Yeremiya 4:19 - Emakhuwa Bible

¹⁹ Ii! Othananawaka, othananawaka! Kinnathukumela ni ovoreya! Ii! Exiri ya murimaaka! Murimaaka onnakitthimaka ni nkingwera omaala. Niwoko kohiiwa oruma wa nipalapatta; kohiiwa okhuweliwa wa ekhotto.

Yeremiya 4:19 Iomraidhean Croise

Epacerero 49:6

Nkintthuna ovolowa anthukumanaayawo! Kihiyeke weera kihikhale mpatta wa ediyanxaaya, niwoko musaranimwaya yaawiiva atthu ni yaahintaka mapita a imombe mwayiini.

2 Mamwene 4:19

Wootutuxereya aapacera owiitthana atithawe akhuwelaka: “Muruwaaka! Muruwaaka!” Atithawe yaamweerela murumeiyi mmoha: “Omuronghe wa amayawe.”

2 Mamwene 8:11

Elixa aangwehexexa Hazayeli ahimuhuluwaka mpaka Hazayeli wuuliwa muru. Vano mulopwana a Muluku aapacera wiinla.

Icipo 103:1

Ii! Okumaaka, munttottopele Yave; okumaaka wootheene, muttottopele Nsinanawe Nootteela!

Icipo 116:7

Ii! Okumaaka, mwiitthuuwe, niwoko Yave oowooniherani murimaawe wooreera.

Icipo 119:136

Nkimmaala wiinla, niwoko Nlamulonanyu khanneetteliwa.

Icipo 119:53

Wookitepela onyoonyiwa niwoko na atakhali, mwa yaawo akhoontte malamulowaanyu.

Icipo 146:1

Munttottopele Yave. Ii! Okumaaka, munttottopele Yave.

Icipo 16:2

Kimmweerela Yave: “Nyuwo ti Pwiiyaaka; nkinonoru yooreera muhikhanle Nyuwo.”

Yesaya 15:5

Murimaaka oniinlela oMowabe; anamatthawaaya antthawela mpaka oZowari ni mpaka wEgelati Xeliya. Awosa anrowa mpatta wa oLuhiti yiinlaka mphironimwaya; mmuseweni mwa oHoronayimi anlalamikela ophwatiwawaya.

Yesaya 16:11

Murimaaka onlalamikela oMowabe ntoko makita ni okumaaka onghihimerela oKiri Hareseti.

Yesaya 21:3

Vahoolowaya kaathananiheya; kaavoreiwa ntoko muthiyana ayaraka; kooriipiwa murima ni yeeyo kiiwalaaka; nkinono masu niwoko na yeeyo koonnaaka.

Yesaya 21:4

Murimaaka onthukumela; woova wookivara; wiilawene weiwo kaawehereraaka woothatuwa woovaxa wa miyo.

Yesaya 22:4

Tivawo keenraaka: “Mususe wa miyo, mukihiye kiixiinlele. Muheerere okipepesa niwoko na ophwatiwa wa mulokwaaka.”

Yeremiya 13:17

Mene nyuwo mwaahiiwa, kinimwiinla muxiirini niwoko na wiixoonawanyu. Kinimwiinlaxa ni maithwaaka anoosareya maithori, niwoko muhuwo wa Yave onooronghiwa wootthukiwani.

Yeremiya 20:9

Vaheera miyo keera: “Nkimuromolatho hata nkuuluma mwa Nsinananyu,” maswaanyu anlikana mooro ovarelaka mmurimanimwaka; mooro mpuwa mwa makhuvaaka. Miyo kookhulumuwa niwoko na yeeyo; nkingwera opwaherera moota hiiho.

Yeremiya 23:9

Mwaha wa maprofeeti: Murima wookiriipa; makhuvaaka anthukumela. Miyo kiri ntoko namuhapaliwa, ntoko mulopwana omucorweenle owura niwoko na Yave ni maswaawe ootteela.

Yeremiya 4:21

Mpaka yaakhani kintthuneyaaka woona eneneero ya ekhotto ni wiipiwa wa nipalapatta?

Yeremiya 4:5

“Vano mulaleiye ha oYuda ni oYerusaleemu: ‘Mwiipele nipalapatta mweelaponi yootheene!’ Mwiinle ni nsu ntokotoko, mweeraka: ‘Muthukumane, nitthawele isidade soolipihiwa!’

Yeremiya 42:14

ni mweera: ‘Hoye, hiyo ninkela wExipitu, weiwo nneeraahu nihoone ekhotto naari nihiiwe oruma wa nipalapatta, hata etala,’

Yeremiya 49:2

Vanonto, vekhaikhai anoophiyera mahuku,” onghima Yave, “kineeraaka kirumihihele okhuweliwa wa ekhotto oRaba ankhalaayawo awAmoni; eyo enookhala ittuxo sa mathala, ni mittetthe sa mukhwipimwaya sinoohisiwa. Vano aYixrayeli anoowoomola yaale yaawoomonle,” oneera Yave.

