Yeremiya 4:7 - Emakhuwa Bible

⁷ Mwatto ookhuma munyattanimwawe; namaphwata a miloko oovenya. Owo ookhuma munyattanimwawe weera aphwate elapwaanyu. Mittetthesanyu sinoohala ittuxoru soothaamiwa.

Yeremiya 4:7 Iomraidhean Croise

2 Mamwene 24:1

Moolamulani mwa Yehoyakini, Nebukadenezari, mwene a oBabiloniya, aakuxa elapo ya oYuda ni Yehoyakini aathatuwa oolamuliwa ni yoowo wa iyaakha tthaaru. Simanleene iyaakha tthaaru, Yehoyakini aaceendya soowuupuwelasawe, anamuvaanelela Nebukadenezari.

2 Mamwene 25:1

Vayaakhani yanaathannaaxexe ya olamula wa Zedekiya, vanihukuni nanaamuloko na mweeri wanaamuloko, Nebukadenezari, mwene a oBabiloniya, aarowa oYerusaleemu ni anakhottwaawe ootheene. Aakonenle ohoolo wa esidade anapaka soowelelano exiri.

Yesaya 1:7

elapwaanyu yoophwatiwa; isidadesanyu soohisiwa ni mooro; imattasanyu soohuhuliwa ni anamarwa vamaithoniwanyu; siphwatiwaka ntoko sinkuxiwaaya ni anamarwa.

Yesaya 5:9

Yave a ikuru sootheene aakeerela: “Vekhaikhai, impa sincipale sinoothaamiwa; impasene sooreera ni sitokotoko khasikhaliwa.

Yesaya 6:11

Vano miyo kaamukoha: “Ii! Yave, mpaka yaakhani?” Ni Owo aakaakhula: “Mpaka isidade sineeraaya siheleye nthala woohimakiwamo, mpaka impa othaamiwa ni imatta oheleya nthala woomalela,

Yeremiya 2:15

Amwatto anootturumela ekongelaka ohoolowaya; elapwaaya yaahiiwa ttewu; isidadesaya sooheleya nthala, soothaamiwa woomalela.

Yeremiya 22:6

Vano yeeyo Yave ohimmaawe mwaha wa empa ya emwene ya oYuda ti ela: “Murookikhalelaru ntoko oGileyade, ntoko ethoka ya oLebaboni, vekhaikhai kinimoopakelani ntoko nikare, ntoko mittetthe soohimakiwaru.

Yeremiya 22:7

Kinimoorumihelani anamaphwata, khula mutthu a yaawo ni ikapwitthisawe ni awosa animuuha nyirisanyu sa esidari* sooreerela, evonyereke vayikho.

Yeremiya 25:38

Owo omvenya munikhukunimwawe ntoko mwatto; elapwaaya yoohuhuleya niwoko na ekatana ya namahooxa ni mooro wa isara sa Yave.

Yeremiya 25:9

kinimwiitthana miloko sootheene sa ottuttuwani ni murumeiyaaka Nebukadenezari, mwene a oBabiloniya,” onghima Yave. “Kinooruuha weera siwaneno elapo ela, amakaaya ni miloko sootheene soorukureenreni. Miyo kinimoophwatani woomalela ni kinimookhalihani moopopihero, otthebwiwa, ni oheleya nthala woohimala.

Yeremiya 26:9

Heeni nyuwo muthalihenraanyu otthuna wa Muluku mwa Nsina na Yave muhimaka weera Empa ya Muluku ela enookhala ntoko oSilo ni weera esidade ela enoophwatiwa ehiiweke?” Ni muloko wootheene waamurica Yeremiya Mpaani mwa Yave.

Yeremiya 27:8

Wa soothesene, muloko hoye hoye omwene oneera ohimwiiwelele Nebukadenezari, mwene a oBabiloniya, naari ohiware nivatta noolemela muxikomwawe, Miyo kinoottaruxa muloko owo ni ekhotto, etala ni nihooxo, oneera Yave, ni mwa yoowo kinoophwata woomalela.

Yeremiya 33:10

Yave oneera ha: ‘Nyuwosa muneera weera nipuro nna nooheleya nthala, ni khanikhaliwa atthu naari axinama. Wasoothesene, mmasidadeni sa oYuda ni mmiseweni sa oYerusaleemu, siheleiye nthala soohimakiwa atthu naari axinama, animwiiwiwatho

Yeremiya 34:22

Kinoolamulela, onghima Yave, ni kinimwaahokoloxera esidadeene yeela. Awosa anoowanano yeela, ni anoowina, ehiseke. Kinoopakiha weera isidade sa oYuda siheleye nthala ni sihimakiwe.”

Yeremiya 4:29

Woowiiwa oruma wa anamweettiha ikavalu* ni anamuupa, amaki a mittetthe sootheene antthawa. Amaki akina a yaawo amvolowa mmaphuwani, akinaawo antthawela mmakhukuni. Mittetthe sootheene singhala soothaamiweene; khawowo onkhalamo.

