Yeremiya 47:3 - Emakhuwa Bible

³ woowiiwa oruma wa mikhitto sa ikavalu* khira khira, onyakula wa ikaarosaya sa ekhotto, ni ophirikeya wa marekwaaya. Asitiithi kheehokolowa weera yaakhavihere anamwanaaya, niwoko matataaya anootteenguwa.

Yeremiya 47:3 Iomraidhean Croise

Yesaya 5:28

Nyuupasaya siri soowiitha ni nyuura sootheene siri sootupa; mapita a ikavalusaya* ari oolipa ntoko maluku ni mareko a ikaarosaya ntoko eyuupuru.

Yeremiya 46:9

Haya nyuwo ikavalu*! Mweettihe ikaaro sa ekhotto nyuwosa anamweettiha! Murowe ohoolo, anakhotto! asilopwana a oKuxe ni a oLibiya, ankuxa ixikudu*, asilopwana oLidiya ankunga nyuura!

Yeremiya 50:42

Awosa amvarela muura ni nivaka; ti oowuuma murima ni oohimorela ikharari. Onyakulawaya ori ntoko oruma wa ephareiya. Anrwa ewenleene ikavalu*, ethataanelaka owana, weera yoowananeni nyuwo, esidade ya oBabiloniya.

Yeremiya 8:16

Otturuma wa ikavalu* sa amwiittana onimwiiwanyeya okhuma oDani; woowiiwa oruma wa mikhittosaya elapo yootheene enootetereya. Awosa yaarweenle onyaanya elapo ela ni sootheene siri mwemmo, esidade ela ni amakaaya.”

Ezekiyeli 23:24

Awosa eniyoorweeleni ekuxaleene ikapwitthi, vamoha ni ikaaro sincipale, ni anakhotto ancipale; eniyoothataaneleni mipatta sootheene ni ixikudu* itokweene ni ikhaani vamoha ni ikapaseti. Kinoowinnyererani wa yaawosa weera yoottaruxeni, ni awosa eniyoottaruxeleni ettharaka mootaaya wa ottaruxa.

Nahumi 2:4

Ikaaro sineetta woowaaluwa siviraviraka mmiseweni ni mmapuwani. Ekhalelowaaya eri ntoko mithuko sivarelaka sinaakuveya ntoko overinya.

Nahumi 2:8

oNinive ori ntoko ntthiya na khalayi noowelela. Awosa ankhuwela yeeraka: “Ee! Ee!,” mene khawowo anaawehe ottuli.

Ethupululo 9:9

Saakhalano etthu yoowiixaakihera ekakasa ntoko yoowiixaakihera ekakasa ya eyuuma, ni oruma wa mapuphaaya waari ntoko oruma wa ikavalu* ni ikaaro sa ikavalu* sincipale sitthimakelaka okhottoni.

Ahooleli 5:22

Oruma wa mikhitto sa ikavalu* wannateterexa situphaka khira khira ikavalusaya* soowera. Ndyelo a Yave aaheera: