Yeremiya 4:1 - Emakhuwa Bible

¹ “Mwahokolowa, vano muhokoleele wa Miyo,” onghima Yave. “Mwasuseeriha ottaiwaka milukusanyu sa mwiikho, muhihapuwakatho,

Yeremiya 4:1 Iomraidhean Croise

Epacerero 35:2

Yakobe aaweerela yaawo a vaatewawe nitho yaawo aaraaweno: “Mwiitapuxe wa miluku sa anamarwa siri variyariwanyu. Mwiitteelihe ni muceendye ikuwo.

2 Mamwene 23:13

Mwene aaphwatatho mattumuxa ootteeliheriwa miluku sikina yaari mpatta ninkhuma nsuwa wa oYerusaleemu, mpatta wa ohitto wa Nttumuxa na Ophwata. Yaari altaareene yaale Salomoni, mwene a aYixrayeli, aamutekenlaawe Axeteroti, muluku ookhootteya a aSidoni, Kemoxi, muluku ookhootteya a aMowabe ni Moleki, muluku ookhootteya a awAmoni.

2 Mamwene 23:24

Ohiya toko yeeyo Yosiya aawoomolatho anamadyiini ootheene, yaawo yaakoherera minepa, miluku soowootha sa emusi, miluku sikina ni itthu sootheene sa mwiikho saari oYuda ni oYerusaleemu. Aapaka yeeyo weera akwanihere soonyesererihiwa sa Nlamulo nilempwale mulivuruni musaserdoti* Hilikiya, oonelenlaawe Mpaani mwa Yave.

2 Nyaha 15:8

Mwene Asa iiwakaru masu ale, ni mprofeeti Azariya, mwaana mulopwana a Obede, aathalihenraawe otthuna wa Muluku, aalipihaxa murimaawe. Aavenxa miluku soohiira sa elapo yootheene ya oYuda, oBenyamini ni isidade aawinnaawe mmanyaakoni sa wEfrayimi, anaareherera altaari* a Yave yaari ohoolo wa nipithela* na Empa ya Muluku.

2 Nyaha 33:8

aYixrayeli yapaka paahi yeeyo kaalamulenlaaka mmalamuloni ootheene, ikano ni soolamulela sivahiwe mwa Moisesi, nkaahiyatho ekhumaka mulaponi kaavanghaaka makholowaanyu.”

2 Nyaha 34:33

Yosiya aavenxa miluku sootheene soothanyeya sa elapo yootheene ya oYixrayeli, anaanyesereriha ootheene yaari oYixrayeli omurumeela Yave, Mulukwaaya. Owo nlelo areene ni okumi, muloko khawaahiyale omutthara Yave, Muluku a makholowaaya.

Yesaya 31:6

Ii! aYixrayeli, munghokoleele Yoowo mwaamvaanyaxiyaanyu.

Yeremiya 15:19

Tivawo Yave oneeraawe ha: “Mwarukunxa murimaanyu, Miyo kinimoorehererani moota wooweera mukirumeeletho. Nyuwo mwahima masu a ekhaikhai, ehikhalaka oohiphwanela, munookhala namutthengaaka. Muloko ola ohokoleeleke wa nyuwo, mene nyuwo muhirowe wa yoowo.

Yeremiya 15:4

Miyo kinimwaapaka yaawo etthu yoowoopiha wa omwene wootheene wa mweelaponi, niwoko na yeeyo Manaxe, mwaana mulopwana a Hizekiya, mwene a oYuda, opankaawe oYerusaleemu.

Yeremiya 18:11

Vano mwaaleele atthu a oYuda ni yaale amanke oYerusaleemu: Yave oneera ha: ‘Moone, kinreherera erisa ni woovaanelelani. Tivawo, muhiye iphirosanyu soonanara ni muceendye mweettelowaanyu ni mitekosanyu.’”

Yeremiya 24:9

Miyo kinimwaatatuxa etthu yoowoopopihera ni ya mwiikho wa omwene wootheene wa mulaponi. Khula nipuro kineeraaka kiwoomolele, anoothanliwa, anootthebwiwa, animuulihiwa muru ni anoolaphiwa.

Yeremiya 25:5

Awosa yannaweerelani: “Murukunxe murima khula mutthu mweettelowaawe woonanara ni wa mapakelowaawe oonanara, ni nyuwosa munoopwaherera okhala mulaponi Yave oovanghaaweni nyuwo ni makholowaanyu wa mahuku ootheene.

Yeremiya 3:1

“Mulopwana aahiya amwaariye, ni emwalanneene enatheliwa ni mulopwana mukina, mulopwana oopacera onoomuhokoleela? Elapo kheevaliheya woomalela? Vaheera nyuwo mooraruwano ancipale ni vano, muntthuna ohokoleela wa Miyo?” onkoha ti Yave.

Yeremiya 3:12

Murowe ni mwalaleiye masu ala mpatta wa ottuttuwani: ‘Ii! aYixrayeli oohiroromeleya, muhokolowe,’ onghima Yave, ‘kinimoomorelani ikharari ni nkinoonyoonyeriwani, aani nkinoonyoonyeriwani mahuku ootheene,’ onghima Yave.

Yeremiya 3:14

“Muhokolowe, muloko woohiroromeleya,” onghima Yave, “niwoko Miyo ti Aiyinyu. Kinimookuxani – mmoha a khula muttetthe ni eeli a khula nihimo – ni kinimoohokoloxerani oSiyoni.