Yeremiya 44:2

“Yave a ikuru sootheene, Muluku a oYixrayeli, oneera ha: Nyuwosa munimoona irisa sootheene Miyo kiruuhenlaaka oYerusaleemu wootheene ni wa isidade sootheene sa oYuda. Olelo iyo sooheleya nthala ni khasimakiwe,

Yeremiya 46:18

Kinlipela mwa okumaaka,” onghima Mwene, mwa Yoowo Nsinanawe Yave a ikuru sootheene, “Mmoha onimoorwa ntoko Tabori eriyari ya nyaako, aani ntoko Karemeli ophareiya.

Yeremiya 49:19

Ntoko mwatto omvolowa ntuphini na Yordanu arowoka moocaani moosareya malaxi, wootutuxereya Miyo kinoomulupattha Edomi kimoomolaka mulaponimwawe. Oothanliwa heeni kineeraaka kimurume yeeyo? Taani ori ntoko Miyo anaawere okipakela mpikisaano? Ni mukukhuli heeni anaawere okiwanano?”

Yeremiya 5:6

Tivawo mwatto a moothakoni aneeraawe aakarawele, mwiici wa munikareni onimwaaluma, havara onoowiipithela mukhwipi mwa mittetthesaya weera amunyaanye akhalaru mutthu aneera akhumemo, niwoko ovaanyawaya ti otokotoko ni soohapuwasaya ti sincipale.

Yeremiya 50:17

Yixrayeli muhuwo woomwaraxiwa, woomoliwe ni amwatto. Opacenre omunyaanya aari mwene a wAsiriya; oomalihera opwexakasa makhuvaaya aari Nebukadenezari, mwene a oBabiloniya.”

Yeremiya 50:44

Miyo kinoolupattha oBabiloniya wootutuxereya ntoko mwatto onkhuma mutuphini na oYordanu arowaka omunyepuni wooreerela, iirakamelihaka elapwaawe. Oothanliwa heeni kineeraaka kimurume yeeyo? Taani onlikana ni Miyo ongwera okipakela mpikisaano? Khawowo mukukhuli anaawere okiwanano.”

Yeremiya 8:16

Otturuma wa ikavalu* sa amwiittana onimwiiwanyeya okhuma oDani; woowiiwa oruma wa mikhittosaya elapo yootheene enootetereya. Awosa yaarweenle onyaanya elapo ela ni sootheene siri mwemmo, esidade ela ni amakaaya.”

Yeremiya 9:11

“Kinootatuxa oYerusaleemu ittuxoru, nipuro ankhalaayawo akhwatte; ni kinoophwata mittetthe sa oYuda weera ehikhale eneera emakewo.”

Ezekiyeli 12:20

Isidade simakingwe sinoophwatiwa ni elapo enoothaamiwa. Hiiho nyuwosa munoosuwela weera Miyo ti Yave.’”

Ezekiyeli 21:31

Kinimooyeeherasani isarasaka, kinoowiiseelelasani onyoonyiwawaka woowuupaxa Miyo kinoowinnyererasani mmatatani mwa atthu oopuhera, mwa yaawo akhovelenle ophwata.

Ezekiyeli 32:2

“Mwaana a mutthu, mmwiipele Farawu*, mwene a wExipitu ecipo ya olalamika, ni mmweerele: ‘Nyuwo muri ntoko mwatto eriyari ya miloko, ntoko enowa yoowoopihaxa ya moowiixera, enyoongolowaka mmaxaapwanimwanyu, etekumihaka maahi ni yiihelaka nttoko ni inaawosanyu.

Daniyeli 5:19

Niwoko na otokweene Muluku aavanghaawe, miloko sootheene sa elapo ya vathi ni atthu a muulumo ootheene yaamoovaxa. Yaale mwene aatthunnaawe owiiva, aangwiiva ni yaale aatthunaawe owuurela, aangwuurela; yaale aatthunaawe waakhaliha mapuro oottittimiheya, aamwaakhaliha ni yaale aatthunaawe waayeviha aamwaayeviha.

Daniyeli 7:4

Oopacera aari ntoko mwatto akhalanaka mapupha a xaaka. Kaaweha mpaka mapuphaawe yaavasuliwa ni owo aaheemexiwa vathi moota wooweera aaheemela nyetto miili ntoko mutthu, anaakhela murima wa mutthu.

Levitiku 26:31

Kinoohiya isidadesanyu ittuxoru, kiphwataka mapurowaanyu ootteela, ni khookisiveliha wunkhela wa sooveleelasanyu.

Levitiku 26:33

Kinimoomwaraxelani variyari wa miloko ni kinimootheteelani ekatanaaka. Elapwaanyu enoothaamiwa ni isidadesanyu sinookhala ittuxoru.