Yeremiya 4:14 - Emakhuwa Bible

¹⁴ Ii oYerusaleemu! Mukatthe soonanara siri mmurimanimwanyu ni mvulixiwe! Mpaka yaakhani muneeraanyu mukhaleno soowuupuwela soonanara?

Yeremiya 4:14 Iomraidhean Croise

Icipo 119:113

Kinimuthanya namvara piili-piili, mene kinsivela Nlamulonanyu.

Icipo 51:2

Mukirapihe wa soonanarasaka sootheene ni mukitteelihe wa sootthekasaka.

Icipo 66:18

Kaathokoronre soottheka mmurimanimwaka, Yave khaakiiwa.

Masu a Miruku 1:22

“Nyuwosa muhisuwenle opaka yooreera, mpaka yaakhani muneeraanyu mpwaherere ni ohisuwelawanyu? Nyuwosa anamatthebwa, mpaka yaakhani muneeraanyu muhakalalele otthebwawanyu? Ni nyuwosa alolo, mpaka yaakhani muneeraanyu muhoonele esuwelo?

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Yeremiya 13:27

Miyo kohoona mitekosanyu sa mwiikho, oraruwawanyu ni soohaawelasanyu soonanara, soopuutasanyu sohuuliheya muru mmattumuxani ni mmatta. Ii! Wa nyuwo, oYerusaleemu! Mpaka yaakhani muneeraanyu mpwaherere okhala oohitteela?”

Yeremiya 17:1

“Yoottheka ya oYuda yoolempwa ni ikaruma sa eyuuma; yoolempwa ni elaapixi yoolipaxa vatthaabwani sa mirimasaya ni mmanyakani mwa altaaraaya*.

Yeremiya 18:11

Vano mwaaleele atthu a oYuda ni yaale amanke oYerusaleemu: Yave oneera ha: ‘Moone, kinreherera erisa ni woovaanelelani. Tivawo, muhiye iphirosanyu soonanara ni muceendye mweettelowaanyu ni mitekosanyu.’”

Yeremiya 2:22

Naari nyuwo mwiirapihaka ni muthiikila ni sabawu mwincipale, malepa a yootakhalaanyu anoopwaherera ohoolowaka,” onghima Yave onlamula soothesene.

Yeremiya 6:19

Ii! Elapo ya vathi, mwiiwe: Kinooruuhela muloko ola erisa, soowiima sa soovaanelasaya, niwoko khoopwantthe maswaaka, okhoottaka Nlamulonaka.

Ezekiyeli 18:31

Mwiitapuxe mwa soonanara sootheene mpankaanyu, ni mphwanye murima munyowani ni munepa munyowani. Ii! Muloko wa oYixrayeli, mmwikhweleni?

Zakariya 8:17

Muhimuvaanelele yoonanara mwaattamanaanyu hata muhisivele olipela moota woowootha. Miyo kinthanya itthu sootheene iya,’ onghima Yave.

Matheyo 12:33

Muupuwele: mwiri wooreera oniima soowiima sooreera, ni mwiri woonanara oniima soowiima soonanara. Vano, mwiri onsuweliwa ni soowiimasaya.

Luuka 11:39

Vano Apwiya yaamweerela: “Nyuwo aFarisi* munrapiha omokoni wa ekoomixi ni wa esasaani, mpuwatho moosareya ohaawela mihakhu ni onanara.

Yohaane 13:9

Simeyoni Pedru aamwaakhula: “Vano Apwiya, khasihiyono paahi inaawosaka, menetho matataaka nitho muruwaaka.”

Miteko 8:22

Murukunxe murimaanyu wa yoonarara ela ni mwaavekele Apwiya. Apaale awo eniyooleveleleni wuupuwela wu mmurimanimwanyu,

aRooma 1:21

Vano, emusuwelaka Muluku, khayaamvuwihale ntoko Muluku, hata khayaamutthapenle, mene soowuupuwelasaya saathatuwa sa siiyo, ni mirimasaya sa ololo saathatuwa epiphi.

1 aKorinto 3:20

Nitho: “Apwiya ansuwela weera soowuupuwela sa asuweli siri sa ethiru.”

Yakobe 4:8

Mmwaattamele Muluku ni Owo anaawaattameleni. Munyawe matataanyu, anamattheka, ni mutteelihe mirimasanyu, nyuwo murino soowuupuwela sookawanyeya!