Yeremiya 39:5 - Emakhuwa Bible

⁵ Vaheera anakhotto a oBabiloniya yaamuttharelela, enamphwanya Zedekiya omuhawalawani wa oYeriko. Awosa yaamvara, enamurongha wa Nebukadenezari, mwene a oBabiloniya, oRibela, mulaponi mwa oHamati, mwa weiwo aamulakelenlaawewo.

Yeremiya 39:5 Iomraidhean Croise

2 Samuweli 8:9

Vano Tohu, mwene a oHamati, iiwakaru weera Davide aahaawina anakhotto ootheene a Hadadezeri,

2 Mamwene 17:24

Mwene a wAsiriya aahaaruuha atthu a oBabiloniya, oKuta, wa Awa, oHamati ni oSefarevayimi, anaatekiha mmittettheni sa oSamariya yaarandelaka aYixrayeli. Awosa yaahaakamela oSamariya enamaka mmittetthenimwaya.

2 Mamwene 23:33

Farawu* Neko aamutthukenle oRibela, mweelaponi ya oHamati, weera ahilamuletho oYerusaleemu. Neko owo aanyesereriha oYuda oliva italentu* ncira sa eparatha* ni etalentu* emoha ya eyuuma yoorikaxa ntoko musoko.

2 Mamwene 25:6

ni owo aavariwa. Aaroihiwa wa mwene a oBabiloniya aari oRibela, mwa weiwo aathoriheliwaawewo.

2 Nyaha 33:11

Tivawo Yave aarumihenlaawe asitokweene a anakhotto a mwene a wAsiriya, mwa yaawosa yaamvanre Manaxe, enamuhomano mphulani eyuuma yoongweyano, enamutthuka ni onyooro wa ebronze, enamuronghasa oBabiloniya.

Yesaya 22:3

Ahoolelaanyu ootheene aatthawa vamoha. Awosa aavariwa ehivarelaka muteko muupa. Ootheene nyuwo moophwanyiwa, munatthukiwa, mwaarootthawelaru ottaiwenexa.

Yeremiya 21:7

Vahoolowaya,’ onghima Yave, ‘Miyo kinoomwinnyerera Zedekiya, mwene a oYuda, asitokweenaaya ni amaki a esidade ela eneera ehalahale munihooxoni, mukatanani ni mutalani mmatatani mwa Nebukadenezari, mwene a oBabiloniya ni mwa amwiittanaaya mwa yaale antthuna owiiva. Nebukadenezari onoowiiva, ahaamorelaka ikharari, hata ihaaya naari murima wooreera.’

Yeremiya 24:8

Vaheera ntoko simpakeliwaaya ifiigu soonanara ni soohiceya,’ onghina Yave, ‘hiihotho kinoompakela Zedekiya, mwene a oYuda, ni ahoolelaawe nitho yaawo ahalahanle oYerusaleemu– okhuma awosa ankhala elapweene yeela mpaka wExipitu.

Yeremiya 38:18

Vaheera nyuwo mwaahiixinnyerera woowaakuveya wa asitokweene a mwene a oBabiloniya, esidade ela enimwinnyereriwa mmatatani mwa aBabiloniya, ni awosa anoohisa; hata nyuwo khamoopowa mmatatanimwaya.’”

Yeremiya 38:23

Axaarinyu ni anamwaniinyu ootheene anooronghiwa wa aBabiloniya. Nyuwo khamoopowa mmatatanimwaya, mene munoovariwa ni mwene a oBabiloniya; ni esidade ela enoohisiwa.”

Yeremiya 4:12

Epheyo yoowuupaxa yeeyo yoorumihiwa ni Miyo. Vano kinlaleiya kaalakelenlaaka yaawo.”

Yeremiya 44:30

Yave oneera ha: ‘Kinoomwinnyerera Farawu* Hofera, mwene a wExipitu, mmatatani mwa amwiittanaawe anghaawela omwiiva, ntoko kaamwinnyerenraaka Zedekiya mwene a oYuda, mmatatani mwa Nebukadenezari, mwene a oBabiloniya, mwiittana aahaawela omwiiva.’ ”

Yeremiya 49:23

Mwaha wa oDamasku: “wAmati ni wArepadi wohoopopiheya niwoko ahiiwa ihaali soonanara. Khaalipiheiye murima ni ootthukuruweene ntoko ephareiya yootekumihiwa.

Icipo Soolalamika 1:3

Moothananani ni mmitekoni soonyesereriwa, Yuda ooronghiwa wootthukiwani. Onkhala eriyari ya miloko ahiphwanyaka wiitthuuwa. Yaamuttharelela ootheene yaamvarasa moohaawanimwawe.

Icipo Soolalamika 4:20

Oottikittheliwa a Yave, ngwiya xaxaxa wa okumaahu woopharihiwa mmiraakhonimwaya. Hiyo nuupuwela weera mwa okhapelelawawe naamukhala eriyari ya miloko.

Ezekiyeli 23:24

Awosa eniyoorweeleni ekuxaleene ikapwitthi, vamoha ni ikaaro sincipale, ni anakhotto ancipale; eniyoothataaneleni mipatta sootheene ni ixikudu* itokweene ni ikhaani vamoha ni ikapaseti. Kinoowinnyererani wa yaawosa weera yoottaruxeni, ni awosa eniyoottaruxeleni ettharaka mootaaya wa ottaruxa.

Habakuki 1:7

Owo ti muloko woowooviwa ni woowoopopiha. Ompaka yeeyo ontthunaaya, wiittittimihaka.

Nuumeru 13:21

Awosa yaarowa, enahottela elapo, okhuma munikareni na oZini mpaka oRehobi, mpatta wa oLebo-Hamati.

Yoxuwa 13:5

elapo ya aGibeli ni elapo yootheene ya oLibanu mpatta ninkela nsuwa wa oBahali-Gadi, vathi wa mwaako Heremoni mpaka oLebo-Hamati.

Yoxuwa 4:13

Wookwanaka anakhotto 40 000 yaalapuwa ohoolo wa Yave erowaka oreyareyani wa oYeriko, oolikaneene owana.

Yoxuwa 5:10

Moohiyuni wa nihuku na naamuloko ni maxexe na mweeri ole, ekonenleene oGiligali oreyareyani wa oYeriko, aYixrayeli yaapaka efesta ya mPaska*.

Ahooleli 3:3

Mamwene mathanu a aFilisti, aKanaani, aZidoni ni aHivi yaakhala mmanyaakoni sa oLibanu, okhuma mwaako oBahali-Heremoni mpaka oLebo-Hamati.