Yeremiya 39:16 - Emakhuwa Bible

¹⁶ “Murowe mwamuleele Ebedi-Meleki, muKuxi: ‘Yave a ikuru sootheene, Muluku a oYixrayeli oneera ha: Kihanle vakhaani okwanihera soowoopererelasaka esidade ela – mwa irisa ohikhanle weetteleya nnene. Nihuku nno, iyo sinookwanihereya vamaithoniwanyu.

Yeremiya 39:16 Iomraidhean Croise

2 Nyaha 36:21

Elapo yaahuleleya wiitthuuwa wa iSaabadu; yaahiitthuuwa mweehuhuni yootheene ya oheleya nthala, mpaka ophiyera iyaakha miloko mithannamiili, ekwanihereyaka masu a Yave, yaahimmwale mwa Yeremiya.

Icipo 92:11

Maithwaaka yaahoona owiniwa wa amwiittanaaka; maaruwaaka yaahiiwa wiixinlela wa yaale yaatthuna okipaka yoonanara.

Yeremiya 26:15

Vanonto musuwele weera, mwakiivasa, esidade ela ni amakaaya anookhalano nthowa na oyeeheya wa ephome yoohinthowa, niwoko vekhaikhai, Yave okirumihale wa nyuwo weera kooleeleni masu ala.”

Yeremiya 26:18

“Mika a oMorexeti aathalihera otthuna wa Muluku mmahukuni a Hizekiya, mwene a oYuda, aneerela muloko wootheene wa aYuda: ‘Yave a ikuru sootheene oneera ha: Siyoni onoottipuriwa ntoko mmatta. Yerusaleemu onoothatuwa ettuxo, Empa ya Muluku nttumuxa, mwaako woophipa.’

Yeremiya 26:20

Mulopwana mukina aathalihenre otthuna wa Muluku mwa Nsina na Yave aari Uriya, mwaana mulopwana a Xemayeya, a oKireyati-Yeharimi. Owo aathalihera otthuna wa Muluku esidade ela ni elapo ela itthusene seiya sihimmwale ni Yeremiya.

Yeremiya 34:22

Kinoolamulela, onghima Yave, ni kinimwaahokoloxera esidadeene yeela. Awosa anoowanano yeela, ni anoowina, ehiseke. Kinoopakiha weera isidade sa oYuda siheleye nthala ni sihimakiwe.”

Yeremiya 35:17

Vanonto Yave a ikuru sootheene, Muluku a oYixrayeli oneera ha: ‘Mwiiwe, kinooruuhela oYuda ni amaki ootheene a oYerusaleemu erisa yootheene mwa yeeyo kaawoopererenlaaka; niwoko kaahaaleela, mene khayaakiiwale, kaawiitthana, mene khayaakaakhunle.’ ”

Yeremiya 36:31

Miyo kinoomuttaruxa yoowo, anamwanaawe ni anamalakaawe niwoko na sootthekasawe. Kinimwaaruuhelasa awo, amaki a oYerusaleemu ni atthu a oYuda erisa yootheene kaalakelenlaaka, yeenre ehikipwattha.’”

Yeremiya 40:3

Vano Yave ookwaniherela, anapaka yeeyo aaroromelihalaawe. Sootheene iyo seereenle niwoko na omutthekela nyuwosa Yave ni ohimwiiwelela.

Yeremiya 44:27

Kinimwaawehaweha weera kaaruuhele erisa ohikhanle mpuha; aYuda a wExipitu anooriheya mwa ekatana ni mwa etala mpaka eneeraaya ephwateye ootheene.

Yeremiya 5:14

Tivawo, Yave, Muluku a ikuru sootheene, oneeraawe ha: “Weenre muloko wuulumaka masu ala, kinoopakiha weera maswaaka ekhale mooro mmwaanomwanyu ni muloko owo okhale ikhuuni sinlalihiwa ni mooro owo.

Daniyeli 9:12

Mookwanihera masu naalakeleliwaahu hiyo ni anamalamulaahu, muniruuhelaka erisa etokotoko. Mweelaponi moothemwene kheenapakiwe etthu ntoko epakingwe oYerusaleemu.

Amosi 9:4

Naari eronghiwaka wootthukiwani elapo ekina ni amwiittanaaya, kinoolamulelawo ekatana weera ewiive. Kinimwaawehaweha weera kaaruuhele erisa ohikhanle mpuha.”

Zakariya 1:6

Vaheera maswaaka ni ikanosaka mwa seiyo kaalamulenlaaka arumeiyaaka, maprofeeti, saahaaphwanya makholowaanyu. Vano yaakurunuxa mirimasaya yeeraka: ‘Yave a ikuru sootheene oonipakela yeeyo iphirosahu ni mitekosahu simphwanelaaya, ntoko aalakenlaawe opaka.’”

Matheyo 24:35

Wiirimu ni vathi onuuvire, mene maswaaka kheerwa eviratho.