Yeremiya 37:21 - Emakhuwa Bible

²¹ Vano mwene Zedekiya aalamulela weera Yeremiya iikaathiwe vanipuwani na namalipelela ni weera khula nihuku aakhele epaawu amviraayaamo anapaawu, mpaka seeraaya simale ipaawu sootheene sa musidade. Hiiho Yeremiya aapwaherera okhala vanipuwani na namalipelela.

Yeremiya 37:21 Iomraidhean Croise

2 Mamwene 25:3

Vanihukuni nanaathannaaxexe na mweeri wanaaxexe etala yaatepaxa ovola moota wooweera khayaariworu yooca muloko.

Yobi 5:20

Mutalani, Owo onimootapuxani mookhwaani, ni mukhottoni onimootapuxani mwa ikuru sa ekatana.

Icipo 37:19

Itthu saaheettaka nnene awosa anoopwaneya ni mmahukuni a etala awosa anoovona.

Icipo 37:3

Munroromele Yave ni mpake yooreera – hiiho nyuwo munoomaka mweelaponi mukhalaka oolipeene.

Masu a Miruku 16:7

Iphiro sa mutthu saamusivelaka Yave, Owo ompakiha weera mpaka amwiittanaawe ekhale mmuretteleni ni yoowo.

Masu a Miruku 21:1

Murima wa mwene onlikana ni mooloko ongwehawehiwa ni Yave; owo onimuhoolela weiwo ontthunaawewo.

Yesaya 33:16

Ti yoole mulopwana aneera akhale musulusulu ni wootthawelawawe onuukhale mwaako. Onookhalano yooca ni maahi kheemuthowa.

Yeremiya 20:2

aalamula weera Yeremiya amaniwe ni atthukeleliwe vatthaabwani vamulako mutokweene wa Benyamini ori vakhiviru wa Empa ya Yave.

Yeremiya 32:2

Ehuhu ele, anakhotto a mwene a oBabiloniya yaamurica Yerusaleemu ni mprofeeti Yeremiya aari etthukeliwo vanipuwani na anamalipelela, vaate wa emwene ya oYuda.

Yeremiya 32:8

Ntoko Yave aahimalaawe, munnaka Hanameeli aahoorwa okikumanano vaate wa emwene vanipuroni na anamalipelela, aneera: ‘Muthume ettimaaka eri wAnatote, mulaponi mwa Benyamini, niwoko emphwanela okuxa nyuwo ni woopola. Muthumeke.’ Vano kaasuwela weera ale yaari masu a Yave.

Yeremiya 33:1

Yeremiya areene nlelo etthukeliwo vanipuwani na anamalipelela, Yave aahuuluma ni yoowo emaara yanaaveeli amweerelaka:

Yeremiya 38:13

Vano, yaamukhumiha ni mikhoyi, enamvenxa muhimeni. Yeremiya aapwaherera okhala vanipuwani na namalipelela.

Yeremiya 38:28

Yeremiya aapwaherera okhala vanipuwani na anamalipelela mpaka ophiyera nihuku aawiniwaawe Yerusaleemu.

Yeremiya 38:6

Hiiho, yaamvara Yeremiya, enamvonyera muhimeni mwa Malekiya, mwaana mulopwana a mwene, mwa yeeyo yaari vanipuwani na namalipelela. Yaamukuruxelamo Yeremiya ni mukhoyi muhimeni mmwe. Khayaarimo maahi, naarimo nttokoru paahi; ni Yeremiya aadora.

Yeremiya 38:9

“Ii amwene pwiiyaaka, asilopwana ala aapaka yoonanara mwa yeeyo ampakenlaaya mprofeeti Yeremiya. Awosa aamvonyera muhimeni weera akhwe etala, niwoko musidade kheewowo yooca.”

Yeremiya 52:6

Niphiyeraka nihuku nanaathannamaxexe na mweeri wanaaxexe, yaawirimaxa etala moota wooweera muloko khawoona yooca.

Icipo Soolalamika 5:10

Exapalaahu yooviha ntoko ttukuttha, yoovihereya evolaxiweene etala.

Matheyo 6:33

Mwaasaase toko omwene wa Muluku ni opaka otthunawawe, ni itthu seiyo sootheene mmwivahiwe nyuwo.

Miteko 12:5

Pedru aahiikaathiwa okaliposo, mene ekerexa yannamvekelela vancipale wa Muluku.

Miteko 24:27

Siviraka iyaakha piili, Felisi aamwaakhela Porsiyo Festo ntoko namukalambaawe. Wa soothesene, atthunaka waasiveliha aYuda, Felisi aamuhiya Pawulo okaliposo.

Miteko 28:16

Niphiyakaru oRooma, Pawulo aatthuniheriwa omaka empaawe meekhaawe, alipeleliwaka ni nakhotto mmoha.

Miteko 28:30

Wa iyaakha piili sookwanelasene Pawulo aakhala vaate owo aalivelaawe khula mweeri, ni aawaakhela ootheene yaarowa omoona.

awEfeso 4:1

Ntoko ootthukiwa mwa Apwiya, kinoodyoonttelelani weera mweettele mukhalelo woophwanelela wiitthaniwa mwaakhenlaanyu.

awEfeso 6:20

mwa yaawo kiri namutthenga ootthukiweene. Muvekele weera miyo kuulume ni olipa murima, ntoko ontthuneyaaya weera kipake.

2 Timootheyo 1:8

Tivawo, ohuuliwe muru okhalela onamoona mwaha wa Apwiya, naari niwoko na miyo kiri namatthukiwaaya, mene ovilele vamoha ni miyo ni ikuru sa Muluku soohaawa niwoko na masu ooreeraxa.

2 Timootheyo 2:9

mwa yaawo kinghaawa mpaka kootthukiwa ni onyooro ntoko namatakhala. Wa soothesene, masu a Muluku khaatthukiwe.