Yeremiya 45:5 - Emakhuwa Bible

⁵ Vano, nyuwo munoowera wiisaasera itthu soowooreerelani? Muhaasaase, niwoko kinooruuhela erisa omutthu wootheene,’ oneera Yave, ‘vaheera Miyo kinimoohiyani moopowaka muneeraanyu muroweru.’ ”

Yeremiya 45:5 Iomraidhean Croise

Epacerero 6:12

Muluku awehaka elapo ya vathi, aahoona sootakhala sincipale niwoko ootheene yaamanke elapo ya vathi, yaatthara iphiro sootapanyeya.

1 Mamwene 3:11

Muluku aamweerela: “Mweenre muvekelaka yeeyo, muhivekelaka okhala ni okumi wa mahuku mancipale, naari mihakhu hata okhwa wa amwiittanaanyu, mene aani miruku soolamulano nnene,

1 Mamwene 3:9

Vano mumvahe murumeiyaanyu murima wa miruku weera kilamule mulokwaanyu kisuwelaka okawanyiha yooreera ni yoonanara. Waahikhala hiiho, moota heeni kineeraka kilamule mulokwaanyu mutokotoko ola?”

2 Mamwene 5:26

Vaheera Elixa aamweerela: “Osuweleke weera kaari ni weyo mmunepani Nahamani aakhuruwaawe mukaaroni weera ookumaneno. Ehuhuweene yeela kheehiyono yoowaakhela musurukhu ni ikuwo, naari yoohaawela imatta sa sooliveira* ni sa iwuuva*, ikhondoolo, imombe, ipottha ilopwana naari ithiyana.

Icipo 131:1

Ii! Yave murimaaka khoohiyono woowiixoona; maithwaaka khaahiyono oowiikuxerera; nkiniihelanamo ni itthu sitokotoko naari sookitikhinihaxa.

Yesaya 66:16

Vano Yave onookwanihera waathoriha atthu ootheene ni mooro ni ekatanaawe; ancipale animwiiviwa ni ntatanawe.

Yeremiya 21:9

Yaale eneera ehiixinnyerere mwa aBabiloniya yoorinceni animookhwa ni ekatana, etala hoye hoye nihooxo. Vaheera yaale eneera ekhume yiixinnyereraka mwa aBabiloniya anookhalano okumi. Awo anootthawa yoopoweke.

Yeremiya 25:15

Yave, Muluku a oYixrayeli aakeerela ha: “Mwaakhele mmatatanimwaka ekoomixi ela esareiye eviinyu ya isarasaka ni mwawurihe miloko sootheene kinoorumihelaakani.

Yeremiya 25:16

Siwunreene, sinooveveleya, soohorahoreene niwoko na ekatana kineeraaka kaarumihele.”

Yeremiya 25:26

mamwene ootheene a ottuttuwani, ookhuveelana hoye hoye oorakamelana mukina ni mukhwaawe; ni imwene sootheene sa mulaponi. Vahoolo wa ootheenaawo mwene a oXexakitho onoowura ekoomixi eyo.

Yeremiya 25:31

Munyakunyaku oniiwanyeya mpaka ekotenle elapo, niwoko Yave onthoonyera soopaka sa miloko, ni onthoriha omutthu wootheene: Owo onoowinnyerera atakhali woophwatiwani ni ekatana,’ ” onghima Yave.

Yeremiya 38:2

“Yave oneera ha: ‘Yoowo anaapwaherere musidademu onimookhwa mwa ekatana, etala hoye hoye nihooxo; vaheera yoowo aniixinnyerere wa aBabiloniya onookhala ni okumi. Onimoopowa akhaleke.’

Yeremiya 39:18

Vekhaikhai Miyo kinoowoopolani; nyuwo khamwiiviwa ni ekatana, mene munimoopowa, niwoko nyuwo munkiroromela Miyo, oneera Yave.’ ”

Zefaniya 3:8

“Tivawo, mukiweherere Miyo,” onghima Yave, “ngweherere nihuku Miyo kineeraaka kivenyere okhalela onamoona. Koolakela othukumanyiha miloko ni omwene weera kiyeehere isarasaka, wuupa wootheene wa onyoonyiwawaka. Elapo yootheene enoolalihiwa ni mooro wa isarasaka sa ehace.

aRooma 12:16

Mukhaleke ni murima mmoharu mukina ni mukhwaawe. Muhikhale oowiixoona, mene mukhale oolikaneene mwiiwananaka ni atthu oohittittimiheyaxa. Muhiisuwele weera muri asuweli.

aHeberi 13:5

Muhilamuliweke ni osivela wa musurukhu, ni muhakalaleleke yeeyo murinaanyu, niwoko Muluku mwaneenaawe eenre:“Nkirwa koohiya, naari koothaama.”