Yeremiya 37:7 - Emakhuwa Bible

⁷ “Yave Muluku a oYixrayeli oneera ha: Mwamuleele mwene a oYuda, oorumihaleni weera mukikoherere: ‘Anakhotto a Farawu*, avennye wExipitu weera yookhavihereni, anoohokoleela mulaponimwaya wExipitu.

Yeremiya 37:7 Iomraidhean Croise

2 Mamwene 22:18

Mwamuleele mwene a oYuda oorumihaleni weera munkoherere Yave: ‘Yave, Muluku a aYixrayeli oneera ha mwaha wa masu mwiiwalaanyu:

2 Mamwene 24:7

Mwene a wExipitu khanakhumetho mweelaponimwawe ni anakhottwaawe, niwoko mwene a oBabiloniya aakuxa ilaposawe sootheene, okhuma Nxaapwa na wExipitu mpaka mooloko Efratesi.

Masu a Miruku 21:30

Khasiwoworu miruku, hata iseru, naari yoovaanela singwera omvaanya Yave.

Yesaya 30:7

Awosa anrowa wExipitu ori woohimutekoxa. Tivawo kinttehaaka Rahabi ohimuteko.

Yesaya 36:6

Moone, munroromela wExipitu ori ntoko ettheere yoowintakiwa enghoma ni emvulaliha ntata na mutthu onlipano yeeyo. Ti hiiho Farawu*, mwene a wExipitu, ongwerihelaawe animuroromela.

Yeremiya 2:18

Vano, murowenleni wExipitu ongwura Nilu? Ni munrowelani wa Asiriya ongwura Efratesi?

Yeremiya 2:36

Munghapuwelaxani muceendyaka imaara sincipale ephirowaanyu? Nyuwo munoopwaneya wExipitu, ntoko mwaapwaneyaanyu wAsiriya.

Yeremiya 2:37

Myuwo munoohiyatho nipuro nno mwiivarenleene vamuru, niwoko Yave ohaakhootta yaale munaaroromelaanyu; nyuwo khamukhaviheriwatho ni yaawosa.”

Yeremiya 21:1

Yeremiya aahaakhela masu a Yave mweehuhuni mwene Zedekiya aamurumihalaawe Paxuri, mwaana mulopwana a Malekiya ni musaserdoti* Zefaniya, mwaana mulopwana a Maaseya. Awosa yaamweerela:

Yeremiya 21:2

“Mwanikohererele Yave niwoko Nebukadenezari, mwene a oBabiloniya onooniwanano. Apaale Yave onoonipakelatho sootikhinihasawe ntoko aapankaawe khalayi moota wooweera Nebukadenezari onoohokoleela elapwaawe.”

Yeremiya 37:3

Wa soothesene, mwene Zedekiya, aamuruma Yehukali, mwaana mulopwana a Xelemeya, ni musaserdoti* Zefaniya, mwaana mulopwana a Maaseya, wa mprofeeti Yeremiya ni mutthenga ola: “Mwanivekelele wa Yave Mulukwaahu.”

Yeremiya 37:5

Eyo eri hiiho, anakhotto a Farawu* yaavenya wExipitu. aBabiloniya yaamurince Yerusaleemu yiiwakaru yeeyo, yaahiya orica.

Yeremiya 37:6

Vanonto Yave aamweerela mprofeeti Yeremiya:

Icipo Soolalamika 1:7

Mmahukuni mwa makacamiho ni othanana, oYerusaleemu onuupuwelela itthu sooreerela sincipale waarinaaya mmahukuni avinre. Vano amakaaya amorenlaaya mmatatani mwa amwiittanaaya, khaakhanleru ookhavihera. Amwittanaaya annoona ni anootheya ohaawawaya.

Icipo Soolalamika 4:17

Maithwaahu aakhulumuwa waasaasa ekhavihero vasiiyoniwene; naaweherera mmatoorenimwahu* muloko wahaawera onivuluxa.

Ezekiyeli 17:17

Farawu* ni anakhottwaawe oowera vamoha ni nakupaawe kheekhalaru ekhaviherowaawe mukhottoni, saatekiwaka ikaaro sookurumulela exiri ni saapakiwaka sooricano weera siwiive atthu ancipale.

Ezekiyeli 29:16

wExipitu khookhalatho oweherera wa aYixrayeli, mene onuukhale yoowuupuwelela moota yaatakhanlaaya woowaasaasa ekhavihero ya wExipitu. Hiiho awosa anoosuwela weera Miyo ti Yave onlamula sootheene.’ ”

Ezekiyeli 30:22

Vano, Yave onlamula sootheene oneera ha: Koomwiitta Farawu*, mwene a wExipitu. Kinimwintaka nyoonosawe miili – woohinteya ni yoowo winteiye, ni kinoommoroxiha ekatana mmatatanimwawe.