Yeremiya 3:22

“Muhokolowe, muloko woohiroromeleya; kinoolamiha murimaanyu woovaanya.” Muloko waahaakhula: “Aani, nnimoowa wa Nyuwo, niwoko Nyuwo ti Yave Mulukwaahu.”

Yeremiya 35:15

Kaahoorumihelasani imaara sincipale arumeiyaaka ootheene, maprofeeti. Awosa yeera khula mutthu a nyuwo waatthuneya ohiya mweettelowaawe woonanara, okhaliha nnene soopakasawe ni ohiya otthara miluku sikina weera alape. Hiiho, nyuwosa mwaammaka mulaponi koovanghaakani nyuwo ni makholowaanyu. Vaheera nyuwosa khamwaakipwantthe hata khamwaakiiwelenle.

Yeremiya 36:3

Apaale, muloko wa oYuda woonelela khula erisa kaavaanelenlaaka, khula mutthu anaahiye mweettelowaawe woonanara ni Miyo nkaalevelele yootakhala ni yootthekaaya.”

Yeremiya 4:4

Mwiixiinele wa Yave, mwiinele mirimasanyu, nyuwosa asilopwana a oYuda ni amaki a oYerusaleemu. Mwaahipaka yeeyo, isarasaka sinoopatta sihiseke ntoko mooro, niwoko na yoonanara mpankaanyu, aani, sinoohisa ni khaawo anaawere ocipiha.”

Yeremiya 7:3

Yave a ikuru sootheene, Muluku a oYixrayeli oneera ha: Muceendye mweettelowaanyu ni mitekosanyu ni Miyo kinimootthuniherani okhala vanipuroni nna.

Yeremiya 7:5

Nyuwosa vekhaikhai mwaceendya mweettelowaanyu ni mitekosanyu ni mwapakelana ekhaikhai,

Yeremiya 7:7

vano kinimootthuniherani okhala vanipuroni nna, mweelaponi kaavanghaaka makholowaanyu wa mahuku ootheene.

Ezekiyeli 11:18

Awosa anoohokoleelamo ni anoovenxa icaambulosaya soohiira ni milukusaya soothanyeya.

Ezekiyeli 18:13

Onkoongoriha eerelaka owina musurukhu ni onkokoca iphura. Mutthweene yoowo akhaleke ni okumi? Hoye! Mwa ipakelosawe sootheene iya soothanyeya, vekhaikhai owo onimwiiviwa, ni nthowa na okhwawawe ti nawawe.

Ezekiyeli 43:9

Vano, esusihase wa Miyo opuutaaya ni miluku soohikhalano okumi sa mamwenaaya, ni Miyo kinookhala ni yaawosa mahuku ootheene.

Hoxeya 14:1

Ii! oYixrayeli, ohokoleele wa Yave, Mulukwaawo. Sootthekasawo sohoomoroxa!

Hoxeya 2:2

“Mwaahiihe amayinyu, mwaahiihe, niwoko awo khaahiyono amwaaraka, ni Miyo nkihiyono aiyaya. Awo ehiye mawehero oopuuta, ni evenxe ohiroromeleya eriyari ya mapele.

Hoxeya 7:16

Awosa khaanghokoleela wa Muluku Musulusulu; ari ntoko muura woohilokaloka. Ahoolelaaya animwiiviwa ni ekatana niwoko na maswaaya ooveiha. Tivawo atthu a wExipitu anaatthebwaaya.”

Yoweli 2:12

Yave oneera: “Muhokoleele wa Miyo vaanaano va ni murimaanyu wootheene, mutthukaka, mwiinlaka ni mulalamikaka.”

Zakariya 1:4

Muhikhale ntoko makholowaanyu, wa yaawo yaalaleeriwe ni maprofeeti a khalayi masu ala: ‘Yave a ikuru sootheene oneera ha: ‘Muhiyeke iphirosanyu ni mitekosanyu soonanara.’ Mene awosa khayaatthunne wiiwa naari khayaakipwantthe, onghima Yave.

Deuteronomiyo 27:15

“Oolaphiwa ti yoowo anaapake ecaambulo hoye hoye muluku oolokottha iipithihaka -– etthu yoopakiwa ni aratti. Ti sa mwiikho vamaithoni wa Yave.” Vano muloko wootheene weereke: “Ame!*”

Deuteronomiyo 4:30

Nyuwosa mwaahaawasaka ni itthu sootheene iyo sookhumelelasani, hiiho mahuku a muhoolo mmwinghokolele Yave Mulukwaanyu ni mmwimwiiwelele.

Yoxuwa 24:14

Vanonto, mmoove Yave ni munrumeele ni murima woororomeleya. Mvonyere okhwipi miluku yaalapaaya makholowaanyu okhopela wEfrates ni wExipitu ni munrumeele Yave.

Ahooleli 10:16

Vano yaarihela okerekhere miluku sa anamarwa yaaraayano, enamulapa Yave. Vanonto Yave khaatthuna woonatho ohooxiwa wa aYixrayeli.

1 Samuweli 7:3

Samuweli aaheerela muloko wootheene wa aYixrayeli: “Mwatthuna omuhokoleela Yave ni murimaanyu wootheene, vano mvenxe miluku sikina variyariwanyu nitho miluku sikina siniitthaniwa Axetoroti ni vahoolowaya mumvahe mirimasanyu Yave munrumeelaka Yoowo paahi. Owo onoowoopolani mmatatani mwa aFilisti.”