Yeremiya 46:5 - Emakhuwa Bible

⁵ Vaheera kingwoona etteengungweene, eneera yiihululaka; anakhottwaaya aawiniwa. Antthawa yaakuveyaka, ehiwehaka ottuli; wookhala woopiha mipatta sootheene,” onghima Yave.

Yeremiya 46:5 Iomraidhean Croise

Epacerero 19:17

Yaavenxaka musidadeni, mmoha a yaale eeli aamweerela Loti: “Mutthawe weera muurele okumi! Muhiwehe ottuli, hata muheemele vamuhawalawani. Mutthaweleke onyaakoni mwaaheera hiiho munimookhwa.”

Yesaya 13:8

Onimwaavara woova; ovoreya ni othanana onimwaalamula. Awosa anoovoreyeya ntoko muthiyana ayaraka. Anoowehana ootuthuwaxeene, ikhovesaya sivihereiyeene.

Yesaya 19:16

Vanihukuni nenenenno awExipitu anookhala ntoko asithiyana. Anoothukumela ni woova niwoko na moono wa Yave a ikuru sootheene aneeraawe aatheteele yaale.

Yesaya 42:17

Vaheera yaale anroromela icaambulo ni aneerela seiyo: ‘Nyuwosa ti milukusahu’ animuulihiheyaxa muru.”

Yesaya 5:25

Mwaha wa sootheene iya isara sa Yave soopattela mulokwaawe; Owo ootheteya ntatanawe weera avulalihe. Nyaako sootetereya ni mittembosaya siri ntoko ikokhola mmiseweni. Hata hiiho isarasawe khasimmala; ntatanawe nri etheteeliwo.

Yeremiya 20:10

Kiniiwa soowaapa sincipale: “Woova wa mipatta sootheene! Munthoonye! Nrowe Nimuthoonye!” Asinthamwenaaka ootheene angweherera weera kitapanye, yeeraka: “Apaale onoolokhotteya, ni vano ninoongwina ni nimwiinleleke ikukuttula.”

Yeremiya 46:15

Amorelenleni anakhottwaanyu vathi? Awosa khaangwera weemela niwoko Yave ohaamoroxa.’

Yeremiya 46:21

Anakhotto anliviwa, mmiseranimwaya ankhala ntoko aximombe ooneneva. Awosatho anoorukunuwa, etthaweke vamoha; khayaakhiwa ankhalaayamo, niwoko nihuku na owiniwawaya nneera nikhuveelaka, ehuhu ya ottaruxiwawaya.

Yeremiya 49:29

Mukuxe iheemasaya ni mihuwosaya, iluttusaya vamoha ni ikarumasaya sootheene ni ikamelu*. Atthu animwaakhuwelela: ‘Wookhala woopiha mipatta sootheene!’

Yeremiya 49:5

Kinoopakiha weera moove sootheene soorukureenreni,” oneera Yave, Yave a ikuru sootheene. “Nyuwosa munoomwaraxiwa, khula mutthu mpattaawe, ni khaawo anaawere waathukumanyiha anamatthawa.

Yeremiya 6:25

Muhirowe mmatta naari muheette mmiseweni, niwoko amwiittana anrwaano ekatana ni wookhala woopiha mipatta sootheene.

Ezekiyeli 32:10

Kinoopakiha weera saawoonakani miloko sincipale suumiwe owanoni, ni weera mamwenaaya yoopihaxiwe niwoko na nyuwo, Miyo kaavukhulaka ekatanaaka ohoolowaya. Vanihukuni na omorawaya, khula mutthu a yaawo anaathukumele ni woova woohihiyerera mwa okumaawe.

Ezekiyeli 39:18

Munookhuura enama ya aweri ni munoowura ephome ya asitokweene a mulaponi ekhalaka ntoko anapunci a ikhondoolo, eputtiputthi, ipuri ni imombe ilopwana – ootheene awo ereene axinama ooneneva a oBaxani.

Nahumi 2:8

oNinive ori ntoko ntthiya na khalayi noowelela. Awosa ankhuwela yeeraka: “Ee! Ee!,” mene khawowo anaawehe ottuli.

Nahumi 2:9

Muhuhule eparatha*! Muhuhule eyuuma yoorikaxa. Mihakhusaya khasimmala; yoosareya itthu sootthuneyaxa!

Zefaniya 1:14

Nihuku ntokweene na Yave, nookhuveela; nookhuveela, ningwa woowaakuveya. Mwiiwe! Nihuku na Yave nnoowaawa ni okhuwelaxa woowaawa wa anakhotto.