahumi 3:11

Weyotho onoohapaleya; onimwiipitha weereraka waatthawa amwiittanaawo.

Habakuki 2:16

Munoosareya wuuliwa muru ohikhanle ovuwa. Vano, ti emaaraanyu! Ngwureke ni mwiixoonihere etiriyaanyu. Ekoomixi ya ntata noolopwana na Yave mumvahiwa nyuwo ni ovuwawanyu onoosareya wuuliwa muru.

2 aTesalonika 2:4

Owo anaakhale mwiittana a sootheene seiyo siri sa Muluku, hoye hoye soolapiwa, ni aniivuwihe wa itthu iyo mpaka anaakilaathi vaNipuroni Nootteela* na Muluku, alaleiyaka weera owo muneenaawe ti Muluku.

Ethupululo 16:19

Esidade etokotoko yaakawanyiwa mipatta miraru, ni isidade sa ilapo saamora. Muluku aamuupuwelela Babiloniya mutokweene ni aamvaha ekoomixi ya eviinyu ya isara sa isikulasawe.