Yeremiya 50:22

Wookhala oruma wa owaniwa mulaponi; ophwata otokotoko!

Yeremiya 6:24

Nohiiwa ihaali sa yaawosa ni matataahu aanilosowa. Woova woonivara, ovoreya ntoko wa muthiyana ongyara.

Yeremiya 8:18

Othanana wookivara; murimaaka woovalavelaxa.

Yeremiya 8:21

Weenre mulokwaaka ovulalihiwa, miyotho koovulalaxa; kinnalamikaxa ni koothananaxa.

Yeremiya 9:1

Ii! Muruwaaka waari naatuuttu a maahi ni maitwaaka ehime ya maithori! Vano kaamwiinla ohiyu ni othana niwoko na okhwa wa mulokwaaka.

Yeremiya 9:10

Kinimwiinla, kinimwiikhupanyera ni kinoolalamikela nyaako niwoko na moocihamo weenre othaamiwamo ni khaawowo amviramo. Khooniiwanyeya onyakula wa mihuwo; ipalame sa wiirimu sootthawa ni axinama aalakaseya.

Icipo Soolalamika 1:16

Tivawo miyo kiniinlaaka; mmaithonimwaka esareiyeene maithori. Khawoworu onkaattamela weera akipembese, khawoworu onreherera okumaaka. Anamwanaaka khaanonoru oowaakosoopa, niwoko mwiittana oopwaherera owina.”

Icipo Soolalamika 1:20

Yave, moone moota kithanannaaka! Koohooxeya mpuwa wa murimaaka ni kooriipiwa murima niwoko kootepaxa ovaanya. Mmuseweni, ootheene annyaanyiwa ni ekatana; mpuwa ori okhwa paahi.

Icipo Soolalamika 2:11

Maithwaaka aakhulumuwa wiinla, munepaaka woohasuwa, murimaaka wookiriipaxa, niwoko mulokwaaka woophwatiwa ni amiravo ni anamwane ankomokela mmiseweni sa musidade.

Daniyeli 4:19

Vano Daniyeli (iitthaniwatho Beltexazari) aatikhinihiwaxa wa ehuhu ekina ni soowuupuwelasawe samoopopiha. Vanonto mwene aamweerela: “Beltexazari, muhihiye yooloha naari etaphulelowaaya ewoopopihakani.” Daniyeli aamwaakhula: “Pwiiyaaka, waari weera yooloha ela yaaweereela amwiittanaanyu ni etaphulelowaaya awananinyu!

Daniyeli 7:15

“Miyo, Daniyeli, kaariipiwa murima ni nyoonelo saavinre mmuupuwelonimwaka saakivalaveliha.

Daniyeli 7:28

Ela emalihero ya moonelo. Miyo, Daniyeli kaathananaxa niwoko na soowuupuwelasaka ni ekhovaaka yaakimora, mene kaathokorora itthu iya vamurimani.”

Daniyeli 8:27

Miyo Daniyeli kaakhulumuwaxa, kinavoreiwa mahuku makina. Vahoolowaya kaavenya, kinapwaherera omurumeela mwene. Kaatuthuwa mwaha wa moonelo ole; nkiiwexexa etaphulelowaaya.

Amosi 3:6

Nipalapatta naarumaka musidade, muloko khoonthukumela? Enimweereya erisa musidade Yave ahilamulenle?

Habakuki 3:16

Kohiiwa ni murimaaka woosareya woova; eyanowaaka yaathukumela; ophwata waakitteengula ni nyettosaka saaveveleya. Hata hiiho kinooweherera ni ovilela nihuku noowuuliha muru nneera niphiyere muloko onniwanano.

Nuumeru 10:9

Mwaavolowaka mukhottoni mulaponimwanyu, mungwananaka mwiittana anoohasuleni mwiipe mapalapatta. Vano Yave, Mulukwaanyu, onoowuupuwelelani ni onimootapuxani mwa amwiittanaanyu.

aRooma 10:1

Axunnaka, ohaawela wa murimaaka ni nivekelonaka wa Muluku mwaha wa aYixrayeli, ti weera awo evuluxiwe.

1 aKorinto 14:8

Ohiya toko yeeyo, nipalapatta naahiruma nnenesene, taani aneera iireherere weera arowe okhottoni?

aGalata 4:19

Anamwanaaka, miyo kinnahaawatho ovoreiya wa oyara niwoko na nyuwo mpaka Kristu aneeraawe apakeye mwa nyuwo.

Ahooleli 5:21

Mooloko Kixoni waahaakumburula, aani, mooloko wa khalayi, Kixoni. Weette woolipeene okumaaka!