Yeremiya 44:7 - Emakhuwa Bible

⁷ Yave, Muluku a ikuru sootheene, Muluku a oYixrayeli, oneera ha: ‘Wiiruuhelela heeni erisa etokotoko, mwaamalamalihaka oYuda alopwana ni athiyana, anamwane mpaka ooyariwa vaanaano, muhiihiyerakaru oohalahala?

Yeremiya 44:7 Iomraidhean Croise

Masu a Miruku 1:18

hiihotho asilopwana awo khaansuwela weera aniixiipithela wa ephomaaya asineenaaya; anreela muraakho inaawosaya!

Masu a Miruku 15:32

Yoowo onkhootta olakiwa oniinyoosa muneenaawe, vaheera yoowo oniiwa ohiihiwa ongwina wiiwexexa.

Masu a Miruku 5:22

Sootakhala sa mutakhali sinnaphariha munraakhoni; owo onthatuwa namatthukiwa mmikhoyini sa sootthekasawe.

Masu a Miruku 8:36

Vaheera yoowo onkirakamela, oniinanariha mwaneenaawe; ootheene ankithanya ansivela okhwa.

Yeremiya 25:6

Muhitthare miluku sikina weera mukokhorele ni mulape; muhitannye isarasaka ni miluku soopakiwa ni nyuwo. Hiiho Miyo nkinooruuhelani erisa.”

Yeremiya 25:7

“Vaheera nyuwosa khamukiiwale ni mootannya isarasaka ni miluku nyuwosa mpankaanyu, mwiiruuhelaka erisa,” onghima Yave.

Yeremiya 26:19

Weeraka Hizekiya, mwene a oYuda, hoye hoye mukina a muloko wa oYuda woomwiiva? Hizekiya khamoomve Yave ni khamuroromenle Yoowo? Ni Yave khahingye waapakela erisa aalakelenlaawe? Nihanle vakhaani wiiruuhela erisa!”

Yeremiya 3:24

Okhuma emiravowaahu miluku soowuuliha muru soomaliha soowiima sa miteko sa makholowaahu – mihuwosaya sa ikhondoolo ni imombe nitho anamwanaaya asilopwana ni asithiyana.

Yeremiya 38:17

Vano Yeremiya amweerela Zedekiya: “Yave a ikuru sootheene, Muluku a oYixrayeli oneera ha: ‘Nyuwo mwiixinnyerera woowaakuveya mmatatani mwa mwene a oBabiloniya, okumaanyu onimuureliwa ni esidade ela kheehisiwa; nyuwo ni emusaanyu munookhala ni okumi.

Yeremiya 42:20

weera nyuwosa moopaka yootakhala eniiva mwaakiruminghaanyu wa Yave, Mulukwaanyu, mvekelaka: ‘Mumvekele Yave, Mulukwaahu, muneerelaka hiyo. Munileele sootheene Owo aneeraawe ooleeleni, ni hiyo nnoopaka.’

Yeremiya 44:14

Khawoworu a ahalahanle a oYuda orongwe okhala wExipitu anoopowe hoye hoye anookhowe weera ahokoleele mulaponi ya oYuda, mwa weiwo anghaawelaaya ohokoleela ni okhalawo; khawoworu anaahokolowe, ehikhanle paahi vakhaani a anamatthawa.”

Yeremiya 44:8

Mutannyerenleni isarasaka ni yeeyo mumpakaanyu, muhiseraka erubani* miluku sikina sa wExipitu, wenno murwiiyaanyu okhala? Nyuwosa munimwiiphwata ni munimwiitatuxa etthu yoonyoosiwa ni yootthebwiwa variyari wa miloko sootheene sa mulaponi.

Yeremiya 51:22

mwa nyuwo kinimunyaanya mulopwana ni muthiyana, mutokweene ni mukhaani, mmiravo ni mwaamwali,

Yeremiya 7:19

Mene weeraka ankitannya Miyo? onkoha Yave. Awosa aniixuulihiha muru asineenaaya.

Yeremiya 9:21

Okhwa woowela onavolowa muxanelanimwahu ovolowakatho mapurowaahu oolipihiwaxa; wohaamalamaliha anamwane mmiseweni ni amiravo mmapuwani.

Icipo Soolalamika 2:11

Maithwaaka aakhulumuwa wiinla, munepaaka woohasuwa, murimaaka wookiriipaxa, niwoko mulokwaaka woophwatiwa ni amiravo ni anamwane ankomokela mmiseweni sa musidade.

Icipo Soolalamika 2:22

Mookilattulela soowoopiha mipatta sootheene ntoko onlattuleliwaaya vanihukuni na efesta. Vanihukuni na isara sa Yave khawoworu oopongwe hata opwaherenre okhala ni okumi. Mwiittanaaka ohaaphwata yaale miyo kaakosoopaaka ni kiwunnuwihalaaka.”

Ezekiyeli 33:11

Mwaaleelase: ‘Kinlipela mwa okumaaka,’ onghima Yave onlamula sootheene, ‘khoonkisivelaru okhwa wa atakhali, kimpacera toko ohaawela weera awosa ehapuwe mphironimwaya ni ekhale ni okumi. Muhokolowase! Muhokolowase mphironimwanyu moonanara! Ii! Muloko wa oYixrayeli, muntthunela heeni okhwa?’

Ezekiyeli 9:6

Mwaawiive asitokweene, amiravo, asimwali, asithiyana ni asinamwane. Vaheera, muhimutaveru yoowo anaakhaleno eneneero. Mpacereke vaNipuroniwaka Nootteela*.” Vano awosa yaapacenre asitokweene yaari ohoolo wa Empa ya Yave.

Habakuki 2:10

Moovaanela waaphwata atthu ancipale muulihihaka muru vaatevanyu ni mutthekihaka okumaahu.

Nuumeru 16:38

Soohisera erubani* sa atthu siwiivale mwa sootthekasaya sinoohaniwa ntoko ireesa ni sinoovareliwa muteko woowaahuruwelano altaari*, niwoko sooveleeleliwa Yave ni soothatuwa sootteelihiwa. Iyo sikhaleke eneneero wa aYixrayeli.”

Deuteronomiyo 32:25

Anamwanaaya animwiivakasiwa mmiseweni ni ekatana; mmatthokonimwaya anoosareya maririmela. Animookhwa amiravo ni asimwali; anamwane ni anamuuluvala.

Yoxuwa 6:21

Yaamutteelihera Yave esidade yaaphwataka ni ekatana ootheene ni sootheene saarino okumi – alopwana ni athiyana; amiravo ni asitokweene; imombe, ikhondoolo ni abuuru.

Ahooleli 21:11

Waaweerela anakhotto:” Muneeraanyu mwapake ti ela: mwawiive alopwana ni athiyana ootheene yaahikhalaru asimwali oowiikosoopa.”

1 Samuweli 15:3

Vano murowe ni mwaawaneno awAmaleki mphwataka soothesene siri sawaya. Muhimuurele mutthu; mwawiiveke asilopwana, asithiyana, anamwane, ooyariwa vaanaano, imombe, ikhondoolo, ikamelu* ni abuuru.’”

1 Samuweli 22:19

Aawiivatho amaki a oNobi, esidade ya asaserdoti* – asilopwana, asithiyana, anamwane, ooyariwa vaanaano, imombe, abuuru ni ikhondoolo.