Yeremiya 4:16 - Emakhuwa Bible

¹⁶ “Muleele yeeyo miloko; mulaleiye yeeyo oYerusaleemu: ‘Anakhotto anamarica anrweela mulaponi ya ottai, ekhuwelelaka ekhotto wa isidade sa oYuda.

Yeremiya 4:16 Iomraidhean Croise

Yesaya 34:1

Murweeke, nyuwosa miloko ni mwiiwe, mwiiwe nnenesene miloko nyuwosa! Elapo yiiwe ni sootheene sirimo; elapo ya vathi ni sooruwerasaya!

Yesaya 39:3

Vanonto mprofeeti Yesaya aarowa wa mwene Hizekiya, anamukoha: “Ahimaleni asilopwana awo yoorweenleni ni ankhuma woowi?” Hizekiya aamwaakhula: “Ankhumelela elapo yoorakamela ya oBabiloniya.” Yaarweenle okixekura.

Yeremiya 1:15

Miyo kinlattula miloko sootheene sa imwene sa ottuttuwani,” onghima Yave. “Mamwene animoowa, yiikaathiki ihicesaya sa emwene vamilako sa oYerusaleemu. Anoowanano ixirisaya sootheene sirince ni mittetthe sootheene sa oYuda.

Yeremiya 16:6

“Okhuma maneethi mpaka asikhaani animookhwa mweelaponi ela. Awosa kheevithasiwa naari kheelalamikeliwa ni khaawo aneera iipophe naari ametthe mwaha wa yaawosa.

Yeremiya 2:15

Amwatto anootturumela ekongelaka ohoolowaya; elapwaaya yaahiiwa ttewu; isidadesaya sooheleya nthala, soothaamiwa woomalela.

Yeremiya 31:10

Ii! Miloko, mwiiwe masu a Yave, ni mulaleiye mucirumbani soorakamela: ‘Yoole aamwaranxe aYixrayeli onimwaathukumanyiha ni, onoowehaweha muhuwaawe ntoko mukukhuli.’

Yeremiya 39:1

Yerusaleemu aakuxiwe ha: Muyaakhani yanaathannaaxexe moolamulani wa Zedekiya, mwene a oYuda, mmweerini wanaamuloko, Nebukadenezari, mwene a oBabiloniya, aamvenyera Yerusaleemu ni anakhottwaawe enamurica.

Yeremiya 4:17

Awosa anrica oYerusaleemu ntoko asilopwana anlipelelaaya ematta, niwoko esidade eyo yookivaanya Miyo,’ ” onghima Yave.

Yeremiya 5:15

Ii! Ipuumba sa oYixrayeli,” onghima Yave, “kinooruuhelani muloko wa ottai weera woowananeni – muloko wa khalayi ni woohiwineya, mwa yoowo muhisuwenlaanyu nuulumonaya hata muhiniiwexexaanyu onghimaaya.

Yeremiya 5:6

Tivawo mwatto a moothakoni aneeraawe aakarawele, mwiici wa munikareni onimwaaluma, havara onoowiipithela mukhwipi mwa mittetthesaya weera amunyaanye akhalaru mutthu aneera akhumemo, niwoko ovaanyawaya ti otokotoko ni soohapuwasaya ti sincipale.

Yeremiya 50:2

“Muhime ni mulaleiye eriyari ya miloko, mweemexe eneneero ni mulaleiye; muhikhuweru. Mweere: ‘oBabiloniya woowiniwa; Beli ooyevihiwa, Marduki ootteenguwa. Icaambulo sa aBabiloniya sooyevihiwa ni milukusaya sootteenguwa.’

Yeremiya 6:18

Tivawo, mwiiwe miloko ni moone anamoona, yeeyo eneera yaakhumelele yaawo.

Yeremiya 6:19

Ii! Elapo ya vathi, mwiiwe: Kinooruuhela muloko ola erisa, soowiima sa soovaanelasaya, niwoko khoopwantthe maswaaka, okhoottaka Nlamulonaka.

Yeremiya 6:22

Yave oneera ha: “Moone, anakhotto ancipale anrweela elapo ya mpatta wa ottuttuwani; muloko mutokotoko onrehereriwa okhuma ekotenle elapo.

Yeremiya 6:23

Awosa avarenle nyuupa ni mavaka; ti a murima woowuumaxa ni khaammorelaru ikharari. Yeettihaka ikavalusaya*, orumawaya onlikana oruma otokotoko wa ephareiya; awosa anrwa ethataanenleene owana ni nyuwo, mwaana muthiyana a oSiyoni.”

Yeremiya 8:19

Mwiiwe okhuwela wa mulokwaaka mweelaponi ya ottai: “Yave khakhanle oSiyoni? Mwenaaya khamphwanyaneyawo?” Vano Yave aahaakhula: “Heeni awosa atannyalaaya isarasaka ni icaambulosaya ni milukusaya soohimuteko sa anamarwa?“

Ezekiyeli 21:22

Muntatanimwawe noolopwana, anaathanleliwe Yerusaleemu, mwa weiwo aneeraawe arehererele ikaruma soottiittano ixiri, alamulele opakiwa noomala, alamule munyakunyaku wa ekhotto, iikaatheriwe ikaruma soottiittano ixiri sa esidade, epakiwe yooricano ni atekeliwe ikaaro sookurumulela ixiri sirukureenre.