Yeremiya 40:5 - Emakhuwa Bible

⁵ Wa soothesene, Yeremiya ahinaaye orukunuwa weera apwahe, Nebuzaradani aamweerela: “Muhokoleele wa Gedaliya, mwaana mulopwana a Ahikami, mwaana mulopwana a Xafani, mwa yoowo mwene a oBabiloniya aamuthanlalaawe okhala guvernadori a isidade sa oYuda, ni mwakhale ni yoowo eriyari ya muloko, hoye hoye murowe nipuro nikina muneeraanyu mutthune.” Vano mutokweene a anakhotto aamvaha pooso ni yoovaha, anamuhiya arowaka.

Yeremiya 40:5 Iomraidhean Croise

2 Mamwene 22:12

Aamulamulela mutokweene a asaserdoti*, Hilikiya, Ahikami, mwaana mulopwana a Xafani, Akhebori, mwaana mulopwana a Mikaya, namalepa Xafani, ni namakhavihera a mwene, Asaya:

2 Mamwene 22:14

Musaserdoti* Hilikiya, Ahikami, Akhebori, Xafani ni Asaya yaarowa wuuluma ni mprofeeti muthiyana Huleda, aari mwaariye Xalumi, mwaana mulopwana a Tikeva, mwaana mulopwana a Harehasi, mutokweene a anamathokorora a ikuwo. Huleda aakhala muttetthe munyowani wa oYerusaleemu.

2 Nyaha 34:20

anamulamulela Hilikiya, Ahikami, mwaana mulopwana a Xafani, Abedoni, mwaana mulopwana a Mikaya, namalepa Xafani, ni Asaya, namakhavihera a mwene:

Ezera 7:27

Yave, Muluku a makholowaahu atthapeliwe, mwa Yoowo aamviriyenle mwene weera attittimihe moota ola Empa ya Yave oYerusaleemu.

Ezera 7:6

Vano Ezera owo aarweenle oBabiloniya. Aari namalepa aasuwelanxe nnenesene Nlamulo na Moisesi naavahiwe ni Yave, Muluku a aYixrayeli. Mwene aamvaha sootheene aavekenlaawe niwoko ntata na Yave Mulukwaawe naari mwa yoowo.

Nehemiya 1:11

Ii! Yave, Maaruwaanyu ewiriyaneke nivekelo na murumeiyaanyu ni mavekelo a arumeiyaanyu anoova Nsinananyu. Mweerihe weera murumeiyaanyu ola olelo arandeliwe nnenesene areereliwaka murima wa mwene.” Vano ehuhuweene yeele miyo kaari namarumeela a soowura a mwene.

Yobi 22:29

Asilopwana yaayevihiwaka ni mweera: ‘Ngweemexe,’ Muluku onimwaakhavihera yaawosa.

Masu a Miruku 16:7

Iphiro sa mutthu saamusivelaka Yave, Owo ompakiha weera mpaka amwiittanaawe ekhale mmuretteleni ni yoowo.

Masu a Miruku 21:1

Murima wa mwene onlikana ni mooloko ongwehawehiwa ni Yave; owo onimuhoolela weiwo ontthunaawewo.

Yeremiya 15:11

Yave aaheera: “Vekhaikhai, Miyo kinimoolipiherani mpuha, Yeremiya ni kinimookhaviherani. Vekhaikhai mweehuhuni ya erisa ni ya makacamiho kinoopakiha weera amwiittanaanyu yoodyoontteleleni.

Yeremiya 26:24

Vaheera Ahikami, mwaana mulopwana a Xafani aamukhapelela Yeremiya, ooceelihaka winnyereriwa wa muloko weera iiviwe.

Yeremiya 39:14

yaalamulela okhumihiwa Yeremiya vanipuwani na anamalipelela, enamwinnyerera Gedaliya, mwaana mulopwana a Ahikami, mwaana mulopwana a Xafani, weera emuronghe owannyawe. Hiiho, Yeremiya aapwaherera okhala eriyari ya mulokwaawe.

Yeremiya 40:4

Vaheera olelo miyo kinootapuxani moonyooroni otthunke matataanyu. Nyuwo mwatthuna, nrowe ni miyo oBabiloniya ni miyo kinimookosoopani; wasoothesene, mwaahitthuna muhaleke. Moone! Elapo yootheene eri ohoolowanyu; murowe onooreerelani.”

Yeremiya 41:1

Vano mmweerini wanaathannamiili, Yixmayeli, mwaana mulopwana aNetaniya, mwaana mulopwana a Elixama, aari a emusi ya emwene ni aari mmoha a asitokweene a mwene, aarowa wa Gedaliya, mwaana mulopwana a Ahikami, oMizepa, aarowanaka asilopwana muloko. Ecaaka vamoha,

Yeremiya 41:18

Yaatthuna owoopowa aBabiloniya. Yaamoova niwoko Yixmayeli, mwaana mulopwana a Netaniya, aamwiiva Gedaliya, mwaana mulopwana a Ahikami, mwa yoowo mwene a oBabiloniya aamuthanlalaawe okhala guvernadori a oYuda.

Yeremiya 41:2

Yixmayeli ni asilopwana muloko yaari ni yoowo yaaheemela, enamvulaliha ni ekatana Gedaliya, mwaana mulopwana a Xafani, amwiivaka yoole mwene a oBabiloniya aamuthanlalaawe okhala guvernadori a oYuda.

Miteko 27:3

Oxaawaya naaphiya oSidoni, ni Yuliyo, amooniheraka Pawulo murima wooreera, aamutthunihera weera akumane ni asinthamwenaawe weera awo emvahe soohaawelasawe.

Miteko 27:43

Vaheera kenturiyoni* aatthuna wuurela okumi wa Pawulo ni aawooceeliha opaka ovaanelawaya. Vano aahaalamulela yaawo yaawera orapela weera ekhumbwele toko mphareiyani mpatta wa mukerekhere.

Miteko 28:10

Awo yaanittittimiha vancipale, ni neeraka nipwahe, yaanivaha seiyo naahaawelaahu.

aHeberi 13:6

Hiiho ninoowera ohima ni nroromelo: “Apwiya ti ekhaviherowaaka, nkinoova. Anaawere okeeriha eheeni mutthu?”