Yeremiya 44:21 - Emakhuwa Bible

²¹ “Ankha Yave? Owo khanuupuwelela erubani* ehisiwe ni nyuwo musidadeni ya oYuda ni mmiseweni sa oYerusaleemu ni makholowaanyu, ni muloko wa mulaponi? Weeraka Owo khanuupuwela yeeyo?

Yeremiya 44:21 Iomraidhean Croise

1 Mamwene 17:18

Vano naamukhweli ole aamukoha Eliya: “Kootthekenleni mulopwana a Muluku? Murweenle va okuupuxera sootthekasaka ni omwiiva mwanaka?”

Icipo 79:8

Muhinithorihe niwoko na soottheka sa makholowaahu; ikhararisanyu siniphiyereke woowaakuveya, neenre niporora.

Yesaya 64:9

Ii! Yave, muhininyoonyeraxiwe; muhuupuwelelaxe sootthekasahu wa mahuku ootheene. Ii! Nimvekela weera muniwehe, niwoko hiyo ootheene nri mulokwaanyu.

Yeremiya 11:13

Ii! oYuda, nyuwo mookhalano miluku sincipale ntoko waatta wa mittetthesanyu ni waatta wa altaaraanyu* mwiitekenlaanyu weera munghisere erubani* mulukweene yoowo wa mwiikho Bahali*, ori ntoko waatta wa misewe sa oYerusaleemu.’

Yeremiya 14:10

Vano Yave oneera ha mwaha wa muloko ola: “Awosa ansivela oxoraxora; awosa khaangwehaweha weettawaya. Tivawo Yave ohingwaakhulelaawe; Owo vano onimuupuwelela soonanarasaya ni onimwaattaruxa niwoko na sootthekasaya.”

Yeremiya 32:32

Muloko wa oYixrayeli ni wa oYuda onnatannya isarasaka mwa soonanara sootheene ompakaaya – awosa, mamwenaaya ni ahoolelaaya, asaserdotaaya ni maprofeetaaya, atthu a oYuda ni amaki a oYerusaleemu.

Yeremiya 44:17

Ettiitthu nnoopaka sootheene nihimmaahu weera nnoopaka: nnoomuhisera erubani* pwiyamwene a wiirimu ni nnoomuyeehera soovaha sa soowura, ntoko nipankaahu hiyo, makholowaahu, mamwenaahu ni ahoolelaahu mmasidadeni sa oYuda ni mmiseweni sa oYerusaleemu. Ehuhuweene yeele naaruwera, naari ooweetteleya nnene nihihaawelaka etthu.

Yeremiya 44:20

Vano Yeremiya aaheerela muloko wootheene, okhuma alopwana mpaka asithiyana yaamwaakhula yoowo:

Yeremiya 44:9

Weeraka nyuwosa moottiwala sootakhala yaapankaaya makholowaayu ni mamwene a oYuda ni axaaraya, ni sootakhalasanyu mumpakaanyu vamoha ni axaarinyu mulaponi mwa oYuda ni mmiseweni sa oYerusaleemu?

Ezekiyeli 16:24

nyuwo mohiitekela altaari* vanttumuxani ni khula nipuwa ninkhalaxiwa mohiipakela mapuro oolapa oorakama.

Hoxeya 7:2

vaheera awosa khaansuwela weera Miyo kinuupuwelela mitekosaya soonanara sootheene. Sootthekasaya sinaamira; Miyo kinnoonoona.

Amosi 8:7

Yave aalipela mwaha wa wiixoona wa Yakobe: “Nkinttiwalaru yeeyo apankaaya.

Deuteronomiyo 32:19

Yave aahoona yeeyo, anaakhootta, niwoko aatannyiwa ni anamwanaawe asilopwana ni asithiyana.

Deuteronomiyo 32:34

Koothokorora itthu iyo kilipelelaka omuhakhuniwaka.

Ethupululo 16:19

Esidade etokotoko yaakawanyiwa mipatta miraru, ni isidade sa ilapo saamora. Muluku aamuupuwelela Babiloniya mutokweene ni aamvaha ekoomixi ya eviinyu ya isara sa isikulasawe.

Ethupululo 18:5

Vano, soottheka sa Babiloniya sohaandyeerereya mpaka wiirimu, ni Muluku ohuupuwelela sootakhalasawe.

1 Samuweli 15:3

Vano murowe ni mwaawaneno awAmaleki mphwataka soothesene siri sawaya. Muhimuurele mutthu; mwawiiveke asilopwana, asithiyana, anamwane, ooyariwa vaanaano, imombe, ikhondoolo, ikamelu* ni abuuru.’”