Yeremiya 44:2 - Emakhuwa Bible

² “Yave a ikuru sootheene, Muluku a oYixrayeli, oneera ha: Nyuwosa munimoona irisa sootheene Miyo kiruuhenlaaka oYerusaleemu wootheene ni wa isidade sootheene sa oYuda. Olelo iyo sooheleya nthala ni khasimakiwe,

Yeremiya 44:2 Iomraidhean Croise

2 Mamwene 21:13

Kinoopakela oYerusaleemu mooteene yoowo kipakenlaaka oSamariya ni omwene wa Ahabi. Kinoopuputta oYerusaleemu ntoko empuputteliwaaya esasaani, enapopheiwa weera yuume.

Okhuma 19:4

“Nyuwo mohoona yeeyo kaapakenlaaka awExipitu ni moota kookuxalaakani mmapuphani mwa xaaka ni kooruuhalaakani wa Miyo.

Yesaya 24:12

Esidade yoothatuwa milepe; maselaaya aapwexakasiwa.

Yesaya 6:11

Vano miyo kaamukoha: “Ii! Yave, mpaka yaakhani?” Ni Owo aakaakhula: “Mpaka isidade sineeraaya siheleye nthala woohimakiwamo, mpaka impa othaamiwa ni imatta oheleya nthala woomalela,

Yeremiya 25:11

Elapo yootheene ela enoothatuwa nthala noohiiwa ttewu, ni muloko ola onoolamuliwa ni mwene a oBabiloniya wa iyaakha miloko mithannamiili.

Yeremiya 34:22

Kinoolamulela, onghima Yave, ni kinimwaahokoloxera esidadeene yeela. Awosa anoowanano yeela, ni anoowina, ehiseke. Kinoopakiha weera isidade sa oYuda siheleye nthala ni sihimakiwe.”

Yeremiya 4:7

Mwatto ookhuma munyattanimwawe; namaphwata a miloko oovenya. Owo ookhuma munyattanimwawe weera aphwate elapwaanyu. Mittetthesanyu sinoohala ittuxoru soothaamiwa.

Yeremiya 44:22

Yave ahiweraka ovilelatho sootakhalasanyu ni ipakelo soohiirasanyu, elapwaanyu yoophwateya ni yoohiiwa ttewu, yoothatuwa nlapho ni kheemakiwe, ntoko onooneyaaya olelo.

Yeremiya 44:23

Yeereenle yeeyo niwoko moohisa erubani* ni moontthekela Yave, ni khamwiiwelenle maswaawe hata khamutthanre nlamulonawe, ikanosawe ni soolamulasawe. Tivawo yoomorenlaayani erisa ela, ntoko onooneyaaya olelo.”

Yeremiya 7:34

Kinoomalamaliha okhuwela wa ohakalala ni otteeliwa murima nitho masu a namatthomeriwa ni namatthomera mmittettheni sa oYuda ni mmiseweni sa oYerusaleemu, niwoko elapo ela enooheleya mathala.’”

Yeremiya 8:3

Ootheene ahalahanle a muloko owo anoothanla wiiviwa ohiya okhala ni okumi mmapuroni ootheene mwa weiwo kineeraaka kiwoomolele, onghima Yave a ikuru sootheene.’”

Yeremiya 9:11

“Kinootatuxa oYerusaleemu ittuxoru, nipuro ankhalaayawo akhwatte; ni kinoophwata mittetthe sa oYuda weera ehikhale eneera emakewo.”

Icipo Soolalamika 1:1

Moota eheleiyaaya nthala esidade, khalayi yaari yoosareiya atthu! Moota enlikanaaya ni naamukhweli mwa yeeyo khalayi yaari etokotoko eriyari ya miloko! Khalayi yaari pwiyamwene variyari wa ilapo sootheene, vano yoothatuwa epottha.

Icipo Soolalamika 1:16

Tivawo miyo kiniinlaaka; mmaithonimwaka esareiyeene maithori. Khawoworu onkaattamela weera akipembese, khawoworu onreherera okumaaka. Anamwanaaka khaanonoru oowaakosoopa, niwoko mwiittana oopwaherera owina.”

Icipo Soolalamika 5:18

Yeereenle hiiho niwoko mwaako Siyoni wooheleya nthala ni akhwatte aneetteetta mwemmo.

Daniyeli 9:12

Mookwanihera masu naalakeleliwaahu hiyo ni anamalamulaahu, muniruuhelaka erisa etokotoko. Mweelaponi moothemwene kheenapakiwe etthu ntoko epakingwe oYerusaleemu.

Levitiku 26:31

Kinoohiya isidadesanyu ittuxoru, kiphwataka mapurowaanyu ootteela, ni khookisiveliha wunkhela wa sooveleelasanyu.

Levitiku 26:43

Vano elapo enoothaamiwa ni yaawosa ni enookhalano iSaabadusaya ereene meekhaaya. Awosa animwaakhela nttaruxo na sootthekasaya niwoko yaahiya malamulowaaka ni yaaveiha ikanosaka.

Mikeyasi 3:12

Tivawo niwoko na nyuwosa, oSiyoni oneeraaya ottipuriwe ntoko ematta, oYerusaleemu onoothatuwa ettuxo, ni nttumuxa na Empa ya Muluku nnoosareya maphuwa.

Zakariya 1:6

Vaheera maswaaka ni ikanosaka mwa seiyo kaalamulenlaaka arumeiyaaka, maprofeeti, saahaaphwanya makholowaanyu. Vano yaakurunuxa mirimasaya yeeraka: ‘Yave a ikuru sootheene oonipakela yeeyo iphirosahu ni mitekosahu simphwanelaaya, ntoko aalakenlaawe opaka.’”

Deuteronomiyo 29:2

Moisesi aawiitthana aYixrayeli ootheene anaweerela: “Mwaahoona ni maithwaanyu sootheene Yave aampakenlaawe Farawu* wExipitu ni wa asitokweenaawe ni elapwaawe yootheene.

Yoxuwa 23:3

Nyuwosa asineenaanyu mohoona sootheene Yave Mulukwaanyu opakenlaawe miloko sootheene iyo ngwoosivelani nyuwosa; ti Yave Mulukwaanyu oowanenleni.