Yeremiya 4:28 - Emakhuwa Bible

²⁸ Tivawo elapo eneeraaya elalamike ni erimu enooriipihana niwoko kohuuluma ni nkirwa kiceendya; koolakela ni nkirwa kihokolowa.”

Yeremiya 4:28 Iomraidhean Croise

Yesaya 24:4

Elapo ennuuma, enanyaala; elapo ya vathi ennayavayava, enanyaala. Asitokweene a elapo ya vathi amporora.

Yesaya 34:4

Ithenyeeri sa wiirimu sinoolakaseya ni irimu sinoovitikeya ntoko buukhu a khalayi; anakhotto ootheene a wiirimu anoomora ntoko makukhu oowuuma a evideira* ni a efiigu.

Yesaya 5:30

Nihuku nenenenno awosa anootturumela oYuda ntoko oruma wa ephareiya. Mukina aweha elapo ya oYixrayeli, onimoona epiphi ni othanana; mpaka waara wa othana onimwiilihiwa ni mahutte.

Yesaya 50:3

Kiniilihiha erimu ni kinkhuneelano esaakho yoolalamika.”

Yeremiya 12:11

Eyo aapaka elapo yoophwatiwa, yoowuumelela ni yoothaamiwa vamaithoniwaka; elapo yootheene yoophwatiwa, mene khawowo ompwatthela.

Yeremiya 12:4

Mpaka yaakhani elapo yiinanelaka ni malaxi a ntuphini enyaalaka? Axinama ni ipalame aaphwatiwa niwoko amaki a elapo aasareya otakhala. Ohiya toko yeeyo – atthu aneera: “Owo khoona ommaleloniwahu.”

Yeremiya 14:2

“oYuda onlalamika ni isidadesaya simporora; amakaaya aniilalamikela yuuramenleene vathi ni okhuwelaxiwa ongweela oYerusaleemu.

Yeremiya 23:10

Elapo yoosareya anamararuwa; niwoko na nlapho elapo eri yoowuumelela ni moocihamo mwa munikareni woonyaala. Maprofeeti antthara ephiro yoonanara evarelaka muteko ikurusaya moota woohiroromeleya.

Yeremiya 23:20

Isara sa Yave khasisusa mpaka Owo aneeraawe akwanihere soolakelasawe. Mmahukuni a muhoolo nyuwo munimwiiwexexa.

Yeremiya 30:24

Isara sa Yave khasisusa mpaka Owo aneeraawe akwanihere yoolakelaawe. Mmahukuni a muhoolo nyuwosa munimwiiwexexa yeeyo.

Yeremiya 51:12

Mweemexe eneneero yoowanano oBabiloniya! Ngwaandyeerere anamalipelela! Mwaathate masintinela! Mwiirehererele owana! Yave onookwanihera yoovaanelaawe, yeeyo yoopopinghe opakeliwa amaki a oBabiloniya.

Yeremiya 7:16

“Ni nyuwo, Yeremiya, muhivekelele muloko ola naari muhidyoonttelele mwaha wa yoowo; muhikidyoonttelele, niwoko nkirwa kiwiiwaani.

Icipo Soolalamika 2:17

Yave oopaka yeeyo aavaanenlaawe; ookwanihera maswaawe aalaleiyaawe khalayi. Ahoophwata, ahimorelaka ikharari ni ootthunihera weera mwiittana ootthebwe, ohunnuwiha ikuru sa amwiittanaawo.

Ezekiyeli 24:14

Miyo, Yave, kohuuluma. Yoophiyera ehuhu kineeraaka kivare muteko. Nkikhurunuwa; nkimorela ikharari, hata nkihiyerera. Nyuwo mmwithorihiwe ottharihiwaka mweettelowaanyu ni mitekosanyu, onghima Yave onlamula sootheene.’ ”

Hoxeya 13:14

Miyo kinoowoopola moowerani mwa nihiye; Miyo kinimwaavuluxa mwa okhwa. Ii! Okhwa, mahooxowaanyu ari woowi? Ii! Nihiye, ori woowi ophwatawanyu? Nkinoomorelani ikharari,

Hoxeya 4:3

Tivawo elapo enlalamikaaya, ni amakaaya ootheene anoondaaya; axinama a ntuphini, ipalame sa wiirimu ni ihopa sa mphareiya sinnikhwa.

Yoweli 1:10

Imatta soophwatiwa ni etthaya yohuumelela; etrigu yoohononiwa; eviinyu enyowani yoomala ni makhura aathowa.

Zakariya 8:14

Yave a ikuru sootheene oneera ha: ‘Mooteene yoowo kaalakenlaaka woottaruxani kihoomorelakani ikharari ehuhuweene yeele makholowaanyu yaakinyoonyihalaaya,’ onghima Yave a ikuru sootheene,

Nuumeru 23:19

Muluku khanootha ntoko atthu; khanceendya soowuupuwelasawe ntoko ompakaaya omutthu. Yeeyo onghimaawe enookhumelela, ni yeeyo onroromelihaawe enookwanihereya.

Matheyo 27:45

Yaakhala epiphi mweelaponi yootheene wa iwoora tthaaru okhuma nsuwa vamuru.

Marku 15:33

Okhuma nsuwa vamuru yaakhala epiphi mweelaponi yootheene wookwana iwoora tthaaru.

Luuka 23:44

Yaari wookwanaka ewoora ya ophiya nsuwa vamuru, ni epiphi yaakhuneela elapo ya vathi yootheene wa iwoora tthaaru.

awEfeso 1:11

Mwa Yoowo nithanliwe ehinaaye ehuhu mwaha wa soovaanela sa Yoowo ompaka itthu sootheene ntoko otthuna wa murimaawe

awEfeso 1:9

Aanisuweliha ntikhinelo na otthunawawe niwoko na oreerawawe murima Owo oonihenraawe mwa Kristu,

aHeberi 7:21

mene Owo oothatuwa Musaserdoti* ni nlipelo Muluku aamweerenlaawe: “Apwiya aalipela ni kheerwa eceendya olakelawaya: Nyuwo ti musaserdoti* oohimala.”

Ethupululo 6:12

Kaahoona Eyo yaahunlaaya ewalelo* yanaathannamosa. Waakhumelela otetereya otokotoko. Nsuwa naariipa ntoko makhala oohisiwa; mweeri waaxeera ntoko ephome,

1 Samuweli 15:29

Yoole ori Ovuwa wa oYixrayeli khanootha hata khanceendya soowuupuwelasawe niwoko khahiyono mulopwana ooceendyaceendya.”