Yeremiya 4:13 - Emakhuwa Bible

¹³ Moone, Owo ongwa ntoko mahutte; ikaarosawe sa ekhotto sinrwa ntoko eyuupuru, ikavalusawe* soowaaluwaxa ompwaha xaaka. Ii! Wa hiyo! Hiyo nooriheya!

Yeremiya 4:13 Iomraidhean Croise

2 Samuweli 1:23

Sawuli ni Yonatani – mookuminimwaya yaari oosiveleya ni mookhwaanimwaya khayaamwalamwaxiwe. Yaari oowaaluwaxa waapwaha axaaka ni oolipaxa oowaapwaha amwatto.

Yesaya 13:5

Awosa anrweela mweelaponi sa ottai; ekotenle erimu – Yave ni ikapwitthi sa isarasawe – weera aphwate mwa yaawo elapo yootheene.

Yesaya 19:1

Masu mwaha wa wExipitu ti ala: “Moone, Yave oneetta munihutteni noowaakuveya ninrowa wExipitu. Miluku soolokottha sa wExipitu sinthukumela ohoolowawe ni mirima sa awExipitu simporora.

Yesaya 3:8

oYerusaleemu onooveveleya; oYuda ohanle vakhaani omora; maswaaya ni mitekosaya nsiniiwanana ni Yave, siramusaka okhalawawe woovuwa.

Yesaya 5:28

Nyuupasaya siri soowiitha ni nyuura sootheene siri sootupa; mapita a ikavalusaya* ari oolipa ntoko maluku ni mareko a ikaarosaya ntoko eyuupuru.

Yesaya 66:15

Moone, Yave ongwa ni mooro ni ikaarosawe sa ikavalu* siri ntoko eyuupuru. Onooruuhela vathi onyoonyiwawawe ni isara ni ohiihawawe ni malumi a mooro.

Yeremiya 10:19

Maayi miyo! Koovulala! Nikhwattanaka ti nankoxo. Wa soothesene kohiixeerela: “Ela ti ekwereraaka, ni kintthuneya ovilela.”

Yeremiya 4:12

Epheyo yoowuupaxa yeeyo yoorumihiwa ni Miyo. Vano kinlaleiya kaalakelenlaaka yaawo.”

Yeremiya 4:31

Kiniiwa okhuweliwa ntoko wa muthiyana ahaleelaka oyara, ntoko muthiyana ahaleelaka oyara muxutto – okhuwela wa mwaana muthiyana a oSiyoni iilipiheraka omumula ni atheteyaka matata, eeraka: “Ii! Wa miyo, kihanle vakhaani okomoka; okumaaka ori mmatatani mwa anamwiiva!”

Yeremiya 46:18

Kinlipela mwa okumaaka,” onghima Mwene, mwa Yoowo Nsinanawe Yave a ikuru sootheene, “Mmoha onimoorwa ntoko Tabori eriyari ya nyaako, aani ntoko Karemeli ophareiya.

Yeremiya 48:40

Yave oneera ha: “Moone! Xaaka onkungela mapupha oMowabe.

Yeremiya 49:22

Moone! Xaaka awelaka onkhuruwa, akungenleene mapupha oBozera. Nihuku nno ominya murima wa anakhotto a wEdomi onuukhale ntoko muthiyana ayaraka.

Yeremiya 6:23

Awosa avarenle nyuupa ni mavaka; ti a murima woowuumaxa ni khaammorelaru ikharari. Yeettihaka ikavalusaya*, orumawaya onlikana oruma otokotoko wa ephareiya; awosa anrwa ethataanenleene owana ni nyuwo, mwaana muthiyana a oSiyoni.”

Yeremiya 9:19

Oruma wa olalamika wohiiwanyeya oSiyoni: ‘Moota niphwatiwaahu! Moota niyevihaxiwaahu! Nintthuneya ohiya elapwaahu niwoko impasahu sooheleya nthala.’”

Icipo Soolalamika 4:19

Anamattharattharaahu yaari oowaaluwa waapwaha axaaka a wiirimu; yaanittharelela mmanyaakoni, yaaniweherera munikareni.

Ezekiyeli 26:10

Ikavalusawe* sinookhala sincipalexa moota wooweera sineera sooheleeni ntthupi. Ixirisanyu nsittikinyeye ni mikhitto sa ikavalu* sa ekhotto ni ikaaro soohiyanahiyana, owo aavoleelaka mmilakonimwanyu woohihaawano ntoko omvoloiwaaya musidade ixiri sikurumungweene.

Ezekiyeli 38:9

Nyuwo, anakhottwaanyu ootheene ni miloko sincipale siri ni nyuwo, munoorowa, mweettaka ntoko ettheku; nyuwo mmwikhale ntoko nihutte nikuttelelaka elapo.

Daniyeli 11:40

Mweehuhuni ya ommaleloni, mwene a ohitto onoovolowa mukhottoni ni mwene a ottuttuwani onoongwanano mwene a ohitto ni ikaaro sa ikavalu*, anamweettiha a ikavalu* ni makula matokotoko mancipale. Owo onoovolowa ilapo sincipale aviraka ntoko maahi oowuupaxa.

Daniyeli 7:4

Oopacera aari ntoko mwatto akhalanaka mapupha a xaaka. Kaaweha mpaka mapuphaawe yaavasuliwa ni owo aaheemexiwa vathi moota wooweera aaheemela nyetto miili ntoko mutthu, anaakhela murima wa mutthu.

Hoxeya 8:1

“Muhele nipalapatta owanoniwanyu! Nrepo nnaaraara osulu wa Empa ya Yave, niwoko muloko woonanariha wiiraanawaka ovaanyaka Nlamulonaka.

Mikeyasi 2:4

Nihuku nno, nyuwosa munootthebwiwa; animootheyani ni ecipo yoothananiha ela: ‘Nooheleyaxa nthala; ettima ya mulokwaaka yookawanyeya. Owo ookaakha! Ittimasahu ohaavaha anamavariha.’ ”

Nahumi 1:3

Yave ti oopixaxa murima ni a ikuruxa; Owo khanimuhiya woohimuttaruxa nanthowa. Ephirowaawe eri muyuupuruni ni mutthekuni; mahutte ti ari ntthupi na inaawosawe.

Habakuki 1:8

Ikavalusaya* ti soowaaluwa ompwaha havara, sooluwaxa opwaha miici sintotha ohiyu. Anamweettihaaya a ikavalu* anrweela ottaiwene; ikavalusaya* sinrwa sitthimakaka. Awo amvava ntoko xaaka oniihiyahiya akungaleene mapupha weera avare.

Zakariya 6:1

Kaawehatho ni kaahoona ohoolowaka ikaaro ixexe sa ikavalu* sirweelaka wiirimu eriyari ya nyaako miili sa ebronze*!

Matheyo 24:30

Vano eniiwe wiirimu eneneero ya Mwaana a mutthu. Miloko sootheene sa elapo ya vathi nsilalamike, ni nsimoone Mwaana a mutthu arweelaka mmahutteni a wiirimu ni ikuru ni ovuwa otokotoko.

Deuteronomiyo 28:49

Yave anootannyereleni muloko wa ottai weera woorweelaseni ntoko xaaka atthunaka ovara; muloko muneeraanyu muhiiweke nuulumonaya.

Ethupululo 1:7

Moone weera Owo onimoowa mmahutteni, ni maitho ootheene eniimoone, yaaletho yaamuhomme, ni miloko sootheene sa elapo ya vathi nsilalamike niwoko na Yoowo. Hiiho onuukhale! Ame!*